<p><strong>ភ្នំពេញ ៖</strong> យោងតាមប្រភពព័ត៌មាន ដែលទម្លាយចេញដោយក្រុមគ្រួសារ អតីត តារាចម្រៀងយេ.!<br /> យេ.! គឺអ្នកនាងអ៊ុំ គន្ធា ដែលមួយរយៈចុងក្រោយនេះ ឆាកជីវិតរបស់នាងជួបនៅព្យុះជីវិតបក់បោក<br />ស្ទើរតែ ទប់ខ្លួនមិននឹងនោះ ឥឡូវជីវិតទុរគតរបស់ នាង កាន់តែធ្លាក់ដុនដាបស្ទើរហៅលែងឮទៀត<br />ហើយ ដោយនាងបានរត់ចេញពីផ្ទះគ្មាន គោលដៅពិតប្រាកដ ហើយក៏មិនដឹងរសាត់ អណ្ដែតទៅ<br />ដល់ទីណានោះដែរ បន្ទាប់ពីរូប នាងមាន ជម្លោះនៅក្នុងផ្ទៃគ្រួសារ ជាមួយ នឹងឪពុកម្ដាយបន្ថែម<br />មួយជាន់ទៀតនោះ។</p>
<p>អ្នកស្រី ស៊ីនួន ដែលមានវ័យប្រមាណ ជិត៧០ឆ្នាំ ជាម្ដាយរបស់អ្នកនាងអ៊ុំ គន្ធា បានថ្លែងប្រាប់ភ្នាក់<br />ងារដើមអម្ពិលតាមទូរ ស័ព្ទ នៅរសៀលថ្ងៃទី២៧ ខែកុម្ភៈម្សិលមិញ ខណៈដែលភ្នាក់ងារដើមអម្ពិល<br /> ធ្វើការទាក់ ទង ដើម្បីយកថវិកា ដែលសប្បុរសជនឧប ត្ថម្ភ យកទៅប្រគល់ជូននោះ ដោយម្ដាយ <br />របស់អ្នកនាងអ៊ុំ គន្ធា អះអាងថា អ្នកនាង បានរត់ចាកចេញពីផ្ទះ អស់រយៈពេល៣-៤ ថ្ងៃមកហើយ <br />ដោយមិនដឹងពីមូលហេតុថា នាងរត់ទៅទីណា នោះទេ ។</p>
<p>ម្ដាយបានបន្ដថា គន្ធាកូនស្រីរបស់គាត់ នាងមានការអាក់អន់ ចិត្ដ និងបង្ហាញពីកំហឹងខ្លះៗទៅលើ<br />ឪពុក ម្ដាយ រហូតដល់ថ្នាក់រត់ចេញពីផ្ទះមិនដឹងជា ទៅដល់ទីណានោះទេ ធ្វើឱ្យរូបគាត់នឹងក្រុមគ្រួ<br />សារមានការព្រួយបារម្ភយ៉ាងខ្លាំង ព្រោះ ថាមកដល់ពេលនេះ សូម្បីតែតម្រុយថានាង រស់នៅផ្ទះ<br />មិត្ដ ភក្ដិ ឬរស់នៅជាមួយបងប្អូន ក៏គ្មានដំណឹងដែរ ។</p>
<p>អ្នកស្រីបានបន្ថែមថា រឿងកូនស្រីរបស់ គាត់ ហាទៅវាស្លាក់ ខ្ជាក់ទៅវាស្លែង ដោយ សារតែជម្លោះ<br />ផ្ទៃក្នុងគ្រួសារ ហើយនាង លែងគិតអ្វីទាំងអស់ សូម្បីតែខ្លួនរបស់នាង កំពុងមានជំងឺ ក៏លែងគិតដែរ<br /> ម្យ៉ាងទៀត មុននាងរត់ចាកចេញ ខណៈដែលនៅក្នុងផ្ទះ អត់លុយ នាងបានលក់ពូក សម្រាប់ដេក<br /> លក់ កង្ហារ និងទ្រព្យសម្បត្ដិមានបន្ដិចបន្ដួច យក លុយទៅចាយអស់គ្មានសល់ រហូតដល់បង្ក <br />ជម្លោះ វាយបំផ្លិចបំផ្លាញទ្រព្យសម្បត្ដិ ដឹង ដល់សមត្ថកិច្ចមូលដ្ឋាន