<p><span style="color: #000000;"><strong>(ញូដេលី)៖</strong> នារយៈពេលបីថ្ងៃដើមសប្តាហ៍នេះ ប្រជាជនឥណ្ឌា ៤៦នាក់ហើយ ត្រូវបានរន្ទះបាញ់ស្លាប់ នៅរដ្ឋបីហារ ភាគខាងកើតប្រទេស ដែលវាតែងតែបានកើតឡើងនៅអំឡុងពេលមេឃរកភ្លៀង និងពេលភ្លៀងធ្លាក់លាយឡំនឹងខ្យល់បក់បោក។ នេះបើតាមការចេញផ្សាយមុននេះបន្តិច ដោយទីភ្នាក់ងារព័ត៌មានចិនស៊ិនហួរ នារសៀលថ្ងៃពុធ ទី២២ ខែមិថុនា ឆ្នាំ២០១៦។</span></p>
<p><span style="color: #000000;">គួរបញ្ជាក់ថា នៅដើមរដូវវស្សានេះ មិនត្រឹមតែប្រទេសឥណ្ឌាទេដែលរងគ្រោះធម្មជាតិអាក្រក់ៗ ដូចជាខ្យល់ព្យុះ ទឹកជំនន់ ការបាក់ដី និង រន្ទះបាញ់ ដោយសូម្បីតែប្រទេសចិន និងបណ្តាប្រទេសអាស៊ីអាគ្នេយ៍ និង អាស៊ីខាងត្បូង ភាគច្រើនក៏បានទទួលរងគ្រោះប្រហាក់ប្រហែលនឹងគ្នាដែរ។</span></p>
<p><span style="color: #000000;">យ៉ាងណាមិញរដ្ឋាភិបាលឥណ្ឌា បានបញ្ជាឲ្យអាជ្ញាធរថ្នាក់តំបន់ ធ្វើការណែនាំប្រជាពលរដ្ឋឲ្យមានការប្រុងប្រយ័ត្នខ្ពស់ និងមិនត្រូវដើរទៅណាមកណា ឬជ្រកក្រោមដើមឈើធំៗ នោះឡើយប្រសិនបើមេឃកលរកភ្លៀង ឬ ក៏ពេលកំពុងមានភ្លៀងខ្យល់ខ្លាំងនោះ៕</span></p>
<p><span style="color: #000000;"><a class="thickbox" title="" href="/FileManager/Commons/2016/6/22/20b-22-06-2016--14-31-29.jpg"><img src="/FileManager/Articles/mce/2016/6/22/20b-22-06-2016--14-31-29.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>