<p><span style="font-size: 12px; color: #000000;">បុគ្គលិកសម្អាតបន្ទប់សណ្ឋាគារម្នាក់ បានទទួលវិញ្ញាបនបត្រកោតសរសើរ សម្រាប់អំពើល្អរបស់</span><span style="color: #000000; font-size: 12px;">នាង ក្រោយប្រគល់ប្រាក់យ៉ាងច្រើនសន្ធឹកសន្ធាប់ឱ្យភ្ញៀវទេសចរជនជាតិហូឡង់វិញ ដែលបានមកទស្សនកិច្ចកម្សាន្ដនៅកោះសាមុយ។</span></p>
<p><span style="color: #000000;">បុគ្គលិកសម្អាតបន្ទប់ម្នាក់នោះ បានឃើញប្រាក់ ១,១០០ ដុល្លារនៅក្នុងប្រអប់ផ្លាស្ទីកមួយជ្រុះនៅលើជណ្ដើរសណ្ឋាគារ Ark Bar នាឆ្នេរខ្សាច់ Chaweng ខណៈពេលនាងកំពុងសម្អាតនៅបរិវេណនោះ។</span></p>
<p><span style="color: #000000;"><a class="thickbox" title="" href="/FileManager/Commons/2018/7/23/21-23-07-2018--11-56-29.PNG"><img src="/FileManager/Articles/mce/2018/7/23/21-23-07-2018--11-56-29.PNG" alt="" /></a><br /></span></p>
<p><span style="color: #000000;">នាងបាន ប្រគល់ប្រាក់នោះឱ្យទៅបុគ្គលិកទទួលភ្ញៀវរបស់សណ្ឋាគារ ដើម្បីឱ្យទំនាក់ទំនងទៅភ្ញៀវឱ្យមកទទួលយកប្រាក់នោះវិញ។</span></p>
<p><span style="color: #000000;">នគរបាលប្រចាំការនៅរមនីយដ្ឋាន Bor Phut នៃកោះសាមុយ បានត្រួតពិនិត្យវីដេអូកាម៉េរ៉ាសុវត្ថិភាព ដែលចាប់បានរូបភាពលោក Alexander Joseph អាយុ ៣១ ឆ្នាំ ជាភ្ញៀវទេសចរមកពីប្រទេសហូឡង់ ដែលបានចេញមកជក់បារីនៅលើកាំជណ្ដើរ ហើយបានភ្លេចប្រអប់លុយនោះ នៅពេលគាត់ត្រឡប់ចូលបន្ទប់វិញ។</span></p>
<p><span style="color: #000000;">ប្រធានគ្រប់គ្រងទូទៅសណ្ឋាគារលោក Thanaphon Uthaiwannaporn បានប្រាប់ភ្ញៀវទេសចរូបនោះឱ្យពិនិត្យមើលប្រអប់លុយ ហើយបានភ្ញៀវនោះបានបញ្ជាក់ថា លុយនៅគ្រប់ចំនួនទាំងអស់នៅក្នុងប្រអប់។ ភ្ញៀវទេសចររូបនេះ បានជូនសគុណបុគ្គលិកសម្អាតបន្ទប់នោះ ១០០ ដុល្លារអាមេរិកដើម្បីបង្ហាញនូវការកោតសរសើរចំពោះអំពើល្អរបស់នាង។</span></p>
<p><span style="color: #000000;">អភិបាលកោះសាមុយ បាននិយាយកាលពីថ្ងៃអាទិត្យកន្លងទៅនេះថា បុគ្គលិកស្រី នាង Sawee Let Mau បានជួយផ្សព្វផ្សាយនូវរូបភាពល្អនៃកោះរមនីយដ្ឋាននេះ ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/7/23/mekongnet-23-07-2018--11-56-37.PNG" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ បាងកកប៉ុស្ដិ៍ </span></p>