<div class="article-content">
<p><strong>ភ្នំពេញៈ</strong> បុរសវ័យចំណាស់ម្នាក់ ដែលជាអាជីវករលក់ដូរ មិនដឹងពីមូលហេតុ ច្បាស់លាស់នោះ <br />បន្ទាប់ពីជិះរថយន្ត វិលត្រឡប់ ចូលដល់ក្នុងផ្ទះស្រាប់ តែស្រែកថាចោរៗ ធ្វើឲ្យមានការភ្ញាក់ផ្អើល<br />ដល់ប្រជាពលរដ្ឋ ដែលរស់នៅជិតខាង និងសមត្ថកិច្ចចម្រុះ ស្ទើរតែមួយរាជធានីភ្នំពេញ ចុះទៅ<br />អន្តរាគមន៍ ប៉ុន្តែពេល ដែលទំលុះទ្វារចូល ទៅឆែក ឆេរ គ្រប់ច្រកល្ហកនៅក្នុងផ្ទះទាំងអស់ គឺពុំ<br />មានឃើញអ្វីនោះទេ ។</p>
<p>ហេតុការណ៍ភ្ញាក់ផ្អើលនេះ កើតឡើងកាលពីវេលាម៉ោង ៨និង៣០នាទីយប់ថ្ងៃទី២៧ ខែសីហា <br />ឆ្នាំ២០១៣ នៅចំណុចក្នុងបូរីញួថោន ស្ថិតក្នុងភូមិព្រៃទា សង្កាត់ចោមចៅ ខណ្ឌពោធិ៍សែនជ័យ។</p>
<p>បុរសម្ចាស់ផ្ទះនោះឈ្មោះ តែឡេង ស៊ាង អាយុ៥៥ឆ្នាំមានមុខរបរជាអាជីវករលក់ដូរនៅផ្សារឃ្លាំង<br />រំសេវស្នាក់នៅក្នុងភូមិ សង្កាត់កើតហេតុខាងលើ។</p>
<p>បើតាមករៀបរាប់ របស់ម្ចាស់ផ្ទះបានឲ្យដឹងថា មុនពេលកើតហេតុ រូបគាត់បានវិញ ត្រឡប់មកពី<br />លក់ដូរវិញ ខណៈ ពេលកំពុងតែធ្វើដំណើរនោះ ស្រាប់តែមានគេជិះ តាមរួចហើយបាញ់១គ្រាប់<br />គំរាមទៀតផង ទើបធ្វើឲ្យរូបគាត់មាន ការភ័យភិតយ៉ាងខ្លាំង ដោយគិតថា មានចោរតាមប្លន់ ទើប<br />ធ្វើឲ្យគាត់បង្ខំមកឲ្យដល់ផ្ទះយ៉ាងប្រញាប់លុះពេលមកដល់ផ្ទះក៏ស្ទុះចូលទៅក្នុងផ្ទះរួចហើយចាក់<br />សោរជាប់ បន្ទាប់មកគាត់បានឮសំឡេងអាសោ ទើបគាត់ស្រែកថា ចោររួចហើយក៏រកកន្លែងពួន<br />នៅក្នុងផ្ទះ បន្តិចក្រោយក៏ធ្វើឲ្យមានការភ្ញាក់ផ្អើលដល់នគរបាលជាច្រើនចុះទៅអន្តរា គមន៍កាត់<br />សោរចូលទៅជួយគាត់ បន្ទាប់ពីរំដោះគាត់បានហើយ បានបុកចូលទៅក្នុងផ្ទះឆែកឆេគ្រប់បន្ទប់<br />ទាំងអស់ ប៉ុន្តែពុំមានអ្វីនោះទេ ។</p>
<p>នគរបាលមូលដ្ឋានបានឲ្យដឹងថា ម្ចាស់ផ្ទះនេះទំនងជាផឹកស្រាច្រើនពេកទើបស្រវឹងរហូតដល់<br />វង្វេងវង្វាន់ថា មាន ចោរចូលប្លន់ដល់ក្នុងផ្ទះបែបនេះ ។ ក្នុងទិដ្ឋភាពនោះ បន្ទាប់ពីឆែកឆេរួច<br />ហើយ នគរបាលដើរគ្រវីក្បាលហួសចិត្ត និងម្ចាស់ផ្ទះ ដែលធ្វើឲ្យមានការភ្ញាក់ផ្អើលទូរទាំងរាជ<br />ធានីបែបនេះ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-011/Hong-0668.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0669.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0670.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0671.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>