<p><span style="color: #000000;"><strong>(ហាណូយ)៖</strong> ក្រុមអ្នកជំនាញវៀតណាម បានលើកឡើងថា ការបាញ់បង្ហោះផ្កាយរណប ដែលផលិតឡើងនៅក្នុង ស្រុក ជាលើកដំបូងរបស់ប្រទេសអាស៊ានមួយនេះ គឺជាជំហានឆ្ពោះទៅមុខដ៏ធំធេង សម្រាប់ការ ឈានជើងប្រឡូកក្នុងវិស័យឧស្សាហកម្មផ្នែកអវកាស នេះបើតាមការចេញផ្សាយដោយទីភ្នាក់ងារព័ត៌មានចិនស៊ិនហួ នាយប់ថ្ងៃពុធ ទី១៨ ខែឧសភា ឆ្នាំ២០១៦។</span></p>
<p><span style="color: #000000;">ផ្កាយរណបវៀតណាមដំបូងនេះ ត្រូវបានផលិតឡើងដោយក្រុមវិស្វករវៀតណាមសុទ្ធសាធ ហើយត្រូវបានបាញ់បង្ហោះនៅទីក្រុង Alice Springs ប្រទេសអូស្ត្រាលីកាលពីព្រឹកថ្ងៃចន្ទ។ នេះបើតាមការចេញផ្សាយពីសារព័ត៌មានរដ្ឋវៀតណាម នៅថ្ងៃពុធនេះ។</span></p>
<p><span style="color: #000000;">គួរបញ្ជាក់ថា ផ្កាយរណបដំបូងរបស់វៀតណាមបានហោះឡើងទៅកាន់រយៈកម្ពស់ ២៥ គីឡូម៉ែត្រ ដែលវានឹងដើរតួនាទីជា ផ្កាយរណបគាំទ្រប្រព័ន្ធទូរគមនាគមន៍។ លោកបណ្ឌិត Vu Quoc Huy នៃសកលវិទ្យាល័យវិទ្យាសាស្ត្រ និងបច្ចេកវិទ្យាវៀតណាមបានថ្លែងដូច្នេះថា «វាជាលើកដំបូង ហើយដែលវៀតណាមមានវត្ថុអវកាសដែលអាចហោះក្នុងរយៈកម្ពស់ ២៥គីឡូម៉ែត្រ។ វាគឺជាជោគជ័យធំធេងណាស់សម្រាប់ឧស្សាកម្មផ្នែកទីអវកាសរបស់វៀតណាម»៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/19/14-19-05-2016--10-51-44.jpg"><img src="/FileManager/Articles/mce/2016/5/19/14-19-05-2016--10-51-44.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>