<p><strong>កាលពីថ្ងៃទី8/8 វេលាថ្ងៃត្រង់ , ប៉ូលិសត្រួតពិនិត្យចរាចរណ៍នៅទីក្រុង ហាឡុង ប្រទេស<br />វៀតណាម</strong><strong> បានទទួលដំណឹងថា មានករណីឆក់កាបូបមួយ នៅក្បែរនោះ ដោយពួកចោរ<br /></strong><strong>ជិះម៉ូតូយ៉ាងលឿន ដើម្បីរត់គេចពីកន្លែងត្រួតពិនិត្យនោះ។ </strong></p>
<p class="Normal">នៅពេលនោះប៉ូលិសក៏បានហៅឈប់ដើម្បីធ្វើការសាកសួរ ប៉ុន្តែពួកចោរមិនស្ដាប់តាម ពួកវាក៏<br />កាន់តែបង្កើនល្បឿន ជិះឆ្លងផុតប៉ុស្តិ៍ត្រួតពិនិត្យ។ ឃើញដូច្នេះប៉ូលិសចរាចរពីរនាក់ក៏បានជិះម៉ូតូ<br />ដេញតាម។</p>
<p class="Normal"><a class="thickbox" title="" href="/FileManager/Commons/2012/8/16/094119image-16-08-2012--17-01-24.jpg"><img src="/FileManager/Articles/mce/2012/8/16/094119image-16-08-2012--17-01-24.jpg" alt="" /></a></p>
<p class="Normal">នៅតាមផ្លូវរត់គេច ចោរដែលអង្គុយនៅខាងក្រោយបានដកកាំភ្លើងបាញ់សំដៅមកលើប៉ូលិស <br />ធ្វើឲ្យប៉ូលិសម្នាក់ឈ្មោះ Nguyen Thanh Long ត្រូវរបួសជើង។ ដើម្បីរារាំងពីការដេញតាមរបស់<br />ប៉ូលិស ពួកវាក៏ដោះមួកសុវត្ថិភាពគប់មកលើប៉ូលិសថែមទៀត។</p>
<p class="Normal">លោក Nguyen Thanh Long បាននិយាយប្រាប់អ្នកសារព័ត៌មានថា ៖ "បន្ទាប់ពីធ្វើការដេញតាម<br />ពួកចោរយ៉ាងប្រកិត ដោយនៅចម្ងាយប្រហែលដប់ម៉ែត្រពីពួកវា ចោរម្នាក់ដែលអង្គុយនៅខាង<br />ក្រោយ បានដកកាំភ្លើង បាញ់សំដៅមកខ្ញុំ។ ពេលនោះខ្ញុំមានអារម្មណ៍ថាឈឺនៅត្រង់ជើងឆ្វេង <br />ហើយត្រូវធ្លាក់ពីលើម៉ូតូ។ ប៉ុន្តែ ដោយសំរេចចិត្ត ត្រូវចាប់ចោរឲ្យទាល់តែបាន ខ្ញុំក៏បន្តដេញតាម<br />ទៀត"។</p>
<p class="Normal">មន្ដ្រីប៉ូលិសដដែលបានបន្តថា ៖ "ក្រោយមកចោរបានបាញ់ជាលើកទីពីរមកលើខ្ញុំ គ្រាប់បានហោះ<br />កាត់ក្បែរដៃឆ្វេងរបស់ខ្ញុំ។ ពេលនោះពួកខ្ញុំនៅតែបន្តដេញតាម ក៏ត្រូវចោរបាញ់ជាលើកទីបី ពួកខ្ញុំ<br />នៅតែប្រកាន់ជំហរដេញតាមបន្តទៀត"។</p>
<p class="Normal">ក្រោយពីការដេញតាមក្នុងចម្ងាយផ្លូវឆ្ងាយគួរសម ពួកចោរក៏ត្រូវប៉ូលិសចាប់បាន។</p>
<p>សូមទស្សនាវីដេខាងក្រោមនេះ ទាំងអស់គ្នា !</p>
<p style="text-align: center;"><object width="500" height="400" data="http://www.youtube.com/v/nunuaVuVAVA&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/nunuaVuVAVA&rel=1" /></object></p>
<p style="text-align: center;"><span style="color: #0000ff;">វីដេអូប៉ូលិសចរាចរជិះម៉ូតូ ដេញចាប់ចោរឆក់កាបូប</span><strong></strong></p>
<p style="text-align: right;">ដោយ៖ សិលា<br />ប្រភព៖ VE<strong><br /></strong></p>