<p><span style="color: #000000;"><strong>(ភ្នំពេញ)៖</strong> នេះជាលើកទី២សម្រាប់តារាចម្រៀង របស់ផលិតកម្មភ្លេងរីខត កញ្ញា វ៉ាន់ នីឡា បានឡើងបង្ហាញវត្តមាន នៅលើ Page Facebook របស់សម្តេចតេជោ ហ៊ុន សែន ខណៈរឿងអាស្រូវ នៃការបែកធ្លាយរូបអាក្រាតកាយ នៅតែមិនទាន់មានតម្រុយ ស្វែងរកចាប់ជនអនាមិកឃើញ នៅឡើយនោះ។</span></p>
<p><span style="color: #000000;">បន្ទាប់ពីមានការលើកទឹកចិត្ត និងជួយជ្រោមជ្រែង យ៉ាងខ្លាំងពីសំណាក់ អ្នកគាំទ្រ ក៏ដូចជាសិល្បៈដូចគ្នា បានធ្វើឲ្យតារាចម្រៀង កញ្ញា វ៉ាន់ នីឡា ដែលកំពុងតែជួបប្រទះ នូវរឿងរ៉ាវអាស្រូវ បែកធ្លាយរូបភាពស្រាត មានកម្លាំងចិត្ត និងអារម្មណ៍ធូរស្រាលរឹងប៉ឹងឡើងវិញ ដើម្បីជំនះតស៊ូ នៅក្នុងសមរភូមិសិល្បៈជាបន្តទៀត។ ជាមួយនឹងភាពស្រស់ស្រាយ ឡើងវិញនេះ តារាចម្រៀង វ៉ាន់ នីឡា ក៏បានផ្ដល់កិច្ចសម្ភាសន៍ ជាមួយនឹងអ្នកនាង ចន ច័ន្ទលក្ខិណា ផ្សាយផ្ទាល់ក្នុង Page Facebook សម្ដេចតេជោ ហ៊ុន សែន រៀបរាប់ខ្លះៗ ពីប្រវត្តិមុននឹងនាងក្លាយជា តារាចម្រៀងល្បី រហូតមកដល់សព្វថ្ងៃនេះ។</span></p>
<p><span style="color: #000000;">តារាចម្រៀងកញ្ញា វ៉ាន់ នីឡា បាននិយាយនៅក្នុងឱកាសនោះថា «ក្រោយពីមានការលើកទឹកចិត្តជាច្រើន ពីសំណាក់ទស្សនិកជន បានធ្វើឲ្យខ្ញុំមានអារម្មណ៍កក់ក្តៅក្នុងចិត្ត ដើម្បីបន្តការតស៊ូទៅមុខ ហើយកំហុសខ្ញុំទទួលស្គាល់ តែអ្វីដែលសំខាន់ដែលចង់បានបំផុតនោះ គឺការលើកទឹកចិត្ត ពីមជ្ឈដ្ឋានមហាជន!»។</span></p>
<p><span style="color: #000000;">វ៉ាន់ នីឡា បានប្រាប់ថា មុននឹងនាងក្លាយជាតារាចម្រៀង មានទ្រនំជ្រកត្រឹមត្រូវ ពីដំបូងនាងក៏ធ្លាប់ជាតារាចម្រៀង ច្រៀងតាមរោងការ និងតាមកម្មវិធីផ្សេងៗផងដែរ ដោយសារតែការពេញចិត្ត និងចូលចិត្តអាជីពជាតារាចម្រៀង។ រហូតមកដល់ពេលធំដឹងក្ដី នាងក៏បានសុំបងប្រុស គឺលោក សុខ ជំនោរ ដើម្បីបានចូលច្រៀងក្នុងផលិតកម្ម ប៉ុន្តែបងប្រុសប្រាប់ថា នាងនៅក្មេងកុំទាន់ចង់ច្រៀងអី ធ្វើឲ្យរូបនាងចេះតែទទូចព្យាយាម ម្ដងហើយម្ដងទៀត ទម្រាំបងប្រុសដាច់ចិត្តជ្រើសយកនាង ឲ្យចូលច្រៀង។</span></p>
<p><span style="color: #000000;">ចង់ដឹងថា តើតារាចម្រៀង វ៉ាន់ នីឡា មានប្រវត្តិតស៊ូយ៉ាងណា មុននឹងបានចូលប្រឡូកក្នុងសិល្បៈ សមតាមបំណងរបស់នាង សូមទស្សនាកិច្ចសម្ភាសន៍ទាំងស្រុង ដូចខាងក្រោម៖</span></p>
<p style="text-align: left;"> </p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13510750_975837079181523_3581853704114893880_n.jpg?oh=999dd4a9f89e4f42874e169b5aed495c&oe=57F52F1F" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xpt1/v/t1.0-9/13319832_960104360754795_5516687553076493972_n.jpg?oh=4dda4d9fc5058790b0be4ab7193fbea3&oe=5807CD48&__gda__=1476034892_59c6749036a1f3071f58ec39aa6fff00" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xtf1/v/t1.0-9/13335596_958795674218997_2625111588900454156_n.jpg?oh=68de9b7b976b5730332213b5ea511a75&oe=57EF7B17&__gda__=1475317836_340ad46eab917f90266c69dedc3daa80" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xfp1/v/t1.0-9/13339596_957209467710951_4002773109119147119_n.jpg?oh=eb8284ef3cbd235246ad03d3c433a247&oe=57F351A1&__gda__=1475761448_6b1e22627d7c75f9c7bd05388f0c7528" alt="" width="730" /></span></p>
<p><span style="color: #000000;"><br /></span></p>
<p><iframe style="border: none; overflow: hidden;" src="https://www.facebook.com/plugins/video.php?href=https%3A%2F%2Fwww.facebook.com%2Fhunsencambodia%2Fvideos%2F1044892792225884%2F&show_text=0&width=560" frameborder="0" width="500" height="315"></iframe></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span><span style="color: #000000;"><br /></span></p>