<p><span style="color: #000000;"><strong>(ពោធិ៍សាត់)៖</strong> ក្មេងស្រី២នាក់ បានលង់ទឹកស្លាប់ យ៉ាងអាណោចអាធ័ម បង្កឱ្យមានការភ្ញាក់ផ្អើលកាល នៅរសៀលថ្ងៃទី១៧ ខែមេសា ឆ្នាំ២០១៦ នៅចំណុចទឹកធ្លាក់ថ្មដា ស្ថិតក្នុងភូមិសង្គមថ្មី ឃុំថ្មដា ស្រុកវាលវែង ខេត្តពោធិ៍សាត់។</span></p>
<p><span style="color: #000000;">ប្រភពបានឱ្យដឹងថា ក្មេងស្រីរងគ្រោះទី១-ឈ្មោះ បូរ សុខហៀង ភេទស្រីអាយុ១០ឆ្នាំ មានឪពុកឈ្មោះ កង បែន និង ម្តាយឈ្មោះ ពៅ រ៉ា និងទី២- ឈ្មោះ ភន ស្រីនីត ភេទស្រី អាយុ០៨ឆ្នាំ មានឪពុកឈ្មោះ ឃន សំអុល និងម្តាយឈ្មោះ ផន សុភាព ។ ឪពុកម្តាយកុមារីរងគ្រោះទាំងពីរ រស់នៅក្នុងភូមិកណ្តាល ឃុំថ្មដា ស្រុកវាលវែង ពោធិ៍សាត់។</span></p>
<p><span style="color: #000000;">ប្រភពបន្តទៀតថា មុនពេលកើតហេតុ គេឃើញក្មេងស្រីរងគ្រោះទាំងពីរនាក់ កំពុងជិះទូកលេងនៅចំណុចភូមិឃុំកើតហេតុខាងលើ ស្រាប់តែទូកលិច ក៏បាត់ក្មេងទាំងពីរនាក់នោះតែម្តង ទើបបង្កការភ្ញាក់ផ្អើល នាំគ្នាចុះរាវក្នុងទឹក ប្រទះឃើញក្មេងស្រីទាំងពីរនាក់ លង់ទឹកស្លាប់បាត់ទៅហើយ។</span></p>
<p><span style="color: #000000;">ភ្លាមៗនោះសមត្ថកិច្ចជំនាញបច្ចេកទេសបានចុះធ្វើកោសល្យវិច្ច័យ ពិនិត្យសពក្មេងស្រីរងគ្រោះ ហើយបញ្ជាក់ថា ក្មេងស្រីរងគ្រោះទាំងពីរពិតជាស្លាប់ ដោយសារជិះទូកលិច ហើយលង់ទឹកខ្លួនឯងប្រាកដមែន។ សពក្មេងស្រីរងគ្រោះឈ្មោះ បូរ សុខហៀង ត្រូវបានប្រគល់ ឱ្យក្រុមគ្រួសារយកទៅ ធ្វើបុណ្យតាមប្រពៃណី។ ដោយឡែកសពក្មេងស្រីឈ្មោះ ភន ស្រីនីត ត្រូវបានក្រុមគ្រួសារមិនអស់ចិត្តក៏បញ្ជូនកូនរបស់ខ្លួន ទៅមន្ទីរពេទ្យខេត្តត្រាត ប្រទេសថៃ តែជាអកុសលកុមារីរងគ្រោះ បានស្លាប់បាត់ទៅហើយ៕</span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xat1/v/t1.0-9/13043454_1589210518059980_8869154950879008177_n.jpg?oh=0e59971c72096c1b25d87ebe18bb3c3b&oe=57B7A843" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xfa1/v/t1.0-9/13055601_1589210521393313_8875778323972348272_n.jpg?oh=c74c2d2123676154ed35ad060d3ef88a&oe=57B3AAA9" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>
</div>