<div class="article-content">
<div class="article-content">
<p><strong>ភ្នំពេញ ៖</strong> ក្រោយពីបើកសវនាការតាំង ពីព្រឹកមក រហូតដល់រសៀលថ្ងៃទី២៥ ខែ កញ្ញា ឆ្នាំ២០១៣<br /> តុលា ការកំពូលនៃប្រទេស កម្ពុជា ដែលមានលោក ឃឹម ប៉ុន ប្រធាន ក្រុមប្រឹក្សាជំនុំជម្រះ បានប្រ<br />កាសដោះ លែង លោក ប៊ន សំណាង និងលោក សុខ សំអឿន នៅក្នុងសំណុំរឿងដ៏ចម្រូងចម្រាស់<br />ជុំវិញ អំពើឃាត កម្ម លើអតីតប្រធានសហជីព សេរីកម្មករ នៃព្រះរាជាណាចក្រកម្ពុជាគឺ លោក ជា<br /> វិជ្ជា កាលពីថ្ងៃទី២២ ខែមករា ឆ្នាំ ២០០៤ កន្លងទៅ ខណៈដែលលោក ជា វិជ្ជា កំពុងអង្គុយអានកា<br />សែត នៅជាប់របង វត្ដលង្កា ក្នុងទឹកដីខណ្ឌចំការមន ។</p>
<p>សំណុំរឿងដែលធ្វើឱ្យមានការរិះគន់ពី គណបក្សប្រឆាំង និងអង្គការសង្គមស៊ីវិល ជាច្រើន គឺមានការ<br />ចាប់ អារម្មណ៍យ៉ាងខ្លាំង ពីសំណាក់មហាជនទូទៅ រហូតដល់មានការ ដោះលែងម្ដងរួចហើយ ឱ្យនៅ<br />ក្រៅឃុំ ប៉ុន្ដែ ក្រោយមក ស្រាប់តែតុលាការឧទ្ធរណ៍បាន សម្រេចចោទប្រកាន់បុគ្គលទាំងពីរនាក់ ឱ្យ <br />ជាប់ពន្ធនាគារ រយៈពេល២០ឆ្នាំ ។ក្រោយ ពីមានការសម្រេចយ៉ាងដូច្នេះ របស់តុលា ការឧទ្ធរណ៍កាល<br />ពីព្រឹកថ្ងៃទី២៧ ខែ ធ្នូ ឆ្នាំ ២០១២ រួចមក សំណុំរឿងនេះ បានធ្លាក់ មកដល់ដៃតុលាការកំពូលម្ដងទៀត<br /> តាម រយៈការប្ដឹង ទាស់ របស់ពួកគេទាំងពីរនាក់ ទើបទីបំផុតទៅ ក្រោយពីបើកការស្រាវជ្រាវ និងបើក<br />សវនាការតាំងពីព្រឹក រហូត ដល់រសៀលថ្ងៃទី២៥ ខែកញ្ញា ឆ្នាំ២០១៣ ពួកគេទាំងពីរនាក់ ត្រូវបានប្រ<br />កាសដោះលែង ឱ្យមាន សេរីភាព ជុំវិញអំពើឃាតកម្ម ខាងលើនេះ ។</p>
<p>គួរបញ្ជាក់ថា ការចាប់ខ្លួនលោក ប៊ន សំណាង និងលោក ជា វិជ្ជា បានទទួលការ រិះគន់យ៉ាងខ្លាំងពី<br />អង្គការ សង្គមស៊ីវិល និង មជ្ឈដ្ឋានជាច្រើន ដោយពួកគេទាំងនោះ ចាត់ទុកថា ប៊ន សំណាង និង<br />សុខ សំអឿន ជា ឃាតកសិប្បនិម្មិត ៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-067/CH-0424.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>
</div>