<p><span style="color: #000000;"><strong>(បាត់ដំបង)៖</strong> ព្រោះតែឪពុក-ម្តាយមានជីវភាពក្រី និងធ្វើចំណាកស្រុកទៅធ្វើការនៅប្រទេសថៃ រស់នៅជាមួយជីតាចំណាស់ កុមារី ហ៊ួច ឡៃហៀក អាយុ ៨ឆ្នាំទៅហើយ មិនទាន់បានចូលរៀនដូចកុមារដទៃក្នុងភូមិនោះទេ។ ព្រោះតែទឹកចិត្តពីធម្មជាតិ បានជំរុញ ឲ្យកុមារីម្នាក់នេះ ចង់ទទួលបានការអប់រំដូចកុមារដទៃទៀតផងដែរ ហើយតែងបានដើរពីផ្ទះចម្ងាយប្រមាណ១គីឡូម៉ែត្រ ទៅលួច មើលក្មេងៗដទៃទៀត ដែលកំពុងអង្គុយក្រេមយកចំណេះដឹងក្នុងថ្នាក់ជារៀងរាល់ថ្ងៃ។</span></p>
<p><span style="color: #000000;">កុមារី ហួច ឡៃហៀក រស់នៅក្នុងភូមិកំប៉ូវត្បូង ឃុំភ្នំសំពៅ ខេត្តបាត់ដំបង។ នាងមានបងប្អូនចំនួន ៣នាក់ ដែលរាល់ថ្ងៃមិនទទួល បានភាពកក់ក្តៅ ឬការមើលថែទាំពីឪពុក-ម្តាយនោះឡើយ ដោយសារតែជីវភាពបានធ្វើឲ្យឪពុក-ម្តាយរបស់នាង ធ្វើចំណាកស្រុកទៅធ្វើការនៅប្រទេសថៃទាំងពីរនាក់។ កុមារី ហួច លៃហៀក និង ប្អូនៗពីរនាក់ទៀតត្រូវរស់ជាមួយជីតា វ័យចំណាស់ក្នុងស្ថានភាពជីវភាពលំបាករកព្រឹកខ្វះល្ងាច រកល្ងាចខ្វះព្រឹក។</span></p>
<p><span style="color: #000000;">ព្រោះតែស្ថានភាពគ្រួសារនេះ បានធ្វើឲ្យកុមារី ហួច ឡៃហៀក និង ប្អូនៗ របស់នាង មានឱកាសទៅទទួលការអប់រំដូចក្មេងដទៃ នោះឡើយ។ តែអំណោយផលពីធម្មជាតិផ្នែកបញ្ញាស្មារតី បានជំរុញឲ្យកុមារីរូបនេះ ចង់រៀនចង់ទទួលបានចំណេះដឹង នឹងតែង ដើរលើចម្ងាយផ្លូវប្រមាណ ១គីឡូម៉ែត្រ ទៅលួចគេរៀនជារៀងរាល់ថ្ងៃ។</span></p>
<p><span style="color: #000000;">អ្នកគ្រូ ញាណ ប៊ុនសុជាតា បង្រៀនថ្នាក់ទី១ នៃសាលាបឋមសិក្សាកំប៉ូវ ស្ថិតនៅក្នុងភូមិកំប៉ូវ ឃុំភ្នំសំពៅ ស្រុកបាណន់ ខេត្តបាត់ ដំបង បានប្រាប់ Fresh News ថា អ្នកគ្រូ បានលួចឃើញកុមារីទៅឈរឱបដៃ នៅក្រៅថ្នាក់លួចមើលគេរៀនរាល់ថ្ងៃ ដោយការ ងឿងឆ្ងល់អ្នកគ្រូ ក៏បានហៅកុមារីរូបនេះទៅសួរ។</span></p>
<p><span style="color: #000000;">ជាមួយនិងការអឹមអៀម និងទឹកភ្នែករលីងរលោងផងនោះ កុមារី ហួច ឡៃហៀក បាននិយាយថា នាងចង់រៀន។ នេះបើតាមការ បញ្ជាក់របស់អ្នកគ្រូ ញាណ ប៊ុនសុជាតា។</span></p>
<p><span style="color: #000000;">បន្ទាប់ពីទទួលបានចម្លើយបង្ហាញពីបំណងមុតមាំចង់បានរៀនសូត្រពីកុមារី ហួច ឡៃហៀក អ្នកគ្រូលើដីជនបទមានចិត្តមេត្តាធម៌ រូបនេះ ក៏បានជិះម៉ូតូចុះទៅដល់ខ្ទមរបស់កុមារី ហ៊ុមព័ទ្ធដោយសង្កសី ស្ថិតនៅចុងភូមិ និងសុំអនុញ្ញាតពីជីតា ដើម្បីឲ្យកុមារីរូបនេះ បានចូលរៀន។ បន្ទាប់ពីគ្មានការជំទាស់ពីជីតារបស់កុមារី ហើយនោះ អ្នគ្រូលើដីជនបទប្រកបដោយចិត្តធម៌មេត្តា បានជួយទិញសម្លៀកបំពាក់ ស្បែកជើង សម្ភារៈសិក្សា និងជួយឲ្យកុមារីក្រីក្រនេះ បានទទួលការអប់រំតាមបំណងប្រាថ្នា។</span></p>
<p><span style="color: #000000;">នៅថ្ងៃទី២៧ ខែមករា ឆ្នាំ២០១៦នេះ កុមារី ហួច ឡៃហៀក បានចូលរៀនហើយជាមួយក្មេងៗ ដទៃទៀត នៅក្នុងភូមិ។ អ្នកគ្រូ ញាណ ប៊ុនសុជាតា បានបញ្ជាក់ប្រាប់ថា កុមារី ហួច ឡៃហៀក បានសម្តែងទឹកមុខសប្បាយរីករាយជាខ្លាំងជាមួយវត្តមានសម្លៀក បំពាក់ និងសម្ភារៈសិក្សាថ្មី ព្រមទាំងអង្គុយលើតុក្នុងថ្នាក់រៀន ដែលខ្លួនធ្លាប់តែលួចមើលពីខាងក្រៅនោះ។</span></p>
<p><span style="color: #000000;">ទាំងទឹកចិត្តចង់រៀនរបស់កុមារី ហួច ឡៃហៀក និងទឹកចិត្តសណ្តោសសម្បុរសធម៌របស់អ្នកគ្រូ ញាណ ប៊ុនសុជាតា បាននាំឲ្យ មានការស្ញប់ស្ញែងយ៉ាងខ្លាំង ពីប្រជាពលរដ្ឋនៅក្នុងភូមិ រួមនិងអ្នកនិយមលេងបណ្តាញសង្គម Facebook ផងដែរ។</span></p>
