<p><span style="color: #000000;"><strong>(ភ្នំពេញ)៖</strong> វីរៈកីឡាការិនីតេក្វាន់ដូកម្ពុជា ស៊ន សៀវម៉ី ត្រូវបានស្ថាប័នកីឡាអូឡាំពិកអន្ដរជាតិយកចិត្តទុកដាក់ និងចាប់អារម្មណ៍យ៉ាងខ្លាំង បន្ទាប់ពីនាងដណ្ដើមបាន មេដាយមាស និងសិទ្ធិចូលរួមប្រកួតកីឡាអូឡាំពិកជាផ្លូវការ លើកដំបូង នៅប្រទេសប្រេស៊ីល ក្នុងឆ្នាំ២០១៦ នេះ ។</span></p>
<p><span style="color: #000000;">នៅព្រឹកថ្ងៃទី៣ ខែឧសភានេះ លោក ថោង ខុន រដ្ឋមន្ដ្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា បានសម្ដែងការគួរសមក្រុមអ្នក សារព័ត៌មានកីឡាអូឡាំពិកអន្ដរជាតិ (Olympic Channel) ដើម្បីផ្សព្វផ្សាយពីដំណើរវិវត្តន៍របស់កីឡាការិនី ស៊ន សៀវម៉ី ឆ្ពោះទៅប្រកួតកីឡាអូឡាំពិក នៅទីក្រុង Rio ប្រទេសប្រេស៊ីល នាខែសីហាខាងមុខនេះ ។</span></p>
<p><span style="color: #000000;">នៅក្នុងជំនួបសម្ដែងការគួរសមនេះ លោករដ្ឋមន្ដ្រី ថោង ខុន ក៏បានពិភាក្សាលើប្រធានបទសំខាន់ៗមួយចំនួនទៀត ជុំវិញបរិបទនៃភាពរីកចម្រើនលើវិស័យកីឡាកម្ពុជាបច្ចុប្បន្ន ប៉ុន្ដែប្រធានបទសំខាន់ ដែលក្រុមអ្នកសារព័ត៌មានអូឡាំពិកអន្ដរជាតិ ចង់ដឹងបំផុតគឺទាក់ទងនឹងកីឡាការិនី ស៊ន សៀវម៉ី ចំពោះការត្រៀមខ្លួន ដើម្បីបន្ដចូលរួមប្រកួតកីឡាំអូឡាំពិក ។</span></p>
<p><span style="color: #000000;">យ៉ាងណាមិញ ក្រុមអ្នកសារព័ត៌មានអន្ដរជាតិខាងលើ ក៏បានសម្ដែងពីការចាប់អារម្មណ៍ ចំពោះសមត្ថភាពរបស់កីឡាការិនី ស៊ន សៀវម៉ី និងភាពរីកចម្រើននៃវិស័យ កីឡាកម្ពុជាបច្ចុប្បន្នផងដែរ ៕</span></p>
<p><span style="font-size: 12px;"></span></p>
<p><img src="https://fbcdn-sphotos-h-a.akamaihd.net/hphotos-ak-xpl1/v/t1.0-9/13124643_1724717297767788_8756736834942573747_n.jpg?oh=b62c42b1554c6ce6aa6529602072a36e&oe=579A3B1B&__gda__=1470871231_4c1019ca15a7ec0ecbb8aa4a63967299" alt="" width="730" /></p>
<p><img src="https://scontent-kul1-1.xx.fbcdn.net/hphotos-xft1/v/t1.0-9/13164384_1724717301101121_3126949174654298306_n.jpg?oh=7406e1b805abdbb9d8bfce03ae7ef47b&oe=57A7611C" alt="" width="730" /></p>
<p><img src="https://scontent-hkg3-1.xx.fbcdn.net/v/t1.0-9/13124449_1724722757767242_5371005341074596843_n.jpg?oh=013b8e5a7e8e44cf25dab0fe2f95556b&oe=57E778BD" alt="" width="730" /></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>