<p><span style="color: #000000;"><strong>(ភ្នំពេញ)៖</strong> ពលករខ្មែរ ៤រូប ដែលត្រូវបានចោរសមុទ្រសូម៉ាលីចាប់ជម្រិតទារប្រាក់ និងបង្ខាំងខ្លួនអស់រយៈពេលជិត៥ឆ្នាំ ត្រូវបានធ្វើ ទារុណកម្ម ដូចសត្វធាតុក្នុងមួយថ្ងៃឲ្យបរិភោគ បាយមួយចានចង្កឹះ ផឹកទឹកតែមួយលីត្រប៉ុណ្ណោះ។ ពលករខ្មែរដែលរងការធ្វើទារុណកម្ម ពីក្រុមចោរសមុទ្រសូម៉ាលីរហូតលែងចង់រស់នេះ បានស្បថថា ពួកគេឈប់ចេញទៅធ្វើការនៅក្រៅប្រទេសទៀតហើយ។</span></p>
<p><span style="color: #000000;">ក្រុមពលករខ្មែរទាំង ៤រូប រួមនិងក្រុមពលករចិន តៃវ៉ាន់ ឥណ្ឌូនេស៊ី ហ្វីលីពិន និងវៀតណាមសរុបប្រមាណ ២២រូប ត្រូវបានក្រុមចោរសូ ម៉ាលីព្រមដោះលែងជាថ្នូរនឹងប្រាក់ពីអង្គការ ការីតាស់កាលពីថ្ងៃទី២២ ខែតុលា ឆ្នាំ២០១៦កន្លងទៅនេះ។ ក្រុមពលករទាំង ៤រូបត្រូវបាន នាំមកដល់ប្រទេសកម្ពុជាវិញ កាលពីយប់ថ្ងៃទី៣០ ខែតុលា។</span></p>
<p><span style="color: #000000;">នៅថ្ងៃទី០១ ខែវិច្ឆិកា ឆ្នាំ២០១៦ ពួកគេត្រូវបាននាំយកមករៀបរាប់បង្ហាញពីទុក្ខលំបាក អំឡុងពេលរស់នៅក្រោមការបង្ខាំងរបស់ក្រុមចោរ សមុទ្រសូម៉ាលីរសយៈពេលជិត ៤ឆ្នាំនោះ។ ពិធីនេះត្រូវបានធ្វើឡើងនៅទីស្នាក់ការអង្គការការីតាស់ជាប់និងរបងវត្តសំពៅមាស។</span></p>
<p><span style="color: #000000;">លោក ញ៉ែម សុខសាន្ត អាយុ ៣៧ឆ្នាំ មានស្រុកកំណើតនៅស្រុកបរិបូរណ៍ ខេត្តកំពង់ឆ្នាំង បានថ្លែងថា លោកបានចាកចេញពីប្រទេស កម្ពុជា កាលពីខែតុលា ឆ្នាំ២០១០ តាមរយៈក្រុមហ៊ុនមួយ ដោយបានឆ្លងកាត់ប្រទេសជាច្រើន ហើយបានទៅធ្វើការលើនាវានេសាទមួយ ក្នុងម៉ារីទូត នៅក្នុងអាហ្រ្វិកខាងត្បូង។ លោក ញ៉ែម សុខាសន្ត បានបន្តថា ការនេសាទនោះ មានទុក្ខលំបាកយ៉ាងខ្លាំងផងដែរ ដោយមួយថ្ងៃត្រូវធ្វើការនេសាទចាប់ទី ១៨ម៉ោង ទៅ ២១ម៉ោង មានពេលសម្រាកតែ ៣ ទៅ៤ម៉ោងប៉ុណ្ណោះ។ លុះនាវានេសាទនៅលើ នាវា បានរយៈពេលជាង ១ឆ្នាំ ក៏ត្រូវបានក្រុមចោរសមុទ្ររបស់ប្រទេសសូម៉ាលី ចាប់ជម្រិតតែម្តង ហើយបាញ់សម្លាប់អ្នកបើកបរ នាវាម្នាក់ផងដែរ។</span></p>
<p><span style="color: #000000;">បើតាមលោក ញ៉ែម សុខសាន្ត បានបញ្ជាក់ថា ក្រុមពលករធ្វើនេវានេសាទ ដែលត្រូវក្រុមចោរចាប់ជម្រិតនោះ មិនមែនមានតែពលរដ្ឋខ្មែរ ៤នាក់ប៉ុណ្ណោះទេ នៅមានជនជាតិចិន តៃវ៉ាន់ ឥណ្ឌូនេស៊ី ហ្វីលីពិន និងវៀតណាម ប្រមាណ ២៥នាក់ផ្សេងទៀត ក៏ត្រូវបានចោរស៊ូម៉ាលី ចាប់ជម្រិតផងដែរ។</span></p>
