<div class="article-content">
<p><strong>ព្រៃវែង</strong> ៖ ជនជាតិស៊ីរី ៧នាក់ ក្នុងនោះ ក្មេងប្រុសស្រី អាយុជាង១ឆ្នាំ បានស្លាប់បាត់ ខ្លួន និងជួយ<br />ស្រង់បានម្នាក់ ក្រោយពីពួកគេ បានជួបគ្រោះថ្នាក់ចរាចរ ដោយខ្លួនឯង បន្ទាប់ពីបើករថយន្ដធ្លាក់<br />ផ្លូវក្រឡាប់ចូលទឹកបឹងស្នេហ៍ នៅព្រឹកថ្ងៃទី៣០ ខែកញ្ញា ឆ្នាំ ២០១៣ ដែលមានទីតាំងស្ថិតនៅ ក្នុង<br />ឃុំ ធាយ ស្រុកបាភ្នំ ខេត្ដព្រៃវែង នៅពេលដែល ជនរងគ្រោះទាំង៧នាក់ធ្វើដំណើរមកកាន់ ប្រទេស<br />កម្ពុជា ប៉ុន្ដែមិនដឹងថា មកក្នុងនាមជា ភ្ញៀវទេសចរ ឬមួយអ្នករកស៊ីនោះឡើយ។</p>
<p>គ្រោះថ្នាក់ចរាចរដោយខ្លួនឯង ដែលបាន ផ្ដាច់ជីវិតជនជាតិ នៅតំបន់មជ្ឈឹមបូព៌ា៤នាក់ បាត់ខ្លួនពីរ<br />នាក់និងស្រង់បានម្នាក់ខាងលើនេះ សមត្ថកិច្ចដែលចុះទៅជួយអន្ដរាគមន៍នៅ កន្លែងកើតហេតុ ពិត<br />ជាមានការលំបាក ក្នុង ការសួរនាំពីដំណើររឿង ព្រោះតែជនរងគ្រោះ ដែលនៅរស់នៅមិនចង់ភាសា<br />អង់គ្លេស ពោល ចេះតែភាសាកំណើតរបស់ខ្លួនតែប៉ុណ្ណោះ ប៉ុន្ដែ រូបគេបានចង្អុលទៅលើផែនទី ថា<br />ជាប្រទេស កំណើតរបស់ខ្លួន ។</p>
<p>ជុំវិញគ្រោះថ្នាក់ចរាចរសម្លាប់ជនជាតិ បរទេសខាងលើនេះ ស្នងការនគរបាលខេត្ដ ព្រៃវែង លោក<br />ឧត្ដមសេនីយ៍ត្រី វ៉ាន់ សារឿន ដែលដឹកនាំកម្លាំងនគរបាលចុះទៅកាន់កន្លែង កើតហេតុភ្លាមៗ បាន<br />ប្រាប់មជ្ឈមណ្ឌលព័ត៌ មានដើមអម្ពិលតាមទូរស័ព្ទថា គិតត្រឹមវេលា ម៉ោង១០និង៥០នាទី សពជន<br />រងគ្រោះចំនួន ៤នាក់ ក្នុងនោះស្រីពីរនាក់ និងក្មេងប្រុស អាយុជាង១ឆ្នាំពីរនាក់ ត្រូវបានរកឃើញ <br />ហើយបុរសម្នាក់ អាយុជាង៣០ឆ្នាំ បានរួច ផុតពីសេចក្ដីស្លាប់ ខណៈដែលជនរងគ្រោះ ពីរនាក់ផ្សេង<br />ទៀត បាននឹងកំពុងបាត់ខ្លួន ក្នុងនោះមានអ្នកបើកបរផងដែរ ។</p>
<p>លោកឧត្ដមសេនីយ៍ត្រី វ៉ាន់ សារឿន បានបញ្ជាក់ថា សមត្ថកិច្ចរបស់លោក ពិតជា មានការលំបាក<br /> ក្នុងការសួរនាំពីដំណើររឿង ដោយសារតែបុរសដែលត្រូវបានរួចផុតពី សេចក្ដីស្លាប់ ពុំចេះនិយាយ<br />ភាសាអង់គ្លេស ហើយនៅពេលដែលលោក ឱ្យរូបគេអង្អុល ប្រទេសរបស់ខ្លួន នៅលើផែនទី ទើប<br />ដឹងថា ពួកគេទាំង៧នាក់ គឺជាជនជាតិស៊ីរី ។</p>
<p>ស្នងការនគរបាលខេត្ដព្រៃវែង បានបន្ដ ថា មុនពេលកើតហេតុ ជនរងគ្រោះទាំង៧ នាក់ បានបើក<br />រថយន្ដឆ្លាម ពណ៌ស មួយ គ្រឿង ស្រាប់តែដល់ចំណុចបឹងស្នេហ៍ក៏រេ ចង្កូតធ្លាក់ផ្លូវ ហើយក្រឡាប់<br />ចូលទៅក្នុងទឹក បណ្ដាលឱ្យស្លាប់ និងបាត់ខ្លួនយ៉ាងដូច្នេះ ។</p>
