<div class="article-content">
<p><strong>ភ្នំពេញៈ</strong> សពទារកម្នាក់ ត្រូវបានអ្នករើសអេតចាយ ប្រទះឃើញនៅក្នុងថង់ខ្មៅ បោះចោលលើគំនរ សំរាម មួយកន្លែង នៅខាងលិចសាលាបឋមសិក្សាបឹង ត្របែកខាងកើត តាមផ្លូវ៤៨៨ កែងលូទឹកស្អុយ ក្នុងសង្កាត់បឹងត្របែក ខណ្ឌចំការមន នៅល្ងាចថ្ងៃទី២០ ខែមករា ឆ្នាំ២០១៤ នេះ ។</p>
<p>សពទារក ដែលត្រូវបានគេយកមកប្លុងចោល ក្នុងគំនរសំរាមនេះ មានអាយុនៅក្នុងផ្ទៃ ប្រហែលជា ៨ទៅ ៩ខែ ទៅហើយ ហើយទំនងជាត្រូវបាន គេយកមក ប្លុងចោល កាលពីថ្ងៃត្រង់ បន្ទាប់ពីបង្កើតរួច ។</p>
<p>សេចក្តីរាយការណ៍ នៅកន្លែងកើតហេតុបានឱ្យដឹងថា សពទារក ត្រូវបានគេប្រទះឃើញ នៅវេលា ម៉ោង ៥ល្ងាច ថ្ងៃចន្ទ ទី២០ ខែមករា នេះ បន្ទាប់ពីស្រ្តីរើស អេតចាយ ២នាក់ បានកកាយថង់ខ្មៅចេញពីគំនរ សំរាម ដើម្បីរករបស់របរ ដែលអាចលក់បានកម្រៃខ្លះ ហើយត្រូវបានគេសន្និដ្ឋានថា ជាសពទារក ដែល ត្រូវបានម្តាយបង្កើតរួចហើយ និងយកមកចោលយ៉ាងព្រៃផ្សៃបំផុត ៕</p>
<p style="text-align: center;"><img src="http://image.dap-news.com:81/dap-news/dap-images/2014/January/id-015/T-0181.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-015/T-0182.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-015/T-0183.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-015/T-0184.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/79500-2014-01-20-10-29-42.html"><span style="color: #0000ff;">ដើមអំពិល</span></a></p>
</div>