<p><span style="color: #000000;">បើតាមពលករខ្មែរម្នាក់ទៀត គឺលោក ភួង ម៉ាលី បានបញ្ជាក់ថា បន្ទាប់ពីបានចាប់ពលករហើយ ក្រុមចោរសមុទ្រសូម៉ាលីនោះ ឲ្យពលករ ទាក់ទងទៅតាមស្ថានទូតនានា ដើម្បីនិយាយទារថ្លៃប្រាក់ ដែលពួកគេបានចាប់ជម្រិត។ បើតាមលោក ភួង ម៉ាលី ក្រុមចោរបានជម្រិត ទារប្រាក់រហូតដល់ទៅប្រមាណ ២០លានដុល្លារអាមេរិក ជាថ្នូរការដោះដូរពលករទាំង ២៩រូប។</span></p>
<p><span style="color: #000000;">ការចរចានេះ បានអូសបន្លាយរហូត ដល់ជាង ៤ឆ្នាំ ទើបមានការជួយសង្រ្គោះពីអង្គការការីតាស់ ដោយសហការជាមួយអង្គការ IOM។ បើទោះបីជាយ៉ាងគេមិនដឹងថា ការដោះលែងពលករទាំងអស់នេះ ត្រូវបានធ្វើឡើងជាថ្នូរនឹងប្រាក់ប៉ុន្មាននោះទេ។</span></p>
<p><span style="color: #000000;">លោក ភួង ម៉ាលី បានរៀបរាប់ពីទុក្ខលំបាកអំឡុងពេលក្រុមចោរចាប់ជម្រិតទាំងទឹកភ្នែកថា ការរស់នៅក្រោមការឃុំគ្រងរបស់ក្រុមចោរ សមុទ្រនោះ ពួកគាត់ត្រូវបានរងការធ្វើទុក្ខបុកម្នេញយ៉ាងលំបាកដូចសត្វធាតុ ហើយក្នុងមួយថ្ងៃពួកគេអនុញ្ញាតឲ្យផឹកទឹកតែមួយលីត្រ និងហូបបាយតែមួយចានចង្កឹះតែប៉ុណ្ណោះ។ បើតាមលោក ភួង ម៉ាលី ព្រោះតែការធ្វើទារុណកម្ម និងរស់ដោយខ្វះទឹកបរិភោគ និងចំណី អាហារនោះ បានធ្វើឲ្យជនជាតិចិន ឥណ្ឌូនេស៊ី និងតៃវ៉ាន់សរុប ៣នាក់ បានស្លាប់បាត់បង់ជីវិត។</span></p>
<p><span style="color: #000000;">ព្រោះតែទុក្ខលំបាកនេះ ទាំងពលករខ្មែរ និងជនជាតិដទៃ ដែលត្រូវបានក្រុមចោរចាប់ជម្រិតនោះ មិនដែលមានសង្ឃឹមថា ពួកគេបានរស់ រៀនមានជីវិតត្រឡប់មកស្រុកកំណើតវិញនោះឡើយ។ ក្នុងចំណោមពលករខ្មែរទាំង៤នាក់ មានពលករខ្មែរម្នាក់ ត្រូវបានក្រុមចោរបាញ់ចំ ម្រាមជើង ព្រោះតែរូបគេមិនព្រមដាំបាយ។</span></p>
<p><span style="color: #000000;">ក្រុមពលករខ្មែរ បានបង្ហាញក្តីរំភើបរីករាយខ្លាំង បន្ទាប់ពីពួកគេត្រូវបានអង្គការការីតាស់ អង្គការ IOM និង ក្រសួងការបរទេសកម្ពុជា ដែលបានជួយជ្រោមជ្រែងឲ្យពួកគាត់បានត្រឡប់ មកដល់ស្រុកកំណើតវិញជារឿងមួយពួកគាត់មិនធ្លាប់នឹកស្មានដល់នោះឡើយ។</span></p>
<p><span style="color: #000000;">ជាមួយនិងការបានវិលត្រឡប់មកជួបជុំក្រុមគ្រួសារ ក្រុមពលករខ្មែរ ក៏បានស្បថថា ពួកគេនឹងលែងផ្សងព្រេងទៅធ្វើការនៅក្រៅប្រទេស ទៀតហើយ ហើយបានទទូចឲ្យប្រជាពលរដ្ឋខ្មែរ ដទៃកុំឲ្យចាញ់បោកក្រុមហ៊ុន និងប្រថុយប្រថានទៅធ្វើការនៅក្រៅប្រទេសនាំឲ្យជួប គ្រោះអកុសលដូចជាពួកគាត់។</span></p>
<p><span style="color: #000000;">លោកស្រី ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ នៃអគ្គលេខាធិការប្រយុទ្ធប្រឆាំងការជួញដូរមនុស្ស បានថ្លែងទាំងអួលដើមកបង្ហាញក្តីអាណិតអាសូរ ទៅដល់ពលករខ្មែរទាំង ៤រូប។ លោកស្រី ក៏បានថ្លែងបញ្ជាក់ថាផងដែរថា ក្រសួងកំពុង ស្វះស្វែងរកក្រុមហ៊ុន ឬមេខ្យល់ ដែលបានជួញដូរពលករខ្មែរទាំង ៤រូបទៅនេសាទនៅក្រៅប្រទេស រហូតជួបគ្រោះអកុសល្យបែបនេះ។</span></p>
