<p><span style="color: #000000;"><strong>(ភ្នំពេញ)៖</strong> ពិធីការិនីសម្បូរវោហារស័ព្ទ និងជាអ្នកដើរម៉ូដ ដ៏ស្រស់សោភា កញ្ញា សាវី សាទីវីត ហៅវីតវីត បានក្លាយជាពិធីការិនី ដ៏មានប្រជាប្រិយភាព និងលេចធ្លោជាងគេ នៅក្នុងស្ថានីយទូរទស្សន៍អប្សរា ដែលស្ថិតក្រោមការជ្រោមជ្រែង យ៉ាងសម្បើម ពីសំណាក់អតីតអ្នកដឹកនាំរឿង ដ៏ល្បីល្បាញ គឺលោក ហ្វៃ សំអាង ដែលលោកបានប្រគល់សេចក្ដីទុកចិត្ត ទាំងស្រុងទៅលើនាង វីតវីត ព្រោះកម្មវិធីធំៗ ប្រចាំប៉ុស្តិ៍ គឺនៅក្នុងដៃនាងជាច្រើន ។</span></p>
<p><span style="color: #000000;">ស្រីស្រស់ វីតវីត បានក្លាយជាខ្លាញី ប្រចាំនៅស្ថានីយទូរទស្សន៍ «អប្សរា» ព្រោះនាងមានអំណោចពេញដៃ និងប្រជាប្រិយភាពយ៉ាងសម្បើម ប៉ុន្តែ វីតវីត បានដាក់ខ្លួនកាន់តែទាប ពេលនាងមានប្រជាប្រិយភាពកាន់តែខ្លាំង ព្រោះនាងជាមនុស្សរាបសារម្យទម ពិសេសពេលនៅទីសាធារណៈនានា នាងតែងតែញញឹមញញែម ដាក់មហាជនទូទៅ មិនដែលប្រកាន់ខ្លួនឡើយ ។</span></p>
<p><span style="color: #000000;">តាមរយៈកាយវិកាសុភាពរាបសារ និងអត្តចរឹកល្អរបស់ វីត វីត បានធ្វើឲ្យនាងទទួលបានការងារយ៉ាងច្រើន ស្ទើរតែគ្មានថ្ងៃទំនេរឡើយ ជាពិសេសការងារជាពិធីការិនី តាមរយៈក្រុមហ៊ុននានា ដូចជាសម្ពោធផលិតផលនានា ការងារពិធីការិនីតាមក្លឹប ក៏នាងទទួលធ្វើទាំងអស់ សំខាន់តំលៃសមស្រប តាមអ្វីដែលនាងកំពុងតែមាន។</span></p>
<p><span style="color: #000000;">ភាពជោគជ័យ របស់ ពិធីការិនី វីតវីត មិនបានធ្វើឲ្យនាង បញ្ឈប់ការអភិវឌ្ឍន៍ខ្លួនត្រឹមនេះទេ នាងបានរៀនជំនាញលេងសៀកបន្ថែមទៀត ដែលគ្មានពិធីការិនីណា ធ្វើបានដូចនាងឡើយ ខណៈដែលនាងលេចធ្លោរជាងគេស្រាប់ទៅហើយនោះ គ្រាន់តែនាងនៅប៉ុស្តិ៍មិនសូវល្បីប៉ុណ្ណោះ ។</span></p>
<p><span style="color: #000000;">លោក ហ្វៃ សំអាង បាននិយាយយ៉ាងមានមោទនភាព ចំពោះនាងថា វីត វីត បានវិវឌ្ឍន៍ខ្លួនមួយកម្រិតទៀត ដែលមិនទាន់មានពិធីករ ឬពិធីការិនីណាធ្វើបាននៅឡើយ ក្រៅពីវោហាផ្កាសម្តី វីតវីត បានសម្តែងសៀករហសកម្ម អមមកជាមួយការបើកឆាក នៃកម្មវិធី នេះគឺជាឈុតឆាក នៃកម្មវិធី «ផ្កាយរះក្នុងសួន» សប្តាហ៍ទី១៨ ផ្សាយជូនទស្សនា ថ្ងៃសៅទី៤ខែមិនា ឆ្នាំ២០១៦ វេលាម៉ោង៧៖០០ដល់ម៉ោង៩៖០០យប់។ </span></p>
<p><span style="color: #000000;">ជាការពិតកន្លងមក លោក ហ្វៃ សំអាង កម្រកោតសរសើរសិល្បករណា ក្នុងការងារសិល្បៈណាស់ បើមិនត្រូវចិត្ត គឺដកចេញតែម្ដង ព្រោះលោកមិនសូវអាឡោះអាល័យ ច្រើននោះទេ ទើបតែពេលនេះ លោកបានបង្ហាញចេតនា ពេញចិត្តកញ្ញា វីតវីត ដោយចំហ ពិតជាមិនធម្មតាមែន ហើយថែមទាំងប្រគល់អំណាច ជាពិធីការិនីឲ្យនាង គ្រប់គ្រងពេញកណ្ដាប់ដៃថែមទៀតផង៕ </span></p>
<p style="text-align: center;"><span style="color: #000000;"><img src="https://fbcdn-sphotos-a-a.akamaihd.net/hphotos-ak-xtl1/v/t1.0-9/12801593_1362954010397572_7924483936933049988_n.jpg?oh=f46c3484d228f0b99f3286f88285b54b&oe=576CFC77&__gda__=1465246020_3ec1de64193a96cab910f2424e69b862" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/v/t1.0-9/12809566_1362953900397583_7669278018459540854_n.jpg?oh=c11bedd942975b0995e58a800c72fc45&oe=575F6EEE" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xlt1/v/t1.0-9/12799258_1362953893730917_1883560549914551522_n.jpg?oh=afc3444ceb2e21b13a0bcbb4a031a4fb&oe=5767D1B1&__gda__=1466601621_3574e150d3ce0c20c683e080474bb2e4" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xat1/v/l/t1.0-9/12791040_1362953890397584_8236612648242677895_n.jpg?oh=db4b10fd34789e7dc6bf020421e0cd71&oe=5754FCFE" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlf1/v/t1.0-9/12801378_1362953923730914_4547722931482233866_n.jpg?oh=bee5f20f8288987980a901a4f3ca0aa0&oe=576B1EEA" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlp1/v/t1.0-9/12043054_1362953927064247_7125080116916306579_n.jpg?oh=4efc4a4f23b701da0855c3a96db49a89&oe=574ED47C" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/v/t1.0-9/10400152_1362953953730911_1920426009570936963_n.jpg?oh=794ff3dcd30356e3e30375fbf7065fa1&oe=576A2DA3" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xlt1/v/t1.0-9/12814496_1362953967064243_6274051503397288243_n.jpg?oh=229cc4b9c30ed2f58afd4b12851b7e47&oe=575063EB&__gda__=1465759951_bb26940ee5c2bb09ff8c1caebae34d53" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xtf1/v/t1.0-9/12800115_1362953973730909_32707202029262013_n.jpg?oh=47a9788ca84c6e11f7de4ed119d87098&oe=574EE89F&__gda__=1465824349_548ffb1c08a7ce6f79385a8de2fd6afc" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xft1/v/t1.0-9/12814062_1362953987064241_3759241131410991791_n.jpg?oh=8e95f6c198419a5fc4b615679d452b4f&oe=57548BD1" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>