<p><span style="color: #000000;">យោងតាមរបាយការណ៍ពីខាង Motley Fool Canada បានឲ្យដឹងថា <span class="Tinhte_XenTag_TagLink">BlackBerry</span> អាចនឹងឈប់ធ្វើជំនួញលើផ្នែកទូរស័ព្ទចល័តនៅចុងខែនេះ ជាក់ស្តែងគឺនៅថ្ងៃទី២៨ ខែកញ្ញា ឆ្នាំ២០១៦ ខាងមុខនេះដែលជាថ្ងៃពួកគេប្រកាសលទ្ធផលជំនួញ សម្រាប់ត្រីមាសទីពីរ ឆ្នាំ២០១៦។ មានសញ្ញាជាច្រើនដែលបង្ហាញឲ្យឃើញនូវរឿងនេះ ពិសេសគឺពេលលោកនាយកប្រតិបត្តិ John Chen ធ្លាប់បាននិយាយថា នឹងធ្វើការសម្រេចចិត្តមួយថាតើគួរបន្ត ឬបោះបង់ចោលជំនួញផ្នែករឹង (Hardware) នៅក្នុងខែកញ្ញា។</span></p>
<p><a class="thickbox" title="" href="/FileManager/Commons/2016/9/23/1574237-23-09-2016--21-35-37.jpg"><img src="/FileManager/Articles/mce/2016/9/23/1574237-23-09-2016--21-35-37.jpg" alt="" /></a></p>
<ul>
<li><span style="color: #000000;">បច្ចុប្បន្ន ផ្នែកជំនួញផ្នែករឹង បានចំណាយដល់ទៅ ៦៥% នៃចំនួនទឹកប្រាក់សម្រាប់ការស្រាវជ្រាវ និងអភិវឌ្ឍរបស់ BlackBerry ប៉ុន្តែបើជាខំប្រឹងប្រែងខ្លាំងយ៉ាងនេះក្តី ក៏បរិមាណលក់របស់បណ្តាស្មាត ហ្វូន BlackBerry ពីមួយថ្ងៃទៅមួយ កាន់តែធ្លាក់ចុះ ដុនដាប។ ជាក់ស្តែ បរិមាណលក់ចេញស្មាតហ្វូន BlackBerry បានធ្លាក់ចុះនៅសល់តែ ៥០០,០០០ គ្រឿងនៅក្នុងត្រីមាសមុន ពោលគឺបានថយចុះ១០០,០០០ គ្រឿង បើប្រៀបនឹងត្រីមាសមុនមួយទៀត ហើយកាន់តែមិនអាចប្រៀបធៀបបាន ជាមួយនឹងចំនួនលក់ចេញបាន ជាច្រើនលានគ្រឿង ក្នុងត្រីមាសកំពូលមួយ ដែលជាត្រីមាសលក់បានច្រើន ជាងគេបំផុត។</span></li>
<li><span style="color: #000000;">បណ្តាអ្នកវិភាគ បានបង្ហាញឲ្យដឹងថា បើសិនជាស្ថានភាពនេះ ចេះតែបន្តដូច្នេះទៅទៀត នោះ BlackBerry នឹងបន្តខាត នៅក្នុងឆ្នាំ២០១៧ និងឆ្នាំ ២០១៨ ខាងមុខនេះ។</span></li>
<li><span style="color: #000000;">នាយកប្រតិបត្តិ John Chen ធ្លាប់បាននិយាយថា: "សម្រាប់ខ្លួនខ្ញុំផ្ទាល់ មិនជឿថា ឧបករណ៍នឹងជាអនាគត (អ្វីៗទាំងអស់) របស់គ្រប់ក្រុមហ៊ុនទាំងអស់នោះទេ"។</span></li>
<li><span style="color: #000000;">BlackBerry កំពុងតែអនុវត្តនូវយុទ្ធសាស្រ្តលក់បញ្ចុះតម្លៃដ៏ធំមួយ នៅលើគេហទំព័ររបស់ពួកគេ ពោលគឺបញ្ចុះតម្លៃដល់ទៅ ៤០% លើគ្រប់បណ្តាឧបករណ៍គ្រឿងផ្សំទាំងអស់ ហើយការបញ្ចុះតម្លៃ នេះនឹង បញ្ចប់នៅថ្ងៃទី២៧ ខែកញ្ញា ពោលតែមួយថ្ងៃ មុនពេលប្រកាសលទ្ធផលជំនួញសម្រាប់ ត្រីមាសទីពីរ។ នេះអាចជាសកម្មភាព នៃការឈប់លក់ទំនិញ។</span></li>
<li><span style="color: #000000;">BlackBerry DTEK50 ត្រូវបានលក់បញ្ចុះតម្លៃ នៅលើគ្រប់បណ្តាប្រព័ន្ធលក់រាយផ្សេងៗគ្នា បើទោះបីជា ទើបតែបង្ហាញខ្លួនក៏ដោយ។ តែក្នុងខែមុនប៉ុណ្ណោះ បុគ្គលិកចំនួន ១៧,៦០០ នាក់ នៅអន្តោប្រវេសន៍និងគយអាមេរិច បានប្តូរពីក្រុមហ៊ុន BlackBerry ទៅកាន់ Apple ។</span></li>
<li><span style="color: #000000;">កាសែតល្បីល្បាញបំផុតកាណាដា The Global and Mail បានធ្វើការសន្និដ្ឋានចុងក្រោយថា BlackBerry អាចនឹងដកខ្លួនឆ្ងាយពី ផ្នែកជំនួញឧបករណ៍ចល័ត ដែលកំពុងតែខាតបង់ច្រើន ដើម្បីប្រមូលអារម្មណ៍ផលិតផ្នែក Software ដែលអាចផ្តល់ផលចំណេញដល់ក្រុមហ៊ុន៕</span></li>
</ul>
<p><a href="http://www.camnews.com.kh/News/Detail/7940/an-update-on-the-charging-limit-galaxy-note-7-how-it-will-work"><em><span style="color: #0000ff;">- កំណែអាប់ឌេត កំណត់កម្រិតសាកថ្មតែត្រឹម ៦០% នៅលើ Galaxy Note 7 តើដឹងទេ វានឹងមាន ដំណើរការដូចម្តេច?</span></em></a><br /><span style="color: #000000;"><span style="color: #000000;"><a href="http://www.camnews.com.kh/News/Detail/22811/iphone-7-and-7-plus-were-reported-that-have-strange-noise-when-load-heavy-applications"><span style="color: #0000ff;"><em>- iPhone 7/7 Plus ត្រូវបានគេរាយការណ៍ថា មានលេចចេញនូវសម្លេងចម្លែក ពេលប្រើប្រាស់</em></span></a></span></span></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em>ប្រភព៖ Motley Fool Canada, Tinhte</em></p>