<p><span style="color: #000000;">ព័ត៌មានអន្តរជាតិ ៖ យន្តហោះក្រុមហ៊ុនអាកាសចរណ៍ SilkAir អំឡុងថ្ងៃអង្គារ ទី ២៣ ខែមិថុនា នេះ បានសម្រេចធ្វើការចុះចតជាបន្ទាន់ និងទាំងអាសន្ន នៅលើដីកោះ Hainan ប្រទេសចិន ដោយសារ តែលក្ខខ័ណ្ឌ អាកាសធាតុ អាក្រក់ខ្លាំង ។</span></p>
<p><span style="color: #000000;"><a class="thickbox" title="" href="/FileManager/Commons/2015/6/23/50-23-06-2015--14-55-50.jpg"><img src="/FileManager/Articles/mce/2015/6/23/50-23-06-2015--14-55-50.jpg" alt="" /></a><br /></span></p>
<p><span style="color: #000000;">សេចក្តីរាយការណ៍ បញ្ជាក់អោយដឹងថា យន្តហោះខាងលើ មានជើងហោះហើរ MI8334 បានហោះ ចាកចេញពីសឹង្ហបុរី ឆ្ពោះទៅកាន់ក្រុង Sanya ដែលជាតំបន់ទេសចរណ៍ ដ៏មានប្រជាប្រិយភាព នៅ ភាគខាងត្បូងកោះ Hainan ។ ដោយសារតែលក្ខខ័ណ្ឌអាកាសធាតុ មិនអំណោយផល ពោល មាន ការធ្លាក់ភ្លៀងនិងខ្យល់ខ្លាំងនាំអោយយន្តហោះដឹកអ្នកដំណើរមួយគ្រឿងនេះប្រឈមនឹងហានិភ័យ ដូច្នេះ ក៏មានការសម្រេចចិត្តចុះចតជាបន្ទាន់ នៅឯក្រុង Haikou ទាំងខុសគោលដៅ ។ </span></p>
<p><span style="color: #000000;">គេហទំព័រ អាកាសយានដ្ឋានអន្តរជាតិ Sanya Phoenix International Airport បញ្ជាក់ យ៉ាងច្បាស់ អោយដឹងថា យន្តហោះខាងលើ គ្រោងនឹងចុះចតនៅក្នុងក្រុង វេលាម៉ោង ៩ និង ៣០ នាទី ព្រឹក តែ ជាលទ្ធផល ត្រូវពន្យាពេល ។ គួរបញ្ជាក់ថា ព្យុះទីហ្វុង Kujira ថ្មីនេះ បាននាំមកនូវ ខ្យល់កន្ទ្រាក់ ក៏ ដូចជាភ្លៀងធ្លាក់ខ្លួន នៅក្នុងតំបន់ ខណៈ រដ្ឋបាលឧតុនិយមជាតិ របស់ប្រទេសចិនបានចេញសេច ក្តីប្រកាសអាសន្នអោយដឹងថា នៅព្រឹកថ្ងៃអង្គារនេះ និងមានព្យុះភ្លៀង ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ CNA </span></p>