<p><span style="color: #000000;"><strong>(ភ្នំពេញ)៖</strong> មន្រ្តីនគរបាលខណ្ឌទួលគោក បានឲ្យដឹងនៅរសៀលថ្ងៃទី៣១ ខែសីហា ឆ្នាំ២០១៦នេះថា ជនរងគ្រោះជាភ្ញៀវនិងបុគ្គលិក ចំនួន៧នាក់ ដែលត្រូវបានគេបញ្ជូនទៅសង្គ្រោះបន្ទាន់ នៅមន្ទីរពេទ្យកាល់ម៉ែត ដោយសារពុលចេញពីហាងខារ៉ាអូខេ<strong> «ញូហ្សឺលែន»</strong> នោះ ក្រោយការស្រាវជ្រាវទៅ អាចបណ្តាលមកពីជនរងគ្រោះទាំងនេះ ផឹកកាហ្វេ លាយស្រាបៀរ ABC។ </span><br /><span style="color: #000000;">ការបង្ហាញលទ្ធផលជាជំហ៊ានបឋមបែបនេះ ត្រូវបានមន្រ្តីនគរបាលបញ្ជាក់ថា នៅក្នុងបន្ទប់ខារ៉ាអូខេ គេបានឃើញសំបកកាហ្វេនិងកំប៉ុង ស្រាបៀរ ABC។</span></p>
<p><span style="color: #000000;">ជាមួយគ្នានេះ មន្រ្តីនគរបាលម្នាក់ ដែលបានឈប់រថយន្តកណ្តាលផ្លូវ ស្ថិតក្នុងសង្កាត់ទឹកល្អក់ទី១ ខណ្ឌទួលគោកនា ម៉ោង២៖០០នាទីរំលងអាធ្រាត្រថ្ងៃទី៣១ ខែសីហា ឆ្នាំ២០១៦ ក៏ជាជនរងគ្រោះដែលចេញពីច្រៀងនៅក្នុងខារ៉ាអូខេ ហើយបានផឹកកាហ្វេ លាយABCនេះដែរ។</span></p>
<p><span style="color: #000000;">នគរបាលខណ្ឌទួលគោក បានបញ្ជាក់ថា នៅរសៀលថ្ងៃនេះ កម្លាំងសមត្ថកិច្ចចំរុះដឹកនាំដោយព្រះរាជអាជ្ញាបានចុះ ធ្វើកោសល្យវិច័យលើករណីមួយនេះ ព្រមទាំងយកជាតិកាហ្វេទៅធ្វើពិសោធន៍បន្តទៀត។</span></p>
<p><span style="color: #000000;">បើតាមមន្រ្តីនគរបាល នៅវេលាម៉ោង៩យប់មិញជនរងគ្រោះទាំងនេះ បានចូលទៅច្រៀងនៅក្នុងខារ៉ាអូខេខាងលើ ស្រាប់តែក្រោយហូប កាហ្វេលាយ ABC រួចនៅវេលាម៉ោង១១ ក៏មានអាការៈមិនស្រួលរហូតសន្លប់តែម្តង។ ភ្លាមៗនោះត្រូវបានម្ចាស់ខារ៉ាអូខេជួយដឹកបញ្ជូន ទៅសង្គ្រោះនៅមន្ទីរពេទ្យកាល់ម៉ែត ប៉ុន្តែមិនបានរាយការណ៍ទៅសមត្ថកិច្ចនោះទេ។ យ៉ាងណាក៏ដោយ សម្រាប់សំណាកកាហ្វេត្រូវនឹង នគរបាលនាយកដ្ឋាន ប្រឆាំងបទល្មើសសេដ្ឋកិច្ច យកទៅធ្វើការពិសោធន៍បន្តទៀត។</span></p>
<p><span style="color: #000000;">សូមបញ្ជាក់ថា មានករណីភ្ញាក់ផ្អើលមួយបានកើតឡើង នៅខារ៉ាអូខេ <strong>«ញូហ្សឺលែន»</strong> ជាប់ផ្សារមាន់អាំងស្ថិតក្នុង សង្កាត់បឹងកក់២ ខណ្ឌទួលគោក ដោយភ្ញៀវប្រុសៗ ចំនួន ៥នាក់ និងនារី២នាក់ទៀតជាបុគ្គលិក សង្ស័យពុលអាហារក្នុងខារ៉ាអូខេ ហើយត្រូវបាន ដឹកទៅសង្គ្រោះបន្ទាន់ នៅមន្ទីរពេទ្យកាល់ម៉ែត្រ។</span></p>
<p><span style="color: #000000;">ដោយឡែក នៅជិតស្ពានអាកាសតិចណូ នាម៉ោង២៖០០នាទីរំលងអាធ្រាត្រ ថ្ងៃទី៣១ ខែសីហា ឆ្នាំ២០១៦ ស្ថិតក្នុងសង្កាត់ទឹកល្អក់ទី១ ខណ្ឌទួលគោក គ្រាដែលគេប្រទះឃើញមន្រ្តីនគរបាលម្នាក់ បានសន្លប់ស្តូកស្តឹង នៅក្នុងរថយន្តតែម្នាក់ឯង ដែលនគរបាលរូបនេះ ក៏ចេញពីខារ៉ាអូខេនេះដែរ៕</span></p>
<p> </p>
<p><span style="color: #000000;"><img src="http://image.freshnewsasia.com/2016/099/fn-2016-08-31-17-10-27-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-08-31-17-10-27-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-08-31-17-10-27-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-08-31-17-10-28-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-31-07-16-54-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-31-07-16-54-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-31-07-16-54-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-31-07-16-54-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-31-07-16-55-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-08-31-17-01-43-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-31-07-16-55-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-31-07-16-55-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-08-31-09-29-10-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-08-31-09-29-10-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-08-31-09-29-10-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-08-31-09-29-10-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-08-31-09-29-10-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-08-31-09-29-11-9.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-08-31-09-29-11-10.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-08-31-09-29-11-11.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-08-31-09-29-11-12.jpg" alt="" width="730" /></span></p>
<p><iframe style="border: none; overflow: hidden;" src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F599234276915034%2F&show_text=0&width=560" frameborder="0" width="500" height="315"></iframe></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>