<p><span style="color: #000000;"><strong>(ភ្នំពេញ)៖</strong> បុរសពីរនាក់បានរងរបួស ក្រោយបាញ់តដៃគ្នា ដោយសារភាគីម្ខាងខឹងនឹងភាគីម្ខាងទៀត ប្រើពាក្យសំដីលេបខាយ ដាក់ប្រពន្ធរបស់ខ្លួន ហើយបង្កជាជម្លោះរហូតផ្ទុះអាវុធតែម្តង។</span></p>
<p><span style="color: #000000;">ហើយហេតុការណ៍បាញ់ប្រហារគ្នាខាងលើនេះ បានកើតឡើងនៅចំណុចប្លុកតាន់ប៉ា ផ្លូវលេខ១៥៤ កែង៤៩ សង្កាត់ផ្សារថ្មីទី៣ ខណ្ឌដូនពេញ នៅម៉ោង២៣៖២០នាទីយប់ ថ្ងៃទី២៤ ខែមករា ឆ្នាំ២០១៦។</span></p>
<p><span style="color: #000000;">មន្ត្រីកងរាជអាវុធហត្ថ ដែលបានចុះទៅដល់ចំណុច កើតហេតុភ្លាមៗបានប្រាប់ថា មុនមានករណីបាញ់ប្រហារគ្នាបណ្តាលឲ្យ រងរបួសទាំងសងខាងនេះ គឺកើតឡើងបណ្តាលមកពីបុរសឈ្មោះ អ៊ុំ រិទ្ធី ដែលរងរបួសត្រង់ដៃខាងឆ្វេង នោះបានប្រើពាក្យសំដីមិនសមរម្យ គឺលេបខាយទៅកាន់ប្រពន្ធបុរសម្នាក់ទៀតឈ្មោះ សា។</span></p>
<p><span style="color: #000000;">បន្ទាប់មកបុរសជាប្តី របស់ស្ត្រីដែលឈ្មោះ សា ក៏បានឈ្លោះប្រកែកគ្នាជាមួយ អ៊ុំ រិទ្ធី ធ្វើឲ្យ អ៊ុំ រិទ្ធី ខឹងបានដកកាំភ្លើងខ្លីភ្ជង់ ពេលនោះប្តីស្រ្តីរងគ្រោះក៏បានដកកាំភ្លើងភ្ជង់វិញដែរ ធ្វើឲ្យបុរសទាំងពីរបាញ់គ្នាទៅវិញទៅមក បណ្តាលឲ្យរងរបួសទាំងសងខាង ជាលទ្ធផលបុរសជាប្តីរបស់ស្ត្រីរងការលេបខាយនោះ ត្រូវរងរបួសត្រង់ជើងមួយគ្រាប់ បានរត់គេចខ្លួនបាត់ ចំណែកឯបុរសដែលបុរសដែលលេបខាយដាក់ប្រពន្ធរបស់គេ គឺរងរបួសត្រង់ដៃខាងឆ្វេង ហើយត្រូវបានមិត្តភក្តិដឹកយកទៅសង្គ្រោះនៅមន្ទីរពេទ្យ១៧៩។ ដោយឡែកមិត្តភក្តិរបស់បុរសរងរបួសម្នាក់ទៀត ឈ្មោះ ជ័យ រិទ្ធា ត្រូវបានកម្លាំងកងរាជអាវុធហត្ថ ឃាត់ខ្លួនយកទៅកាន់ទីបញ្ជារការដ្ឋាន កងរាជអាវុធហត្ថដូនពេញ ពីបទរក្សាអាវុធទុកឲ្យជនបង្ក ហើយក្នុងការឃាត់ខ្លួននោះ គឺកម្លាំងអាវុធហត្ថបានដកហូត កាំភ្លើងខ្លី មួយដើមម៉ាក Beretta និងរថយន្ត កូរ៉ឡាមួយគ្រឿងផងដែរ៕</span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xpl1/v/t1.0-9/9143_1549870731993959_5969179605747620944_n.jpg?oh=8ada7095384cf1adde3bc97a7b468974&oe=5733DB98" alt="" width="730" /></span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xla1/v/t1.0-9/12512809_1549870741993958_8415586338138229057_n.jpg?oh=e872cbef72a8f3d7aade39cb514c5541&oe=57309BF5" alt="" width="730" /></span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xap1/v/t1.0-9/8143_1549870758660623_2188176585268921795_n.jpg?oh=fa9ad342d9875f208d75ca7207dbce12&oe=572D6E52" alt="" width="730" /></span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xfl1/v/t1.0-9/12631380_1549870778660621_8010754939823039010_n.jpg?oh=b6992210786047a6959113bd5fd13ab3&oe=57397A0D" alt="" width="730" /></span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xft1/v/t1.0-9/12552908_1549870818660617_5418810832269927628_n.jpg?oh=22818d79ce069fc61b91d6cddf3b7892&oe=57374C2D" alt="" width="730" /></span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xlp1/v/t1.0-9/12631294_1549870851993947_6531332696812832061_n.jpg?oh=e8f946de12ab4399a73b44f2757aaf81&oe=56FDAB9E" alt="" width="730" /></span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xpf1/v/t1.0-9/12540908_1549870828660616_7123964115077001567_n.jpg?oh=026a9d2d0ae8583962fda0657902b7b1&oe=5739775E" alt="" width="730" /></span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xlf1/v/t1.0-9/12573041_1549870878660611_2015201892471041963_n.jpg?oh=d381243d53a36556e91a2ce828c2bcb8&oe=5701421C" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>