<div class="article-content">
<p><span style="color: #000000;"><strong>ញូយ៉ក ៖</strong> កាលពីថ្ងៃព្រហស្បតិ៍ ម្សិលមិញនេះ ក្រុមហ៊ុន តូយ៉ូតា បានប្រកាសប្រមូល រថយន្ត ម៉ាក Tundra ជាង ១៤០.០០០ គ្រឿងមកវិញ នៅឯភាគខាងត្បូងសហរដ្ឋអាម៉េរិក ដោយសារ តែផ្នែកបច្ចេក ទេស បានរកឃើញបញ្ហាពោងសុវត្ថិភាពមានភាពមិនប្រក្រតី ។</span></p>
<p><span style="color: #000000;">ទីភ្នាក់ងារសារ ព័ត៌មានជប៉ុន ក្យូដូ បានចេញផ្សាយនៅថ្ងៃសុក្រ ទី១២ ខែកញ្ញា ឆ្នាំ២០១៤នេះ ដោយ ផ្អែកតាម រោងចក្រផលិតរថយន្តរបស់ក្រុមហ៊ុន តូយ៉ូតា ឲ្យដឹងថា កន្លងមកមាន ការតម្លើង ពោងសុវត្ថិ ភាពខុសបច្ចេកទេស ដែលធ្វើឲ្យវាអាចនឹងមិនដំណើរការនៅពេល មានគ្រោះថ្នាក់កើតឡើង ដូច្នេះ ហើយទើបក្រុមហ៊ុនសម្រេច ប្រមូលមកវិញទាំងអស់ ។</span></p>
<p><span style="color: #000000;">គួរបញ្ជាក់ផងដែរថា រថយន្តជាង ១៣០.០០០ គ្រឿង ដែលត្រូវបាននាំចូលទៅ សហរដ្ឋអាម៉េរិក កន្លង មកនេះ ពុំមានរបាយការណ៍ណាមួយ បង្ហាញពីគ្រោះថ្នាក់ រងរបួស ឬបញ្ហាបច្ចេកទេស ដែលបង្កឡើង ដោយគ្រឿងយន្តប្រភេទនេះនៅឡើយទេ តែក្រុមហ៊ុន ត្រូវតែធ្វើការបញ្ជាក់ឲ្យច្បាស់ តាមរយៈការ ពិនិត្យឡើងវិញ ដើម្បីទំនុកចិត្តរបស់អថិជន និងសុវត្ថិភាពអ្នកប្រើប្រាស់ជាចម្បង ៕</span></p>
<p style="text-align: center;"><span style="color: #000000;"><img title=" " src="http://image.dap-news.com:81/dap-news/dap-images/2014/September/id-015/T-0302.jpg" alt="" width="500" /></span></p>
</div>
<p style="text-align: right;"><a href="http://www.dap-news.com/2011-06-14-02-40-26/94990--tundra-.html" target="_blank"><span style="color: #000000;">ផ្តល់សិទ្ធដោយ ៖ ដើមអម្ពិល</span></a></p>