<p><span style="color: #000000;">ព័ត៌មានអន្តរជាតិ ៖ ហោចណាស់ មនុស្សម្នាក់ បានស្លាប់បាត់បង់ជីវិត ស្របពេលដែល ៥២ នាក់ផ្សេង</span><br /><span style="color: #000000;">ទៀតបន្តបាត់ខ្លួននៅឡើយ បន្ទាប់ពីនាវានេសាទមួយគ្រឿងរបស់ប្រទេស កូរ៉េ ខាងត្បូង បានក្រឡាប់ លិចនៅលើជលសារ នាភាគខាងកើតឧបទ្ទីប Chukotka ប្រទេស រុស្ស៊ី នេះ បើយោងតាមការដកស្រង់ សម្តីមន្រ្តីផ្លូវការ ។</span></p>
<p><span style="color: #000000;"><a class="thickbox" title="" href="/FileManager/Commons/2014/12/2/02-02-12-2014--09-01-31.jpg"><img src="/FileManager/Articles/mce/2014/12/2/02-02-12-2014--09-01-31.jpg" alt="" /></a></span></p>
<p> <span style="color: #000000;">បញ្ជាក់ ៖ រូបភាពឯកសារ </span><span style="color: #000000;"><a class="thickbox" title="" href="/FileManager/Commons/2014/12/2/02-02-12-2014--09-01-31.jpg"><br /></a><br /></span></p>
<p><span style="color: #000000;">បន្ថែមពីលើនេះ ប្រភពសារព័ត៌មានពីទំព័រប៊ីប៊ីស៊ី ក្រោយពីបានដកស្រង់ សម្តីមន្រ្តី ប្រទេស កូរ៉េខាង ត្បូង បានចុះផ្សាយអោយដឹងថា នាវានេសាទត្រី អូសចៃរ៉ាមួយគ្រឿងនេះ មានឈ្មោះថា Oryong 501 បានជាប់កឿង នៅឯសមុទ្រ Bering វេលាម៉ោង ប្រមាណជាង ៥ និង ២០ នាទី ម៉ោងក្នុងស្រុកកូរ៉េខាង ត្បូង ។ របាយការណ៍បញ្ជាក់ថា នាវាខាងលើនេះ ផ្ទុកក្រុមនាវា ជារួមមានគ្នាដល់ទៅ ៦០ នាក់ រួមមាន ដូចជា នាវិកជនជាតិ ឥណ្ឌូនេស៊ី ៣៥ នាក់ ហ្វីលីពិន ១៣ នាក់ កូរ៉េខាងត្បូង ១១ នាក់ និង អធិការជន ជាតិរុស្ស៊ីម្នាក់ផ្សេងទៀត ។ </span></p>
<p><span style="color: #000000;"><a class="thickbox" title="" href="/FileManager/Commons/2014/12/2/79418696russiachukotkasouthkorea4641114-02-12-2014--09-02-08.png"><img src="/FileManager/Articles/mce/2014/12/2/79418696russiachukotkasouthkorea4641114-02-12-2014--09-02-08.png" alt="" /></a><br /></span></p>
<p><span style="color: #000000;">កាសែតក្នុងស្រុក ប្រទេស រុស្ស៊ី អោយដឹងថា មនុស្សហោចណាស់ ៧ នាក់ ត្រូវ បានក្រុមការងារជួយ សង្គ្រោះ ស្របពេលដែលប្រតិបត្តិការជួយសង្គ្រោះត្រូវបានញ៉ាំញីដោយសារអាកាសធាតុមិនអំណោយ ផល ។ ភ្នាក់ងារសារព័ត៌មាន RIA Novosti ដកស្រង់មន្រ្តីអនុវត្តន៍ច្បាប់ អោយ ដឹងថា នាវាខាងលើពុំ បានប្រកាសសញ្ញាអាសន្នអ្វីនោះទេ មុននឹងជួបឧបទ្ទេវហេតុ ។ </span></p>
<p><span style="color: #000000;">ដោយឡែក កាសែតក្នុងស្រុក កូរ៉េខាងត្បូង Yonhap រាយការណ៍អោយដឹងថា នាវា នេសាទអូសចារ៉ៃ មួយគ្រឿងនេះ មានឈ្មោះថា Oryong 501 មានទម្ងន់ ដល់ទៅ ១៥៩០ តោន កសាងឡើងអំឡុង ៤០ ឆ្នាំមុន និងដំណើរការ ដោយសហគ្រាស Sajo ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី </span></p>