<p><span style="color: #000000;"><strong>(ភ្នំពេញ)៖</strong> បុរសម្នាក់ត្រូវគូជម្លោះចាក់មួយកាំបិត ចិតបន្លែ ចំកន្លែងបោះដៃផុតខាងស្តាំ បណ្តាលឲ្យជាប់កាំបិត នៅឆ្កឹងតែម្តង ហើយបានដាច់ខ្យល់ស្លាប់ ពេលសាច់ញាតិ កំពុងបញ្ជូនទៅកាន់មន្ទីរពេទ្យរុស្ស៊ី។ អំពើឃាតកម្មមួយនេះ បានកើតឡើងនៅយប់ថ្ងៃទី១២ ខែមេសា ឆ្នាំ២០១៦ ត្រង់ចំណុចមុខផ្ទះឈ្មោះ ចាន់ ប៊ុនថេត ភេទស្រី អាយុ៥៤ឆ្នាំ មុខរបរនៅផ្ទះ ផ្ទះគ្មានលេខមាត់ទន្លេ ក្រុមទី៩ ភូមិដើមចាន់១ សង្កាត់ច្បារអំពៅ២ ខណ្ឌច្បារអំពៅ។</span></p>
<p><span style="color: #000000;">ក្រោយចាក់សម្លាប់ជនរងគ្រោះរួចហើយ ជនល្មើសបានរត់គេចខ្លួនបាត់ ហើយកម្លាំងសមត្ថកិច្ច បាននិងកំពុងតាមចាប់។</span></p>
<p><span style="color: #000000;">លោក ម៉ៅ សឿត អធិការរងនគរបាលទទួលផែនព្រហ្មទណ្ឌ បានឲ្យដឹងថា ជនរងគ្រោះឈ្មោះ រស់ ឌីម៉ង (មុខសញ្ញាចេញពី ពន្ធនាគារពីបទលួច) អាយុ២៧ឆ្នាំ មុខរបរមិនពិតប្រាកដ ស្នាក់នៅផ្ទះជួលមាត់ទន្លេ ក្រុម៩ ភូមិដើមចាន់១ សង្កាត់ច្បារអំពៅ២ ខណ្ឌច្បារអំពៅ។</span></p>
<p><span style="color: #000000;">ដោយឡែកជនសង្ស័យ ឈ្មោះ ផាត ភី អាយុ៣១ឆ្នាំ មុខរបរនៅផ្ទះ ស្នាក់នៅផ្ទះលេខ៥៦ ផ្លូវលំ ក្រុម៩ ភូមិដើមចាន់១ សង្កត់ច្បារអំពៅ២ ខណ្ឌច្បារអំពៅ បាននិងកំពុងរត់គេចខ្លួន។</span></p>
<p><span style="color: #000000;">លោក ម៉ៅ សឿត បានបញ្ជាក់ថា មុនពេលកើតហេតុ កន្លងមកជនសង្ស័យ និងសាកសពធ្លាប់មានទំនាស់គ្នា ដេញកាប់គ្នាជាច្រើនលើក ។ លុះដល់ម៉ោង៨យប់ថ្ងៃ១២ ខែមេសា ឆ្នាំ២០១៦ នៅ ចំណុចខាងលើ អ្នកទាំងពីរបានជួបគ្នាទាក់សំដីជាមួយគ្នា ពេលនោះជនសង្ស័យយកកូនកាំបិតចិតបន្លែដងពណ៍លឿង ដែលលាក់នៅចង្កេះមកចាក់ចំត្រង់កន្លែង បោះដៃផុតខាងស្តាំ រួចជនសង្ស័យរត់គេចខ្លួនបាត់ ដោយឡែកសាកសពស្រែកឲ្យគេជួយ ពេលនោះប្រជាពលរដ្ឋនៅក្បែរនោះ បានយកម៉ូតូដឹកសាកសព ដល់មន្ទីពេទ្យសូវៀតដាច់ខ្យល់ស្លាប់៕</span></p>
<p> </p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xpa1/v/t1.0-9/12994338_1587101808270851_4809905580778546269_n.jpg?oh=fb0bc86f804b6820370b1051a3f80a09&oe=5786A771&__gda__=1467710747_ea094045df3c985657bffc6a8731ee59" alt="" width="730" /></span></p>
<p> </p>
<p><span style="color: #000000;"><img src="https://fbcdn-sphotos-h-a.akamaihd.net/hphotos-ak-xfp1/v/t1.0-9/12998540_1587101801604185_4973663804829514774_n.jpg?oh=3e82a639a2dcf470dc6986c757a3f6c4&oe=57C0184F&__gda__=1467452191_3af331d6769267bd6ff1a600e1fe9815" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;"><strong>ផ្តល់សិទ្ធដោយ ៖ ហ្វ្រេសញូវអាស៊ី</strong></span></p>
</div>
<div class="detail_bottom_function">
<div class="facebook_like"></div>
</div>