<p>ការបញ្ចាំងរូបថត 3D អំពីមនុស្សដែលបានស្លាប់ ទៅក្នុងអារម្មណ៍ អ្នកនឹងអាចប៉ះពាល់ “ព្រលឹង” <br />អ្នកដែលបានស្លាប់ ដូចទៅនឹងកាលគេនៅរស់។</p>
<p>ការបាត់បង់មនុស្សជាទីស្រឡាញ់ គឺជារឿងដ៏គួរឱ្យសោកស្ដាយបំផុតសម្រាប់ញាតិដែលនៅរស់។<br /> ប៉ុន្តែ ថ្មីៗនេះ សាស្ដ្រាចារ្យ Michio Kaku មកពីសកលវិទ្យាល័យ New York អាមេរិក បានចែករំលែកអំពីការស្រាវជ្រាវរបស់ខ្លួនទាក់ទិនបច្ចេកវិទ្យាមួយដែលជួយឱ្យអ្នកអាចនិយាយ<br />គ្នាបានជាមួយនឹងអ្នកដែលបានស្លាប់ ដោយការរក្សានូវរូបថតអ្នកស្លាប់ និងបញ្ចាំងឡើងវិញ តាម<br />រយៈបច្ចេកវិទ្យា virtual reality។</p>
<p style="text-align: center;"><a class="thickbox" title="" href="/FileManager/Commons/2016/6/24/ma-24-06-2016--11-25-56.jpg"><img src="/FileManager/Articles/mce/2016/6/24/ma-24-06-2016--11-25-56.jpg" alt="" /></a></p>
<p>ជាក់ស្ដែង បណ្ដារូបថត និងអត្តចរឹតរបស់អ្នកដែលបានស្លាប់ នឹងត្រូវបានអាបឡោត ក្រោយមក<br /> អ្នកនឹងអាចប៉ះពាល់រូបថតទាំងនោះបាន ដូចទៅនឹងកាលពួកគេនៅរស់។ រូបភាព 3D នឹងត្រូវ<br />បានគេភ្ជាប់ជាមួយកុំព្យូទ័រ ដើម្បីអាចបង្ហាញជាស្រមោលក្នុងអារម្មណ៍របស់មនុស្ស។</p>
<p>បណ្ឌិត Kaku ឱ្យដឹងថា ៖ “ចូរស្រមៃថា អ្នកអាចនិយាយគ្នាជាមួយមនុស្សដែលបានស្លាប់ ពួក<br />គេនៅទីនេះ នៅក្បែរអ្នក។ និយាយឱ្យត្រូវជាងនេះ គឺថា ពួកគេក្លាយជាមនុស្សជាអមតៈ”។</p>
<p>“ដំបូងឡើយ បណ្ដាអនុស្សាវរីយ៍ ដូចជាការដើរលេងក្បែរមាត់សមុទ្រជាដើម នឹងត្រូវបាន<br />អាបឡោតទៅក្នុងខួរក្បាលរបស់អ្នក។ អ្នកនឹងឃើញថា ហាក់ដូចមានខ្យល់កំពុងបក់មកប៉ះនឹង<br />ត្រចៀក សម្លេងរលកសមុទ្រកំពុងតែលាន់លឺនៅខាងមុខ។ល។ ទាំងនេះ នឹងរួមគ្នា ធ្វើឱ្យអ្នក<br />យល់ថា អ្នកកំពុងតែស្ថិតនៅក្បែរឆ្នេរសមុទ្រជាមួយអ្នកដែលបានស្លាប់នោះ”។</p>
<p>សាស្ដ្រាចារ្យខាងលើជឿថា ក្នុងរយៈពេល ១០ ទៅ ១៥ខាងមុខ ពិភពលោកនឹងផ្លាស់ប្ដូរជា<br />សន្សឹមៗ ពី Internet ទៅជា brain-net ជាបច្ចេកវិទ្យាដែលអាចបញ្ជូនអារម្មណ៍ ឬអនុស្សាវរិយ<br />ទៅគ្រប់ទិសទីក្នុងលោក។</p>
<p>សូមរំលឹកថា ថ្មីៗនេះក្រុមអ្នកវិទ្យាសាស្ដ្របានចាប់ផ្ដើមបកស្រាយនូវការគិតរបស់មនុស្សដោយ<br />ប្រើកុំព្យូទ័រ ដូច្នេះ វាបង្កើតបានជាបដិវត្តមួយទាក់ទឹននឹងទំនាក់ទំនង និងការកំសាន្ត។ ក្រុមអ្នក<br />ប្រវត្តិសាស្ដ្រអាចនឹងកត់ត្រាព្រឹត្តិការជាអក្សរ និងជាអារម្មណ៍។</p>
<p>ដើម្បីធ្វើបានប្រការខាងលើ ចំនុចសំខាន់គឺផែនទី connectome (ដែលជាការតភ្ជាប់ដ៏ស្មុគស្មាញ<br />របស់បណ្ដាកោសិកាសរសៃប្រសាទ noron ក្នុងខួរក្បាលមនុស្ស) កំពុងត្រូវបានកែលំអជា<br />បណ្ដើរៗ។</p>
<p>ក្រុមអ្នកជំនាញសង្ឃឹមថា មិនយូរទៀតនោះទេ មនុស្សនឹងមិនចាំបាច់ប្រើដៃប្រើជើងធ្វើអ្វីទាំង<br />អស់ ដោយសារថា អ្វីៗទាំងអស់ នឹងត្រូវបានអាបឡោតឡើងទៅក្នុងខួរក្បាល ហើយវាធ្វើការ<br />ដោយភាពត្រឹមត្រូវបំផុត។ ដូច្នេះ ការប៉ះពាល់ ឬការនិយាយគ្នាជាមួយមនុស្សដែលបានស្លាប់<br /> នឹងលែងជាបញ្ហាទៀតហើយ៕</p>
<p style="text-align: right;">ប្រែសម្រួល ៖ បុត្រា</p>