<p><span style="color: #000000;"><strong>ភ្នំពេញ៖</strong> ផលិតកម្មចម្រៀងបច្ចុប្បន្ន មិនត្រឹមតែប្រឹងប្រែងផលិតបទ ចម្រៀង ប្រជែងគ្នាប៉ុណ្ណោះទេ សូម្បីតែតារា ចម្រៀង ដែលមានសមត្ថភាព ក៏ត្រូវបាន ផលិតកម្មល្បីៗ ធំៗទាំងនោះ ប្រជែងគ្នាចង់យកទៅច្រៀងក្នុងផលិតកម្មរបស់ខ្លួនដែរ ។ ផលិតកម្មនីមួយៗ មានតារាចម្រៀង មិនតិចជាង២០នាក់ទេ តែបទចម្រៀង ចេញមិនស្មើគ្នា នាំគ្នាដើរចេញប្រសេចប្រសាច ពេលខ្លះផលិតកម្មធំ មិនប្រាកដថា អាចសាងភាព ល្បីល្បាញបានដែរ ព្រោះផលិតកម្មខ្លះ ដើរប្រមូលអ្នកចម្រៀង យកទៅផ្អឹបទុក ។</span></p>
<p><span style="color: #000000;">ថ្មីៗនេះ ពាក្យថាចចាមអារ៉ាម ជាច្រើនទាក់ទងនឹង ការដើរចេញដើរចូល ពីផលិតកម្មមួយ ទៅផលិតកម្មមួយ របស់តារាចម្រៀងល្បីៗ ក្នុងនោះរួមមាន លោក ព្រាប សុវត្ថិ ជាដើម។ តែឥឡូវនេះ បានធ្លាក់មកតារាចម្រៀង សម្បុរខ្មៅស្រអែម លោក គូម៉ា វិញម្ដង ។ តារាចម្រៀង របស់ផលិតកម្មអឹម លោក គូមា ត្រូវបានផលិតកម្មអឹម លើកស្ទួយមិនតិចទេ បន្ទាប់ពី នីកូ បានចាកចេញ ពីផលិតកម្មនេះទាំងមិនស្ដាយស្រណោះ ព្រោះលោក គូម៉ា ប្រៀបបានតួឯក ពេលគ្មានគូប្រជែង។ តែក្ដីសង្ឃឹមលោក ត្រូវរលាយក្រោយ វត្តមានលោក វណ្ណស័ក្តិ ចូលផលិតកម្ម ព្រោះត្រឹមតែ មួយបទលោក វណ្ណស័ក្តិ អាចបំបែក ឯតទគ្គកម្មផ្នែកចម្រៀង រួចប្រមូលយកភាពល្បី ក្នុងពេលតែមួយប៉ប្រិចភ្នែក ។</span></p>
<p><span style="color: #000000;">ភាពបែកបាក់ ក្នុងផលិតកម្មអឹម មិនមែនជាលើកទី១ទេ តារាល្បីៗវេចបង្វេចចេញពីផលិតកម្មនេះ ជាបន្តបន្ទាប់ ក្នុងនោះរាប់ទាំង មាស សុខសោភា លោក ឆាយ វីរៈយុទ្ធ លោក ណាំបុណ្ណារ័ត្ន នឹងតារាចម្រៀងល្បីៗ ផ្សេងទៀត ។</span></p>
<p><span style="color: #000000;">ចំណែកឯតារាចម្រៀងប្រុស ខ្មៅស្រអែម លោក គូម៉ា ត្រូវបានគេបង្ហើបឲ្យដឹងថា លោកកំពុងតែសំងំថតបទថ្មី ក្នុងផលិតកម្ម ពូកែខាងនិពន្ធបទថ្មី គឺ ផលិតកម្មថោន ត្រៀមចេញបទចម្រៀង គួរឲ្យភ្ញាក់ផ្អើល ក្នុងពេលឆាប់ៗនេះ ។</span></p>
<p><span style="color: #000000;">តែផលិតកម្មថោន ព្យាយាមបិទបាំងព័ត៌មាននេះ ដើម្បីឲ្យពេលចេញបទចម្រៀង លើទីផ្សារ មានភាពភ្ញាក់ផ្អើល ព្រោះផលិតកម្ម ព្យាយាមធ្វើបទចម្រៀង អស់លុយច្រើនណាស់ ។ ដូចនេះត្រូវតែចេញទៅ មានភាពលេចធ្លោរ ។</span></p>
<p><span style="color: #000000;">តារាចម្រៀង លោក គូម៉ា មិនទាន់អាចទាក់ទង ដើម្បីបំភ្លឺបានទេ ។ គេហទំព័រ LookingTODAY នឹងព្យាយាមស្វែងការការបំភ្លឺពីលោក គូម៉ា នាពេលក្រោយ ៕</span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/October/ID-141/MSP-0131.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/October/ID-141/MSP-0137.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/October/ID-141/MSP-0132.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/October/ID-141/MSP-0133.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/October/ID-141/MSP-0134.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/October/ID-141/MSP-0135.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/October/ID-141/MSP-0138.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/October/ID-141/MSP-0136.jpg" alt="" width="600" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>