<p><span style="color: #000000;"><strong>(ភ្នំពេញ)៖</strong> កញ្ញា រ៉េត ហ៊្សូសាណា បានបង្ហើរសំនៀងជាភាសាខ្មែរលើកដំបូងក្នុងបទ «ទីនេះមានមនុស្សខូចចិត្ត» ដ៏អន្លង់អន្លោច នៅវគ្គ Live Show សប្តាហ៍ទី៤ របស់កម្មវិធី The Voice Cambodia រដូវកាលទី២ នាយប់ថ្ងៃអាទិត្យនេះ ដែលជាមូលហេតុធ្វើឱ្យអ្នកគាំទ្ររបស់នាង អស់មន្ទិលសង្ស័យ ក៏ដូចជាបញ្ចប់ការរិះគន់កន្លងមក។</span></p>
<p><span style="color: #000000;">រ៉េត ហ៊្សូសាណា ជាយុវតីដែលមានទេពកោសល្យខ្ពស់ ក្នុងការច្រៀងចម្រៀងបរទេស ហើយចាប់ផ្តើមល្បីតាមរយៈកម្មវិធី The Voice Cambodia រដូវកាលទី២ របស់ទូរទស្សន៍ហង្សមាស។ កន្លងមកនាងធ្លាប់ត្រូវបានរងការរិះគន់ពីអ្នកគាំទ្រ ក៏ដូចជាអ្នកប្រើប្រាស់បណ្តាញសង្គម Facebook ដោយសារតែនាង ច្រៀងបទបរទេសជាបន្តបន្ទាប់មក ហើយមិនបានបកស្រាយចម្រៀងជាភាសាខ្មែរ ខណៈដែលមនុស្សមួយចំនួនបានចាប់អារម្មណ៍ លើសំឡេងស្រួយខ្សាវៗរបស់នាង។</span></p>
<p><span style="color: #000000;">នៅថ្ងៃអាទិត្យនេះ សាណា បានច្រៀងបទ «ទីនេះមានមនុស្សខូចចិត្ត» ដែលជាបទល្បីមួយកំពុងពេញនិយមក្នុងស្រទាប់យុវវ័យ ហើយអ្វីដែលនាង បកស្រាយនោះ មិនបានធ្វើឱ្យទស្សនកិច្ច ក៏ដូចជាអ្នកគាំទ្រខកចិត្តនោះទេ ដោយមានទឹកដមសំនៀង មិនចាញ់បទបរទេស ដែលនាងបានច្រៀងកន្លងមក។</span></p>
<p><span style="color: #000000;">លោក ឆន សុវណ្ណរាជ តារាចម្រៀងដ៏ល្បីមួយ នៅផលិតកម្មហង្សមាស ដែលជាគ្រូបង្វឹកម្នាក់ ក្នុងកម្មវិធី The Voice Cambodia បាននិយាយថា ការទន្ទឹងរង់ចាំរបស់របស់ទស្សនជន ក៏ដូចជាអ្នកគាំទ្ររបស់ រ៉េត ហ៊្សូសាណា បានមកដល់ហើយ ព្រោះលើកនេះ សាណា ច្រៀងបទខ្មែរហើយ។</span></p>
<p><span style="color: #000000;">កញ្ញា ឡុក ទេវី ជាអ្នកគាំទ្រកម្មវិធី The Voice Cambodia បាននិយាយថា រ៉េត ហ៊្សូសាណា នៅតែអាចច្រៀងចម្រៀងខ្មែរពិរោះ ដូចទៅនឹងបទចម្រៀងបរទេសដែរ។ ទេវី អះអាងថា សាណាមិនបានធ្វើឱ្យទស្សនិកជន ក៏ដូចជាអ្នកគាំទ្រខកចិត្តទេ។</span></p>
<p><span style="color: #000000;">លោក ផៃ ស៊ីផាន រដ្ឋលេខាធិការ និងជាអ្នកនាំពាក្យទីស្តីការគណៈរដ្ឋមន្រ្តី នាថ្មីៗនេះ បានចែករំលែកនូវទេពកោសល្យ របស់បេក្ខនារី The Voice Cambodia រ៉េត ស៊ូហ្សាណា ដែលបានច្រៀងនៅ វគ្គ Live Show កន្លងមក។ លោកថា យុវតីខ្មែររូបនេះគឺជាធនធាន ដែលលោកគោរពនូវការយល់ឃើញ របស់នាង ហើយចាត់ទុកថា នេះជាការបង្កើនភាពរីករាយដល់សង្គម ដែលមានសន្តិភាព មិនដូចក្រុមមួយចំនួនដែលធ្វើសកម្មភាព ដែលសង្គមមិនត្រូវការ។</span></p>
<p><span style="color: #000000;">ខាងក្រោមនេះ ជាការបកស្រាយបទចម្រៀងខ្មែរ របស់កញ្ញា រ៉េត ហ្ស៊ូសាណា នៅក្នុងកម្មវិធី The Voice Cambodia រដូវកាលទី២ យប់នេះ៖</span></p>
<p><br /><a class="thickbox" title="" href="/FileManager/Commons/2016/6/6/3-06-06-2016--08-29-02.png"><img src="/FileManager/Articles/mce/2016/6/6/3-06-06-2016--08-29-02.png" alt="" /></a></p>
<p><br /><a class="thickbox" title="" href="/FileManager/Commons/2016/6/6/2-06-06-2016--08-29-10.png"><img src="/FileManager/Articles/mce/2016/6/6/2-06-06-2016--08-29-10.png" alt="" /></a><a class="thickbox" title="" href="/FileManager/Commons/2016/6/6/3-06-06-2016--08-29-02.png"></a></p>
<p><iframe style="border: none; overflow: hidden;" src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F561019727403156%2F&show_text=0&width=560" frameborder="0" width="500" height="315"></iframe></p>
<p><span style="color: #000000;"><br /><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>