<div>
<p><span style="color: #000000;"><strong>(ភ្នំពេញ)៖</strong> ប្អូនស្រីបង្កើតរបស់កំពូលតារាចម្រៀង ខេមរៈ សិរីមន្ត គឺស្រីស្រស់ខ្មៅស្រអែម ខេមរៈ ស្រីពៅ តារាចម្រៀងចូលតាមបងប្រុស ក្នុងផលិតកម្ម សាន់ដេ ត្រូវបានប្រពភព័ត៌មាន ទម្លាយឲ្យដឹងថា នាងកំពុងតែរងនូវជំងឺ ប្រតិកម្មស្បែកយ៉ាងធ្ងន់ធ្ងរ បន្ទាប់ពីនាងព្យាយាមប្រើថ្នាំកែសម្ផស្សជ្រុលពេក និងកំពុងតែសំងំព្យាបាល នៅឯផ្ទះស្រុកកំណើត ក្នុងស្រុកព្រៃឈរ ខេត្តកំពង់ចាម ។</span></p>
<p><span style="color: #000000;">ក្នុងរយៈកាលប៉ុន្មានខែចុងក្រោយនេះ តារាចម្រៀង ខេមរៈ ស្រីពៅ មិនត្រូវបានទស្សនិកជន ឃើញវត្តមានឡើងច្រៀងលើឆាកតន្រ្តី ដែលជាឱកាសប្រមូលប្រាក់ពីការប្រគំតន្រ្តី តាមបណ្ដាខេត្ត ដូចសព្វមួយដងទៀតឡើយ ។ សូម្បីតែក្នុងផលិតកម្ម ក៏មិនឃើញចេញបទចម្រៀងថ្មី ដូចជាតារារួមទ្រនំផ្សេងទៀតនោះដែរ ហើយទស្សនិកជន ក៏ឆ្ងល់ដែរថា ហេតុអ្វី ខេមរៈ ស្រីពៅ បាត់ដំណឹងពីសិល្បៈសូន្យឈឹងបែបនេះ ?</span></p>
<p><span style="color: #000000;">បើតាមប្រភពព័ត៌មាន ពីអ្នករស់នៅក្បែរផ្ទះ ខេមរៈ ស្រីពៅ បានបង្ហើបថា នាងកំពុងតែរងនូវជំងឺប្រតិកម្មស្បែក យ៉ាងធ្ងន់ធ្ងរ កំពុងសម្រាកព្យាបាលអស់ពេលជាច្រើនខែមកហើយ ពោលសភាពជំងឺរបស់នាង ហាក់បីដូចជាពិបាកក្នុងការរកថ្នាំមកព្យាបាលណាស់ ព្រោះតែមានស្ថានភាពរលួយដោយកន្លែង និងមើលទៅប្រែរូបរាងខ្មៅគួរឲ្យព្រឺព្រួច ។</span></p>
<p><span style="color: #000000;">ប្រភពដដែលបានបន្តថា កាលពីចុងខែធ្នូឆ្នាំ២០១៥ ថ្មីៗនេះ តារាចម្រៀង ខេមរៈ សិរីមន្ត បានរៀបចំពិធីមង្គលការ ជូនប្អូនស្រីរបស់ខ្លួនម្នាក់ ឈ្មោះ ខេមរៈ ស្រីពេជ្រ ដោយបានអញ្ជើញតារាល្បីៗ និងចាងហ្វាងផលិតកម្ម សាន់ដេ ចូលរួមអបអរសាទរ ។ ក្នុងនោះគេបានឃើញ ខេមរៈ ស្រីពៅ ដេកនៅជាប់នឹងកន្ទេលក្នុងផ្ទះ ដោយមិនបានចេញមក ទទួលស្វាគមន៍ ភ្ញៀវកិត្តិយស ដែលជាអ្នករួមអាជីព និងក្រុមការងារក្នុងផលិតកម្ម ជាមួយគ្នាឡើយ ។</span></p>
<p><span style="color: #000000;">អ្វីដែល ខេមរៈ ស្រីពៅ មិនបានមកទទួលរាក់ទាក់ អ្នកសិល្បៈដូចគ្នា ដោយសារតែសភាពជំងឺ របស់នាងកំពុងធ្វើទុក្ខខ្លាំង និងស្បែកមានសភាពប្រែប្រួល ពេលត្រូវកម្ដៅថ្ងៃ ពេលនោះគេឃើញអ្នកសិល្បៈខ្លះ បានចូលទៅសួរសុខទុក្ខនាង និងជូនពរនាងឲ្យឆាប់ជាសះស្បើយពីជំងឺទៀតផង។</span></p>
<p><span style="color: #000000;">ជុំវិញព័ត៌មានដ៏រសើបនេះ Khmertalking នៅមិនទាន់ទាក់ទង សមាជិកគ្រួសាររបស់នាងណាម្នាក់ ដើម្បីស្រាយបំភ្លឺបាននៅឡើយទេ នៅរសៀលថ្ងៃទី០៦ ខែមករា នេះ ៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xft1/t31.0-8/10580745_1542251822755850_390359149445332750_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xta1/v/t1.0-9/12439218_1542251796089186_4650319186533337638_n.jpg?oh=d49f360cd5e3927fbfef4adeb42f127a&oe=56FCE7B0" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xft1/v/t1.0-9/1917183_1542251799422519_8677016492457611441_n.jpg?oh=d7c432d9bd598febd77d797ae5adf751&oe=56FCC5A2&__gda__=1464099368_610973696ae0fcfd0311e80d2bbcb6ab" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xpt1/v/t1.0-9/10556380_1542251849422514_5809036580549965959_n.jpg?oh=3f54f79e9b7573a90211b15c6b5efc33&oe=5701CB11&__gda__=1460634769_7cb93d32f28cd5cfc81be15620bf46fb" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xpf1/v/t1.0-9/10367170_1542251846089181_8089981164661024595_n.jpg?oh=85c7f863fb9a75dbaae0a74b2506d9df&oe=5703238B&__gda__=1459904692_e8cc0b3bec48e4a7fdf8ab2768761328" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>