<p><span style="color: #000000;"><strong>(អាហ្វហ្គានីស្ថាន)៖</strong> អាជ្ញាធរអាហ្វហ្គានីស្ថាន បានឱ្យដឹងថា ជនប្រដាប់អាវុធមួយក្រុម ដែលគេជឿជាក់ថា ជាក្រុមសកម្មប្រយុទ្ធ ISIS បានសម្លាប់បុគ្គលិកគណៈកម្មាធិការកាកបាទក្រហមអាហ្វហ្គានីស្ថាន (ICRC) យ៉ាងហោចណាស់៦នាក់ ខណៈពួកគេកំពុងដឹកជំនួយមនុស្សធម៌ ទៅកាន់តំបន់ភាគខាងជើង នៃប្រទេសកំពុង រងគ្រោះដោយសារព្យុះព្រិលនារយៈពេលប៉ុន្មានថ្ងៃចុងក្រោយនេះ។ នេះបើតាមការចេញផ្សាយ ដោយទីភ្នាក់ងារសារព័ត៌មាន Reuters នៅថ្ងៃពុធ ទី០៨ ខែកុម្ភៈ ឆ្នាំ២០១៧។</span></p>
<p><span style="color: #000000;"><a class="thickbox" title="" href="/FileManager/Commons/2017/2/9/10-09-02-2017--09-37-15.jpg"><img src="/FileManager/Articles/mce/2017/2/9/10-09-02-2017--09-37-15.jpg" alt="" /></a><br /></span></p>
<p><span style="color: #000000;">យោងតាមអ្នកនាំពាក្យកាកបាទក្រហមលោក Thomas Glass បុគ្គលិក២នាក់ផ្សេងទៀតបានបាត់ខ្លួន បន្ទាប់ពីការវាយប្រហារបានកើតឡើងនៅក្នុងខេត្ត Jowzjan ក៏ប៉ុន្តែលោកមិនបានដឹងនោះទេថា តើក្រុមណាមួយជាអ្នកនៅពីក្រោយការវាយប្រហារនេះ ស្របពេលអ្នកនាំពាក្យក្រុមឧទ្ទាមតាលីបង់ បានអះអាងថា ក្រុមរបស់ខ្លួនមិនមានជាប់ពាក់ព័ន្ធនឹងការវាយប្រហារនេះឡើយ ហើយថែមទាំងបានសន្យាដែរថា ខ្លួននឹងធ្វើអ្វីគ្រប់យ៉ាងតាមដែលអាចធ្វើទៅបាន ដើម្បីស្វែងរកអ្នកពាក់ព័ន្ធនិងនៅ ពីក្រោយទង្វើដ៏សាហាវបែបនេះ។</span></p>
<p><span style="color: #000000;">គួរបញ្ជាក់ថា បុគ្គលិក ICRC ដែលបានស្លាប់ និងបាត់ខ្លួន គឺជាសមាជិកក្បូនរថយន្ដដឹកជំនួយមនុស្សធម៌ មានគោលដៅឆ្ពោះទៅកាន់តំបន់រងគ្រោះ ដោយសារផ្ទាំង ទឹកកកបាក់សង្កត់ស្ថិតភាគជើងនៃប្រទេស កាលពីប៉ុន្មានថ្ងៃមុននេះ៕</span></p>
<p><span style="color: #000000;"><a class="thickbox" title="" href="/FileManager/Commons/2017/2/9/10a-09-02-2017--09-37-26.jpg"><img src="/FileManager/Articles/mce/2017/2/9/10a-09-02-2017--09-37-26.jpg" alt="" /></a></span></p>
<p><a class="thickbox" title="" href="/FileManager/Commons/2017/2/9/10b-09-02-2017--09-37-45.jpg"><img src="/FileManager/Articles/mce/2017/2/9/10b-09-02-2017--09-37-45.jpg" alt="" /></a></p>
<p><a class="thickbox" title="" href="/FileManager/Commons/2017/2/9/10c-09-02-2017--09-38-08.jpg"><img src="/FileManager/Articles/mce/2017/2/9/10c-09-02-2017--09-38-08.jpg" alt="" /></a><br /><br /></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>