<p>យ៉ាងណាក៏ដោយ សម្រាប់ជនរងគ្រោះ ដែលបាននឹងកំពុងបាត់ខ្លួន ត្រូវបានកម្លាំង សមត្ថកិច្ចនិង<br />អាជ្ញាធរ ដែលចុះទៅជួយអន្ដរា គមន៍ កំពុងរាវរក ប៉ុន្ដែមិនទាន់ឃើញជនរង គ្រោះនៅឡើយទេ ។</p>
<p>សម្រាប់ជនរងគ្រោះទាំង៧នាក់ សមត្ថ កិច្ចមិនទាន់អាចបញ្ជាក់ពីដំណើររឿងនិង ប្រវត្ដិរបស់ពួកគេ<br /> ដែលចូលមកប្រទេស កម្ពុជា នៅឡើយ ដោយសារតែគ្មាននរណា ម្នាក់អាចនិយាយភាសាស៊ីរី ជា<br />មួយជនរង គ្រោះ ពោលការសួរនាំដឹងពីចំនួនមនុស្ស ជិះ នៅក្នុងរថយន្ដនោះ តាមរយៈការធ្វើកាយ<br /> វិការតែប៉ុណ្ណោះ ។</p>
<p>គួរបញ្ជាក់ថា ក្រោយពីមានសង្គ្រាមស៊ីវិល នៅក្នុងប្រទេសស៊ីរីអស់រយៈពេលជាង២ឆ្នាំ បានធ្វើឱ្យ<br />ប្រជាពលរដ្ឋ នៅក្នុងប្រទេសតំបន់ មជ្ឈឹមបូព៌ាមួយនេះ បានភៀសខ្លួនសុំសិទ្ធិ ជ្រកកោណ នៅប្រ<br />ទេសក្បែរខាង ក៏ដូចជា ប្រទេសមួយចំនួនទៀត នៅក្នុងពិភពលោក ប៉ុន្ដែសម្រាប់ជនរងគ្រោះទាំង<br />៧នាក់នេះ គេ មិនទាន់ដឹងថា តើពួកគេមកប្រទេសកម្ពុជា ក្នុងនាមជាភ្ញៀវទេសចរ ឬមួយអ្នករកស៊ី <br />ឡើយ ដោយរង់ចាំការទាក់ទងទៅមន្ដ្រីស្ថាន ទូតនិងស្ថាប័នពាក់ព័ន្ធ ជាមុនសិន ៕</p>
<p><a href="/News/Detail/96172/battery-iphone-5-is-better-than-iphone-5c"><span style="color: #0000ff;">- ថ្ម iPhone 5 នៅតែល្អជាងថ្មរបស់ iPhone 5C ដែលជាម៉ូដែលថ្មី ទៅទៀត</span></a><a href="/News/Detail/26015/video-measuring-processing-speed%E2%80%8B-8-versions-of-iphone"><span style="color: #0000ff;"><br />- វីដេអូ៖ វាស់ប្រៀបធៀប ល្បឿនដំណើរការនៃ CPU របស់ iPhone ទាំង ៨ ម៉ូដែល</span></a><strong></strong><a href="/News/Detail/87214/sok-pisey-06"><span style="color: #0000ff;"><br />- អីយ៉ា! សុខ ពិសី ក្លាយជាតារាបង្ហាញម៉ូត សម្លៀកបំពាក់ តាំងពីពេលណា?</span></a></p>
<p style="text-align: center;"><img src="http://image.dap-news.com:81/dap-news/dap-images/2013/September/id-009/ST-120.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-009/ST-121.jpg" alt="" width="550" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
<p style="text-align: center;"> </p>
</div>