<p><span style="color: #000000;"><strong>(ភ្នំពេញ)៖</strong> មន្រ្តីនគរបាលខណ្ឌចំការមន បានថ្លែងឲ្យដឹងថា មូលហេតុដែលនាំឲ្យមានបាញ់ប្រហារ រហូតស្លាប់មេភូមិទី៤ និងកូនប្រុស ខណៈក្មួយប្រុសរងរបួសធ្ងន់ នារសៀលថ្ងៃទី១៦ ខែធ្នូ ឆ្នាំ២០១៥ ស្ថិតនៅតាមផ្លូវលេខ៣៥៨ សង្កាត់ទួលស្វាយព្រៃទី១នោះ ផ្តើមចេញពីជម្លោះទារថ្លៃអំពូលភ្លើងដាក់បំភ្លឺផ្លូវ។ ជនរងគ្រោះទី១៖ ឈ្មោះ ជុក ឡាយ អាយុ៦២ឆ្នាំ ជាប្រធានភូមិទី៤ និងកូនប្រុសឈ្មោះ ប៊ុន លឿន អាយុ១៨ឆ្នាំ ខណៈក្មួយប្រុសម្នាក់ឈ្មោះ ប៊ុន ប្ញទ្ឋី អាយុ៣០ឆ្នាំរងរបួសធ្ងន់។</span></p>
<p><span style="color: #000000;">ដោយឡែកជនសង្ស័យ២នាក់ ដែលត្រូវកម្លាំងនគរបាលចាប់ខ្លួនទី១៖ ឈ្មោះ កែវ វណ្ណរិទ្ធ អាយុ២៧ឆ្នាំ ជាមន្រ្តីនគរបាលនៅក្រសួងមហាផ្ទៃ ជាម្ចាស់ផ្ទះកើតហេតុ និងទី២៖ ជាបងប្រុសឈ្មោះ កែវ សុវណ្ណារ៉ា។</span></p>
<p><span style="color: #000000;">សាច់ញាតិជនរងគ្រោះដែលស្លាប់បានប្រាប់ភ្នាក់ងារ Fresh News ថា មុនពេលកើតហេតុជនរងគ្រោះ ជុក ឡាយ បានទៅទារថ្លៃដាក់អំពូលភ្លើងបំភ្លឺផ្លូវដោយមុខផ្ទះនរណាអ្នកនោះ ជាអ្នកចេញថ្លៃចំនួន៥០ដុល្លារ ប៉ុន្តែភាគីម្ចាស់ផ្ទះមិនព្រមឲ្យគ្រប់ចំនួន ពោលឲ្យតែ២៥ដុល្លារ ទើបបង្កជម្លោះតែម្តង។</span></p>
<p><span style="color: #000000;"><strong>នៅពេលបង្កជម្លោះនោះ ស្រាប់តែភាគីជនសង្ស័យបានបាញ់រះ មកលើក្រុមជនរងគ្រោះបណ្តាលឲ្យត្រូវលោកមេភូមិរហូត៥គ្រាប់ បណ្តាលឲ្យស្លាប់ ខណៈកូនប្រុសស្លាប់តាមក្រោយ ហើយក្មួយប្រុសរងរបួសធ្ងន់។ ប៉ុន្តែសម្រាប់សាច់ញតិ ជនសង្ស័យបានប្រាប់សមត្ថកិច្ចថា នៅពេលជម្លោះនោះជនរងគ្រោះបានយកដាវបម្រុងកាប់ ទើបជនសង្ស័យមានបំណងការពារខ្លួន រហូតបាញ់តែម្តង។</strong></span></p>
<p><span style="color: #000000;">ក្រោយកើតហេតុគេឃើញកម្លាំងនគរបាលមានស្នងការរង, អធិការខណ្ឌ និងកម្លាំងអាវុធហត្ថ ក្រោមការដឹកនាំដោយលោក សៀង សុខ ព្រះរាជអាជ្ញារង អមសាលាដំបូង រាជធានីភ្នំពេញ បានចុះទៅសួរនាំ និងធ្វើការស្រាវជ្រាវបន្ត។ សម្រាប់ជនសង្ស័យទាំង២នាក់ ត្រូវបានបញ្ជូនទៅសួរនាំបន្តទៀត នៅអធិការដ្ឋាន នគរបាល ខណ្ឌចំការមន ខណៈសពជនរងគ្រោះ ត្រូវបានសមត្ថកិច្ចប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី៕</span></p>
<p><span style="color: #000000;"><span style="color: #000000;"><a class="thickbox" title="" href="/FileManager/Commons/2015/12/16/1120446115332185169925143120646447466090717n-16-12-2015--19-50-13.jpg"><img src="/FileManager/Articles/mce/2015/12/16/1120446115332185169925143120646447466090717n-16-12-2015--19-50-13.jpg" alt="" /></a></span></span></p>
<p><a class="thickbox" title="" href="/FileManager/Commons/2015/12/16/1234270115331954303281565961534551209028270n-16-12-2015--19-52-49.jpg"><img src="/FileManager/Articles/mce/2015/12/16/1234270115331954303281565961534551209028270n-16-12-2015--19-52-49.jpg" alt="" /></a></p>
<p><a class="thickbox" title="" href="/FileManager/Commons/2015/12/16/1234160515331994336610894050864354024806406n-16-12-2015--19-57-56.jpg"><img src="/FileManager/Articles/mce/2015/12/16/1234160515331994336610894050864354024806406n-16-12-2015--19-57-56.jpg" alt="" /></a><br /><a class="thickbox" title="" href="/FileManager/Commons/2015/12/16/1234160515331994336610894050864354024806406n-16-12-2015--19-52-36.jpg"></a></p>
<p style="text-align: right;">ផ្ដល់សិទ្ធដោយ៖ ហ្រ្វេសញ៉ូវអាស៊ី</p>