<p><span style="color: #000000;"><strong>(ភ្នំពេញ)៖</strong> សិស្សសាលា២នាក់ ម្នាក់រៀននៅអនុវិទ្យាល័យ ហ៊ុន សែន ពោធិ៍ចិនតុង និងម្នាក់ទៀតរៀន នៅវិទ្យាល័យបូរី១០០ខ្នង ត្រូវបានកម្លាំងនគរបាល ខណ្ឌពោធិ៍សែនជ័យ ចាប់ខ្លួននៅរសៀលថ្ងៃទី៩ ខែមករា ឆ្នាំ២០១៥នេះ ក្រោយពីរកឃើញ មានកាំភ្លើងខ្លីមួយដើម នៅក្នុងកាបូបពេលដើរចូលសាលា។</span></p>
<p><span style="color: #000000;">អធិការនគរបាល ខណ្ឌពោធិ៍សែនជ័យ លោក យឹម សារ៉ាន់ បានប្រាប់អង្គភាព Fresh News នៅយប់ថ្ងៃទី៩ ខែមករានេះថា ជនសង្ស័យទាំង២នាក់ ដែលត្រូវកម្លាំងរបស់លោក ចាប់ខ្លួននោះរួមមានទី១- ឈ្មោះ តេង ដាវីត អាយុ១៧ឆ្នាំ មុខរបរសិស្សថ្នាក់ទី៩ នៅអនុវិទ្យាល័យ ហ៊ុន សែន ពោធិ៍ចិនតុង រស់នៅភូមិប៉ប្រកខាងត្បូង សង្កាត់កាកាប និងជនសង្ស័យទី២-ឈ្មោះ ទីវ ដារ៉ាត់ អាយុ១៧ឆ្នាំ សិស្សថ្នាក់ទី១១ នៅវិទ្យាល័យបូរី១០០ខ្នង ខណ្ឌសែនសុខ រស់នៅផ្ទះលេខ៣៦ ផ្លូវលេខ៥ ភូមិគោកឃ្លៀង សង្កាត់ភ្នំពេញថ្មី ខណ្ឌសែនសុខ។</span></p>
<p><span style="color: #000000;">លោក យឹម សារ៉ាន់ បានបញ្ជាក់ថា នៅវេលាម៉ោងជាង៣រសៀលថ្ងៃនេះ ខណៈយុវសិស្ស តេង ដាវីត ដើរចូលសាលានោះ ស្រាប់តែលោកគ្រូនាយកឃើញ មានកាបូបពណ៌ខ្មៅ ពេលនោះមានការសង្ស័យ ក៏រាយការណ៍ដល់សមត្ថកិច្ច មូលដ្ឋានរបស់លោក ចុះទៅសួរនាំ ស្រាប់តែរកឃើញកាំភ្លើងខ្លីមួយដើម ម៉ាកប៉េត្រូវបេរីតា។ ក្រោយឃើញកាំភ្លើងខ្លី នៅក្នុងកាបបូបហើយ សមត្ថកិច្ចក៏បាននាំខ្លួនមកសួរនាំ នៅប៉ុស្តិ៍នគរបាលកាកាប ហើយយុវសិស្សរូបនេះ ឆ្លើយសារភាពថា បានយកពីឈ្មោះ ទីវ ដារ៉ាត់ រួចហើយ ក៏ធ្វើការឃាត់ខ្លួនបន្តទៀត។</span></p>
<p><span style="color: #000000;">បើតាមយុវជនសិស្ស ទីវ ដារ៉ាត់ កាំភ្លើងខ្លីមួយនេះ រូបគេបានទិញពីប្រទេសថៃ អំឡុងពេលទៅលេងនៅទីនោះ។ យ៉ាងណាក៏ដោយ សម្រាប់យុវសិស្សទាំង២នាក់ ត្រូវបាននាំខ្លួនទៅសួរនាំ នៅអធិការដ្ឋាន នគរបាល ខណ្ឌពោធិ៍សែនជ័យ ដើម្បីចាត់ការតាមនីតិវិធី៕</span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xpf1/v/t1.0-9/12400760_1543455479302151_4131045350846899540_n.jpg?oh=35a72aa95c17883a2f3e03eb0236a430&oe=56FE3649&__gda__=1460457590_d52fae8318a33adab3c83d026302ec0f" alt="" width="730" /></span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xat1/v/t1.0-9/12439330_1543455445968821_7713146452124897902_n.jpg?oh=7a1ee4469c60573014cc6da5d5f24b23&oe=57030EC0" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xfp1/v/t1.0-9/944957_1543455515968814_4366329637993328297_n.jpg?oh=d3303095bc668560236b5ad7a37c5ccb&oe=57404E71&__gda__=1459561706_34c3462ce87328a6438b6e9e3ea39f76" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>