<p><span style="color: #000000;">លោកស្រី ក៏បានឧបត្ថម្ភថវិកាដល់ពលកររងគ្រោះទាំង ៤រូប ក្នុងមួយរូប ៥០ម៉ឺនរៀលផងដែរ។</span></p>
<p><span style="color: #000000;">បើទោះបីបានត្រឡប់មកដល់ស្រុកកំណើត និងជួបជុំគ្រួសារយ៉ាងណាក្តី តែពលករទាំង ៤រូប កំពុងស្ថិតក្រោមការគាំពារ និងព្យាបាល របួសផ្លូវចិត្តពីអង្គការការីតាស់នៅឡើយ។ អង្គការនេះ ក៏កំពុងគិតគូរស្វែងរកលទ្ធភាពផ្តល់ជាមុខរបរ និងផ្គត់ផ្គង់ដល់ការរស់នៅរបស់ ពួកគាត់ផងដែរ៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F631253477046447%2F&show_text=0&width=730" frameborder="0" width="500" height="430"></iframe></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-01-56-0.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-01-57-1.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-01-58-2.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-01-58-3.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-01-59-4.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-02-00-5.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-02-01-6.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-02-02-7.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-02-07-9.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-02-09-10.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-02-11-11.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-02-12-12.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-02-14-13.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-02-19-15.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-02-20-16.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-02-21-17.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-02-23-18.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-02-25-20.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-02-26-21.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-02-26-22.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-11-01-18-02-28-23.JPG" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>