<div class="item-page">
<p><span style="color: #000000;"><strong>ភ្នំពេញ)៖</strong> លោកឧកញ៉ា ម៉ុង ឫទ្ធី ប្រធានក្រុមហ៊ុន ម៉ុង ឫទ្ធី គ្រុប បានប្រកាសបញ្ជាក់ថា ក្រុមហ៊ុន M's PIG ACMC ដែលជាក្រុមហ៊ុនបុត្រសម្ព័ន្ធរបស់លោក បាននិងកំពុងដំណើរការរោងចក្រផលិតចំណីសត្វធំមួយនៅកម្ពុជា ដែលវត្ថុធាតុដើមទិញពីប្រជាកសិករខ្មែរ ដើម្បីចូលរួមបង្កើតឱកាសការងារដល់ប្រជាពលរដ្ឋបន្ថែមទៀត។</span></p>
<p><span style="color: #000000;">ថ្លែងប្រាប់អង្គភាព Fresh News លោក ម៉ុង ចាន់ថុល កូនប្រុសបង្កើតរបសលោក ម៉ុង ឫទ្ធី បានឲ្យដឹងថា <strong>«បច្ចុប្បន្ន យើងកំពុងធ្វើតេស្តម៉ាស៊ីន គឺដំណើរការរលូនរួចអស់ហើយ អត់មានបញ្ហាអ្វីទេ ហើយកម្លាំងរបស់វាក៏ផលិតបាន២០តោនក្នុង១ម៉ោង តាមការគ្រោងទុកដូចគ្នា»</strong>។</span></p>
<p><span style="color: #000000;">លោក ម៉ុង ចាន់ថុល បានបន្តថា <strong>«វត្ថុធាតុដើមដែលយើងនឹងទិញពីកសិករខ្មែរយើងក្នុង១ឆ្នាំៗ មានពោត៦ម៉ឺនតោនក្នុង១ឆ្នាំ, កន្ទុ១ម៉ឺនតោន, ចុងអង្ករ១ម៉ឺនតោន និងដំឡូង១ម៉ឺនតោនដែរ ឯកាកសណ្ដែកសៀងយើងនាំចូល គឺ២ម៉ឺនតោនក្នុង១ឆ្នាំ»</strong>។</span></p>
<p><span style="color: #000000;">លោកបន្ថែមថា ផលិតផលចំណីសត្វដែលផលិតបាន ក្រុមហ៊ុន M's PIG ACMC នឹងធ្វើការផ្គត់ផ្គង់នៅទីផ្សារក្នុងស្រុកសិន នៅពេលដែលមានតម្រូវការច្រើន ការផលិតកើនឡើង ក្រុមហ៊ុន M's PIG ACMC នឹងបន្តលក់ចែកចាយទៅទីផ្សារក្រៅប្រទេសបន្ថែមទៀត។ ដោយឡែក រោងចក្រផលិតចំណីសត្វថ្មីនេះ ផលិតតែប្រភេទចំណីដែលមានតម្រូវការច្រើនដែរ ពោលគឺចំណីជ្រូក ម៉ាន់ ទា ជាដើម ចំពោះគោ ក្ងាន គឺមានទាន់មានដំណើរការនៅឡើយទេ។</span></p>
<p><span style="color: #000000;">លោក ម៉ុង ចាន់ថុល ក៏បានបង្ហើបឲ្យដឹងថា ក្រុមហ៊ុនបានចំណាយទឹកប្រាក់អស់ជាង១០លានដុល្លារ មកហើយ ក្នុងការដំឡើងរោងចក្រ និងការធ្វើតេស្ត ក្នុងរយៈពេលកន្លងមកនេះ។</span></p>
<p><span style="color: #000000;">សូមជម្រាបថា ក្រុមហ៊ុន M's PIG ACMC គឺជាក្រុមហ៊ុនបុត្រសម្ព័ន្ធរបស់ក្រុមហ៊ុន ម៉ុង ឫទ្ធី គ្រុប មានទីតាំងស្ថិតនៅតាមបណ្តោយផ្លូវជាតិលេខ៤ ស្ថិតក្នុងភូមិមនោរម្យ ឃុំជើងគោ ស្រុកព្រៃនប់ ខេត្តព្រះសីហនុ ហើយនៅថ្ងៃទី០២ ខែធ្នូ ឆ្នាំ២០១៦ ខាងមុខ ក្រុមហ៊ុននឹងបើកសម្ភោធរោងចក្រផលិតចំណីសត្វដ៏ធំរបស់នេះ ជាផ្លូវការតែម្ដង នេះបើតាមការបញ្ជាក់យ៉ាងច្បាស់របស់ លោក ម៉ុង ចាន់ថុល។</span></p>
<p><span style="color: #000000;">លើសពីនេះ ក្រុមហ៊ុន M's PIG ACMC ក៏នឹងមានផែនការពង្រីកសាខានៅតាមបណ្ដាលខេត្តមួយចំនួន បន្ថែមទៀតផងដែរ ក្នុងពេលអនាគត ដែលក្នុងពេលនេះ លោក ម៉ុង ចាន់ថុល នៅតែបញ្ជាប់ថា ក្រុមហ៊ុនរបស់លោកកំពុងធ្វើតេស្តបរិមាណនៃការផលិត និងស្ទាបស្ទង់ទីផ្សារជាមុនសិន៕</span></p>
<p><span style="color: #000000;"><img src="http://image.freshnewsasia.com/2016/019/fn-2016-11-13-22-17-05-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/fn-2016-11-13-22-17-05-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/fn-2016-11-13-22-17-05-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/fn-2016-11-13-22-17-06-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/fn-2016-11-13-22-17-06-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/fn-2016-11-13-22-17-06-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/fn-2016-11-13-22-17-06-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/fn-2016-11-13-22-17-06-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/fn-2016-11-13-22-17-06-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/fn-2016-11-13-22-17-06-9.jpg" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>
<div></div>
</div>