<div class="article-content">
<p><strong>ភ្នំពេញ ៖</strong> ទ្វារផ្ទះមួយផ្ទាំង បានបាក់ដួល រលំ ដោយសារតែបុរសម្នាក់ បើករថយន្ដ បំបុកកាល<br />ពីវេលាម៉ោង ១០និង ៣០នាទីយប់ ថ្ងៃទី០៤ ខែមិថុនា ឆ្នាំ២០១៣ ស្ថិត នៅក្នុងបុរីព្រីនថោន ភូមិ<br />ក្បាលដំរី សង្កាត់ កាកាប ខណ្ឌពោធិសែនជ័យ ប៉ុន្ដែ មិន បណ្ដាលឱ្យនរណាម្នាក់រងគ្រោះថ្នាក់<br />នោះឡើយ ដែលករណីនេះត្រូវបានគេសង្ស័យថា អាចបណ្ដាលមកពីជម្លោះស្នេហាត្រីកោណ<br /> ដោយសារតែស្ដ្រីជាប្រពន្ធដើមបាន ប្រើបក្ខពួករបស់ខ្លួន មករករឿងស្ដ្រីជា ប្រពន្ធចុងដល់ផ្ទះ។</p>
<p>យោងតាមសេចក្ដីរាយការណ៍ ពីកន្លែង កើតហេតុបានឱ្យដឹងថា នៅពេលដែលស្ដ្រី ម្នាក់កំពុង<br />នៅក្នុងផ្ទះ ស្រាប់តែមានហេតុ ការណ៍រថយន្ដកាមរី ស៊េរី ៩១ ពណ៌ស បើក ទៅបុកទ្វារផ្ទះ<br /> បណ្ដាលឱ្យដួលរលំទាំងយប់ បង្កឱ្យមានការភ្ញាក់ផ្អើល រួចហើយអ្នកបើក រថយន្ដ បានបើក<br />ចេញពីកន្លែងកើតហេតុ បាត់ទៅ ។</p>
<p>ជាមួយករណីនេះ ដំបូងឡើយមានព័ត៌ មានលើកឡើងថា ជារឿងស្នេហាត្រីកោណ ពោល <br />ស្ដ្រីម្ចាស់ផ្ទះខាងលើនេះជាស្រីកំណាន់ ប្ដីរបស់គេ ហេតុដូច្នេះហើយប្រហែលមកពី ស្ដ្រីជា<br />ប្រពន្ធដើមដឹងរឿង ហើយប្រើមនុស្ស មករករឿងដល់ផ្ទះ ។</p>
<p>សេចក្ដីរាយការណ៍ ពីសាក្សីបានឱ្យដឹង ថា នារីជាម្ចាស់ផ្ទះឈ្មោះ ស៊ុន លី អាយុ ២០ឆ្នាំ ដែល<br />ជាស្រីស្នេហ៍របស់បុរសម្នាក់អាយុ ៤០ឆ្នាំ បម្រើការងារនៅកាស៊ីណូមួយ ដោយចិញ្ចឹមរូបនាង<br />ក្នុងមួយខែចំនួន ២០០ដុល្លារសហរដ្ឋអាមេរិក ។</p>
<p>សាក្សីបាន បន្ដថា ទំនងជាស្ដ្រីជាប្រពន្ធដើមដឹងរឿង រ៉ាវប្ដីរបស់ខ្លួនលួចមានស្រីស្នេហ៍ ក៏បាន<br />ប្រើ បក្ខពួកមករករឿងដល់ផ្ទះ ដោយបើក រថយន្ដបុកទាំងកំរោល ទៅលើទ្វារផ្ទះ បណ្ដាលឱ្យ<br />បាក់រលំមួយផ្ទាំង ។ ក្រោយបង្ក ហេតុអ្នកបើករថយន្ដ បានគេចខ្លួនបាត់ទម្រាំ ភ្ញាក់ផ្អើលដល់<br />សមត្ថកិច្ច ចុះមកកន្លែងកើត ហេតុ ។</p>
<p>យ៉ាងណាក៏ដោយ នារីរូបនេះបានប្រាប់ សមត្ថកិច្ច នៅព្រឹកថ្ងៃទី០៥ ខែមិថុនា ឆ្នាំ ២០១៣ ថា<br /> តាមពិតករណីដែលបានកើត ឡើង កាលពីយប់ថ្ងៃទី០៤ ខែមិថុនា នោះ ជាជម្លោះរវាងរូបនាង<br /> និងបងប្រុសបង្កើត របស់ខ្លួន ។</p>
<p>នាងបានបន្ដថា បងប្រុសបង្កើត របស់ខ្លួន ខឹងរូបនាងហៅថា វា ទើបបើក រថយន្ដទាំងស្រវឹង<br />លើឃឿនខាងមុខផ្ទះ ប៉ុន្ដែដោយកង់រថយន្ដជាប់កល់នឹងថូផ្កាទើប អ្នកបើករថយន្ដ ជាន់ហ្គែរ<br />បន្ថែមទើបជ្រុល ទៅបុកទ្វារផ្ទះតែម្ដង ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0064.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>