<p><span style="color: #000000;"><strong>(សៀមរាប)៖ </strong>គម្រោងសាងសង់ស្ពានឆ្លងកាត់ ស្ទឹងប្រវត្តិសាស្ត្រ សៀមរាបពីរ របស់ក្រសួងសាធារណការ និងដឹកជញ្ជូន ត្រូវបានរៀបចំ បើកការដ្ឋានសាងសង់ នៅព្រឹកថ្ងៃទី០២ ខែកញ្ញា ឆ្នាំ២០១៦ ដោយមានការចូលរួមពី លោក ឃឹម ប៊ុនសុង អភិបាលខេត្ត លោក ឈឹម ម៉ា អ្នកតំណាងរាស្ត្រ មណ្ឌលសៀមរាប រួមទាំងមន្ត្រីរាជការ និងអាជ្ញាធរក្រុងផងដែរ។</span></p>
<p><span style="color: #000000;">លោក គឹម ប៉ុណ្ណា ប្រធានមន្ទីរសាធារណការ និងដឹកជញ្ជូនខេត្ត បានឲ្យដឹងថា ការសាងសង់ស្ពាននេះ ជាគម្រោងរបស់ក្រសួង សាធារណការ ផ្តល់ឲ្យខេត្តសៀមរាប មានស្ពានចំនួនពីរ ឆ្លងកាត់ស្ទឹង សៀមរាប ដែលស្ថាបនាសាងសង់ដោយក្រុមវិស្វកម្មនៃមន្ទីរ សាធារណការខេត្ត ហើយថ្ងៃនេះត្រូវបាន ចាប់ដំណើរការសាងសង់ស្ពានភ្លោះ ស្របជាប់នឹងស្ពានព្រះរាជដំណាក់ដែលមានបណ្តោយ ប្រវែង៤៦ម៉ែត្រ ទទឹង៨,២០ម៉ែត្រ ដោយមានផ្លូវរថយន្តរត់ឆ្លងកាត់ ប្រវែង៦,៨០ម៉ែត្រ ដែលមានរយៈពេលសាងសង់៧ខែ ទើបបានរួចរាល់។ </span><br /><span style="color: #000000;">លោកក៏បានបញ្ជាក់ដែរថា ការសាងសង់ស្ពាននេះ គឺធ្វើទៅតាមបច្ចេកទេស បទដ្ឋាននៃសំណង់ ដើមី្បការពារកុំឲ្យមានការប៉ះពាល់នៃគ្រឹះ សំណង់ស្ពានចាស់ ដែលមានអាយុកាលជិតមួយសតវត្សមកហើយ ព្រមទាំងបានធ្វើកិច្ចសហការ ជាមួយបណ្តាស្ថាប័ន ដែលពាក់ព័ន្ធ នៅពេលធ្វើការរៀបចំជីកកកាយ ចាក់គ្រឹះសសរស្ពាន កុំឲ្យមានការប៉ះពាលប្រព័ន្ធទឹកស្អាត បណ្តាញអគ្គិសនី និង ខ្សែអ៊ុបទិចជាដើម។</span></p>
<p><span style="color: #000000;">ជាមួយគ្នានេះដែរ លោក ឃឹម ប៊ុនសុង បានឲ្យដឹងថា នេះជាសមទ្ធិផលថ្មីមួយទៀត នៅលើទឹកដីប្រវត្តិសាស្ត្រសៀមរាប ក្នុងការលើកនូវ សោភណ្ឌភាពក្រុងផង និងសម្រួលដល់ចរាចរណ៍នៅក្នុងក្រុង ក្នុងការបញ្ជៀសការកកស្ទះចរាចរណ៍ និងកាត់បន្ថយការគ្រោះថ្នាក់ ចរាចរណ៍ទៀតផង ហើយឆ្នាំនេះគម្រោងក្រសួងសាធារណការ បានផ្តល់ឲ្យខេត្តសៀមរាប នៅស្ពាន់ចំនួនពីរ ឆ្លងកាត់ស្ទឹងសៀមរាប ទីមួយសាងសង់នៅជាប់នឹងស្ពានថ្ម ព្រះរាជដំណាក់ និងមួយទៀតនៅស្ពានវត្តពោធិ៍លង្កា។</span></p>
<p><span style="color: #000000;">លោកអភិបាលខេត្ត ក៏បានបញ្ជាក់ថា<strong> «ដោយខេត្តយើងបានធ្វើការពង្រីកផ្លូវបានធំទូលាយហើយនោះ ទើបយើងត្រូវធ្វើការសាងសង់ ស្ពានថ្មថ្មី ជាប់នឹងស្ពានថ្មចាស់ ក្នុងការកាត់បន្ថយនូវចរាចរណ៍ដែលបានឆ្លងកាត់ លើស្ពានថ្មព្រះរាជដំណាក់នេះ នៅពេលដែលការ សាងសង់ស្ពាននេះរួចរាល់ហើយនោះ អាជ្ញាធរខេត្ត ត្រូវធ្វើការពង្រីកផ្លូវ សម្រាប់ផ្លូវឯកទិសឆ្ពោះ ទៅផ្លូវកូម៉ៃនៃសណ្ឋាគារសុខាអង្គរ ព្រមទាំងធ្វើការពង្រីក ផ្លូវមួយខ្សែស្រប តាមមាត់ស្ទឹងខាងលិចទៀតផង»</strong>។</span></p>