ធ្លាប់ចុះមកធ្វើការ សម្រប<br />សម្រួលទៀតផង ។ ឥឡូវនេះអ្នក ស្រីលែងចង់គិត លែងចង់ខ្វល់ពីអនាគត ពី សុវត្ថិភាពរបស់ <br />នាងទៀតហើយ ចង់នាងទៅ ណា មកពេលណា ក៏ស្រេចតែនាង ព្រោះ អ្នកស្រីចាស់ទៅហើយ <br />ណាមួយត្រូវទទួល ភារកិច្ចមើលថែរទាំនិងរក ចិញ្ចឹមចៅប្រុស ទាំងពីរនាក់ ដែលជាកូនរបស់នាង<br />ទៀតផង។</p>
<p>សូមបញ្ជាក់ថា រឿងរ៉ាវជីវិតដ៏កំសត់ សង្រែងរបស់អតីតតារាចម្រៀងយេ.!យេ.! អ្នកនាង អ៊ុំ គន្ធា<br /> បន្ទាប់ពីធ្វើការលែងលះជា មួយនឹងអ្នកចម្រៀងផាន ស៊ីផាត រួចមក នោះ ត្រូវបានបែកធ្លាយឡើង<br /> ខណៈដែល អ្នកកាសែតមួយរូប បានប្រទះឃើញរូបនាង រួមជាមួយកូនប្រុសពីរនាក់ បានដើររាវ<br />ខ្ចៅ ខ្យង បេះត្រកួន ព្រលិត ដើម្បីយកទៅលក់ យកលុយចិញ្ចឹមជីវិតនៅម្ដុំបឹងបាយ៉ាប ទី ដែល<br />រូបនាងនិងក្រុមគ្រួសារ កំពុងតែសុំសំយាបផ្ទះគេជ្រក កោណ នៅទីនោះ កាលពីខែ តុលា ឆ្នាំ<br />២០១២កន្លងទៅនេះ ។</p>
<p>ក្រោយរឿងរ៉ាវនៃដំណើរជីវិត ដ៏កំសត់របស់នាងត្រូវ បានបែកធ្លាយបានធ្វើឱ្យប្រិយមិត្ដ ទាំងក្នុង<br /> និងក្រៅប្រទេស រួមទាំងថ្នាក់ដឹកនាំមួយចំនួន ផង មានការអាណិតអាសូរជាពន់ពេក ចំពោះ ជីវិត<br />ទុរគតរបស់ក្រុមគ្រួសារនាង ហើយពួក គេក៏បាននាំគ្នាធ្វើការបរិច្ចាគនូវ ថវិកា ទ្រព្យ សម្បត្ដិមួយ<br />ចំនួន ដល់ក្រុមគ្រួសាររបស់នាង ដើម្បីជួយរំលែកការលំបាកផងដែរ។ ប៉ុន្ដែ អំណោយ ដែលផ្ដល់<br />ឱ្យសម្រាប់តែរស់មួយ គ្រាហ៍ៗនោះ មិនអាចធ្វើឱ្យជីវិតក្រុមគ្រួសារ របស់នាង អាចងើបផុតពីភាព<br />លំបាកវេទនា បានជារៀងរហូតនោះឡើយ ទីបំផុតអ្វីៗ បានវិលទៅរកដើមវិញ ហើយទុក្ខលំបាក<br /> កាន់ តែផុងជ្រៅទៅៗ រហូតដល់នាងមិន អាចទ្រាំរស់នៅក្នុងជីវិតវេទនាបាន ក៏សម្រេច រត់ចេញ<br />ពីផ្ទះ ដោយមិនដឹងថា មានគោល បំណងនឹងមានទិសដៅ យ៉ាងណានោះទេ៕</p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-030/Kosal-0437.jpg" alt="Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-030/Kosal-0436.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>