<p><span style="color: #000000;"><strong>(ភ្នំពេញ)៖</strong> លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានប្រកាសអនុញាតឲ្យបុរសពិការម្នាក់ ទទួលបានសញ្ញាប័ត្រពី សាកលវិទ្យាល័យ អន្តរជាតិភ្នំពេញ (PPIU) នៅថ្ងៃម្សិលមិញ អាចចូលបំរើការងារនៅក្រសួងព័ត៌មានបាន។ នេះបើតាមការ បញ្ជាក់ឲ្យដឹងរបស់លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន នៅមុននេះបន្តិច។</span></p>
<p><span style="color: #000000;">ការប្រកាសរបស់រដ្ឋមន្រ្តី ខៀវ កាញារីទ្ធ បានធ្វើឡើងក្រោយពីមិត្តភក្តិជនពិការរូបនោះបានបង្ហោះសារមួយនៅលើ Facebook សរសើរដល់ បុរសពិការនោះថា ជាមនុស្សល្អ ខិតខំប្រឹងប្រែង និងមានសមត្ថភាពពិតប្រាកដផ្នែក IT។</span></p>
<p><span style="color: #000000;">Facebook មួយដែលមានឈ្មោះថា <strong>«Borinika Em»</strong> បានអះអាងថា ជាមិត្តភក្តិរបស់បុរសពិការនោះ បានបង្ហាញថា៖<strong> «គាត់ជាមិត្ត របស់ខ្ញុំ ជាយូរលង់ណាស់មកហើយ, ថ្ងៃនេះអបអរសាទរគាត់ ដែលបានទទួលសញ្ញាប័ត្រ ដោយការខិតខំប្រឹងប្រែងរក ទីបំផុតគ្មានរបស់គាត់, គាត់ជាយុវជនពិការដែលមានសមត្ថភាពពិតប្រាកដផ្នែក IT តែឱកាសការងារស្តួចស្តើងណាស់សម្រាប់គាត់ ! គាត់ធ្លាប់ប្រាប់ខ្ញុំថា កត្តាដែលធ្វើឲ្យគាត់គ្មានការងារធ្វើរយៈពេលដ៏យូរគឺ៖</strong></span></p>
<p><span style="color: #000000;"><strong>ទី១៖ កត្តាធ្វើដំណើរ ពេលខ្លះម៉ូតូកែច្នៃ របស់គាត់រលត់តាមផ្លូវ ពួកខ្ញុំទៅជួយទាំងយប់ ដោយក្តីអាណិតបំផុតក៏មាន...</strong></span></p>
<p><span style="color: #000000;"><strong>ទី២៖ កត្តាជំរាលនៅតាមស្ថាប័នដែលគាត់ដាក់ពាក្យធ្វើការ គឺគ្មាន ( សូម្បី Status គាត់ពេលឃើញជណ្តើរ គាត់សរសេរថា មិនមែនពិភពលោករបស់គាត់ទេ )</strong></span></p>
<p><span style="color: #000000;"><strong>ទី៣៖ កត្តាជីវភាពរបស់គាត់ គាត់ត្រូវរកលុយព្យាបាលជំងីម្តាយនៅឯស្រុក...អ្វីដែលពួកខ្ញុំអាចធ្វើបានគឺ ការលើកទឹកចិត្ត និង ស្វែងរកការងារឲ្យគាត់ធ្វើតាមលទ្ធភាពប៉ុណ្ណោះ ! សូមកុំរើសអើងជនពិការ លោកអ្នកអាចសាកល្បងផ្តល់ឱកាសការងារឲ្យពួកគាត់ នោះលោកអ្នកនឹងឃើញពីសមត្ថភាព របស់គាត់»</strong>៕</span></p>
<p><span style="color: #000000;"><img src="http://image.freshnewsasia.com/2017/028/fn-2017-02-23-14-44-31-0.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/028/fn-2017-02-23-14-44-07-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/028/fn-2017-02-23-14-44-07-0.jpg" alt="" width="730" /></span></p>
<p><span style="color: #000000;"><br /><a class="thickbox" title="" href="/FileManager/Commons/2017/2/23/1-23-02-2017--15-39-47.png"><img src="/FileManager/Articles/mce/2017/2/23/1-23-02-2017--15-39-47.png" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>