<p><span style="color: #000000;">បើទោះបីបច្ចុប្បន្នកុមារី ហួច ឡៃហៀក ត្រូវបានជួយឲ្យបានចូលរៀនពីអ្នកគ្រូចិត្តធម៌ ប៊ុនសុជាតា យ៉ាងណាក្តី តែអ្នកគ្រូក៏នៅព្រួយបារម្ភពីបញ្ហាប្រឈមរបស់កុមារីម្នាក់នេះ ដែលកំពុងរស់ក្នុងស្ថានភាពយ៉ាប់យឺនជាមួយជីតាចំណាស់ អាចនឹងត្រូវខកខាន ការសិក្សាទៅថ្ងៃមុខ។ អ្នកគ្រូ ក៏ចង់ឃើញសម្បុរសជនមានចិត្តសម្បុរស ជួយឲ្យកុមារីម្នាក់នេះ អាចសម្រេចបំណងប្រាថ្នា រហូតដល់នាងធំដឹងក្តី ដូចកុមារដទៃទៀតផងដែរ៕</span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/12565509_1540542566258703_7488724647487233431_n.jpg?oh=a3dfef04c764766c782f46a3ff951313&oe=574633AA" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xpa1/v/t1.0-9/12644813_1540542669592026_8536598950480033352_n.jpg?oh=363075e0d1b050e5c12793d4d3aaf3d4&oe=572F1307&__gda__=1462871917_06b17772299126a7e31f47778c20f716" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/12592555_1540542719592021_4196160422535370164_n.jpg?oh=6fa78e8062fb632745bdea1739d0346e&oe=572ED9AE" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xtp1/v/t1.0-9/12540767_1540542612925365_7324946940038029598_n.jpg?oh=b749b5e0f50148eb61b5facbcd5aeeb4&oe=56FB270D" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xlt1/v/t1.0-9/12508992_1540546036258356_5246400044402736277_n.jpg?oh=f3a0f75657140c198aab075d54b29590&oe=57290625&__gda__=1462748417_e432dd665c02adae24e1484edb20b5ef" alt="" width="730" /></span></p>
<p><span style="color: #000000;"><img src="https://fbcdn-sphotos-h-a.akamaihd.net/hphotos-ak-xtf1/v/t1.0-9/944083_1540546042925022_514283773632335016_n.jpg?oh=d501e86f96d909e58c189a67d3c9238c&oe=5734407E&__gda__=1463842351_845ee50aa034234b6b341e5f7c387292" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xfa1/v/t1.0-9/944035_1540887032890923_3138717688809176932_n.jpg?oh=8bd661b9aff8222f0ed7486f8ad7eae1&oe=5737F03E" alt="" width="730" /></span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xpf1/v/t1.0-9/12565607_1540887072890919_6455594414359084647_n.jpg?oh=ea150b7786b75f1a8923e3f6aaae5cef&oe=5748456D&__gda__=1464453458_97ea0b0aee0295af056f913e04ff0c81" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xlf1/v/t1.0-9/1915238_1540887132890913_1769601771134561629_n.jpg?oh=3d8b7bd684184df054260407ba55e985&oe=5727CB56&__gda__=1463297833_f6428ca7d91e9b584c8e61fad20c96d6" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xft1/v/t1.0-9/12417626_1540887016224258_3160887759231508641_n.jpg?oh=dc9dcfbfb9a820baddaecd847ac5b897&oe=574024E8" alt="" width="730" /></span></p>
<p style="text-align: right;"> </p>
<div id="fb-root"></div>
<script type="text/javascript">// <![CDATA[
(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = "//connect.facebook.net/en_US/sdk.js#xfbml=1&version=v2.3"; fjs.parentNode.insertBefore(js, fjs);}(document, 'script', 'facebook-jssdk'));
// ]]></script>
<div class="fb-video" data-allowfullscreen="1" data-href="/freshnewsasia/videos/vb.199402103564922/506881172817012/?type=3">
<div class="fb-xfbml-parse-ignore">
<blockquote><a href="https://www.facebook.com/freshnewsasia/videos/506881172817012/"></a>
<p>ព្រោះតែចង់រៀន! កុមារីក្រីក្រវ័យ ៨ឆ្នាំម្នាក់ ឈរមាត់បង្អួចលួចមើលគេរៀនរាល់ថ្ងៃ ខណៈឪពុក-ម្តាយទៅធ្វើការនៅថៃចោល</p>
Posted by <a href="https://www.facebook.com/freshnewsasia/">Fresh News</a> on Tuesday, January 26, 2016</blockquote>
</div>
</div>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>