<p><span style="color: #000000;">ម៉្យាងទៀតការធ្វើចរាចរណ៍ពីផ្លូវអាកាសយានដ្ឋានអន្តរជាតិសៀមរាបឆ្លងកាត់ មុខព្រះរាជដំណាក់ គឺត្រូវឆ្ពោះត្រង់ឆ្លងកាត់ស្ពានថ្មចាស់ ហើយការធ្វើចរាចរណ៍ ពីផ្សារលើមកលិចវិញ គឺត្រូវធ្វើចរាចរណ៍ឆ្លងកាត់ស្ពានថ្មថ្មី ធ្វើដំណើរតាមផ្លូវមុខមហាវិថី សណ្ឋាគារឆ្ពោះទៅផ្លូវកូម៉ៃ នៃសណ្ឋាគារសុខាអង្គរ។ លោក បន្ថែមថា <strong>«បើសិនជាយើងនៅតែមានស្ពានរបៀបនេះតទៅទៀត ការធ្វើចរាចរណ៍ឆ្លងកាត់ទីនេះនៅតែមានភាពកកស្ទះ ដោយពីមួយថ្ងៃ ទៅមួយថ្ងៃ កំណើនយានយន្តគ្រប់ប្រភេទ មានការកើនឡើង ហើយស្ពានថ្មីនេះ ត្រូវសាងសង់រួចរាល់ នៅមុនបុណ្យអង្គរសង្រ្កាន្ត ឆ្នាំ២០១៧ផងដែរ»</strong>។</span></p>
<p><span style="color: #000000;">ជាងនេះទៅទៀត លោកអភិបាលខេត្តសៀមរាប ក៏បានធ្វើការណែនាំ និងផ្តាំផ្ញើដល់ក្រុមការងារសាងសង់ ត្រូវធ្វើយ៉ាងណាឲ្យបាន ត្រឹមត្រូវទៅតាមស្តង់ដា បច្ចេកទេសសំណង់ ក្នុងការធានានូវគុណភាពប្រើប្រាស់ឲ្យបានយូរអង្វែង សំខាន់ធ្វើការសម្រួលដល់ទីតាំងក្នុង ការប្រណាំងទូករបស់ប្រជាពលរដ្ឋ នៅពេលខាងមុខ ពីព្រោះថាប្រពៃណីបុណ្យអុំទូកនេះ បានកំពុងទាក់ទាញអារម្មណ៍ភ្ញៀវទេសចរណ៍ ចូលមកទស្សនាកម្សាន្ត នៅលើទឹកដីប្រវត្តិសាស្ត្រផងដែរ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14183968_322038671461975_2809415037035262008_n.jpg?oh=0d3d062f59afd4f62ee2b4d707330d8a&oe=585682F7" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14224867_322038521461990_2360956276674258333_n.jpg?oh=5d6fd5dca89f67ea1a14becb47f0f6a8&oe=584BF3C3" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14222099_322038458128663_3124124334029877913_n.jpg?oh=ab0994ccfc91ee7fd012d87bc22798f2&oe=5855D45E" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14142034_322038524795323_44073265578869462_n.jpg?oh=8f20f22dd98b8f33e4408bab06494ec8&oe=5883A0CB" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14079957_322038538128655_2332985929924938945_n.jpg?oh=ae8b4aca081b35dd63bb664069293f83&oe=587E81E8" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14192008_322038758128633_8484272450902530431_n.jpg?oh=b625c577e517d6093eebcd460f43f457&oe=584393A7" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>