<p><span style="color: #000000;"><strong>(បាត់ដំបង)៖</strong> ចោរស្ទើរភ្លើងម្នាក់អស់លក្ខណ៍ បានលួចរថយន្តគេ១គ្រឿងកាលពីថ្ងៃទី១៥ ខែតុលា ឆ្នាំ២០១៦វេលាម៉ោង១៣៖០០ថ្ងៃត្រង់ បានរយៈពេលបួនថ្ងៃទៅហើយតែ ត្រូវបានអធិការដ្ឋាន នគរបាលក្រុងចាប់ឃាត់ខ្លួន និងយករថយន្តមកវិញ កាលពីយប់ថ្ងៃទី១៩ ខែតុលា ឆ្នាំ២០១៦ បន្ទាប់ពីបានទទួលពាក្យបណ្តឹងពីជនរងគ្រោះរួចមក។</span></p>
<p><span style="color: #000000;">តាមសមត្ថកិច្ចនគរបាលក្រុងបាត់ដំបងបានឲ្យដឹងថា កាលពីវេលាម៉ោង១៣៖០០នាទី ថ្ងៃទី១៥ ខែតុលា ឆ្នាំ២០១៦ នៅត្រង់ចំណុចក្រុមទី០៤ ភូមិរំចេក៤ សង្កាត់រតនៈ ក្រុងបាត់ដំបងមានជនរងគ្រោះ ឈ្មោះម៉ៅ ធីតា ភេទស្រី អាយុ៣៩ឆ្នំា មានទីលំនៅភូមិសង្កាត់កើតហេតុខាងលើ បានមកដាក់ពាក្យបណ្ដឹងថាបានបាត់រថយន្តមួយគ្រឿង</span><br /><span style="color: #000000;">ម៉ាកកាមរីគូថស្វិតពណ៌ផ្ទៃមេឃ ពាក់ផ្លាកលេខខេត្តកណ្ដាល២A.២៥១៩។</span></p>
<p><span style="color: #000000;">ក្រោយទទួលបណ្តឹងភ្លាមក៏បានធ្វើការស្រាវជ្រាវរហូតដល់ថ្ងៃទី១៩ ខែតុលាឆ្នាំ២០១៦វេលាម៉ោង១៤៖០៥នាទី កម្លំាងជំនាញព្រហ្មទណ្ឌនៃអធិការដ្ឋាននគបាល ក្រុងបាត់ដំបង បានសហការជាមួយ កម្លំាងប៉ុស្តិ៍តាគ្រាមស្រុកបាណន់ បានធ្វើការឃាត់ខ្លួនជនសង្ស័ឈ្មោះរ៉េម សាវុធ (ហៅ ផា)ភេទប្រុស អាយុ៣១ឆ្នំា មានលំនៅភូមិតាង៉ែន ឃុំតាគ្រាមស្រុកបាណន់ ខេត្តបាត់ដំបងនឹងរថយន្តមួយគ្រឿង ម៉ាកកាមរីគូថស្វិតពណ៌ផ្ទៃមេឃ ពាក់ផ្លាកកណ្តាលលេខ២A-២៥១៩ នាំយកមកអធិការក្រុងដើម្បីសួរនាំ។</span></p>
<p><span style="color: #000000;">បច្ចុប្បន្នជនសង្ស័យ ត្រូវបានសមត្ថកិច្ចកសាងសំណុំរឿងបញ្ជូន ទៅការិល័យជំនាញនៅស្នងការនគរបាលខេត្ត ដើម្បីចាត់ការនិងបញ្ជូនបន្តទៅតុលាការអនុវត្តតាមច្បាប់៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-20-10-06-32-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-20-10-06-32-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-20-10-06-32-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-20-10-06-32-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>