<p><span style="color: #000000;"><strong>(ភ្នំពេញ)៖</strong> លោក Michael Lambert នាយកផ្នែកក្រដាសប្រាក់ធនាគារក្នុងក្រុមប្រឹក្សាភិបាល នៃប្រព័ន្ធរូបិយវត្ថុបំរុងរបស់សហរដ្ឋអាមេរិក នឹងធ្វើទស្សនកិច្ចនៅកម្ពុជា នៅថ្ងៃទី៩-១០ ខែឧសភា ឆ្នាំ២០១៦ ខាងមុខនេះ ដើម្បីផ្សព្វផ្សាយពន្យល់អំពីលក្ខណៈខុសគ្នារវាងលុយ ដុល្លារពិត និងលុយដុល្លារក្លែងក្លាយ។</span></p>
<p><span style="color: #000000;">តាមសេចក្តីប្រកាសរបស់ស្ថានទូតអាមេរិកនៅកម្ពុជា បានឱ្យដឹងថា លោក Lambert នឹងបទបង្ហាញអំពីរឿងនេះ ទៅកាន់អ្នកសារព័ត៌មាន នៅថ្ងៃអង្គារទី១០ ខែឧសភា វេលាម៉ោង ៩:០០ព្រឹកនៅស្ថានទូតអាមេរិកក្នុងរាជធានីភ្នំពេញ។</span></p>
<p><span style="color: #000000;">សេចក្តីប្រកាសបានបញ្ជាក់ថា <strong>«នៅពេលបច្ចុប្បន្ននេះមានរូបិយវត្ថុអាមេរិក ចំនួន ១,៤លានលានដុល្លារកំពុងធ្វើចរាចរ ហើយក្រុមប្រឹក្សាភិបាលរូប៉ិយវត្ថុ បំរុងសហព័ន្ធប៉ាន់ប្រមាណឃើញថា ក្នុងចំនួនចន្លោះពីពាក់កណ្តាលទៅ ២ភាគ ៣នៃតំលៃរូបិយវត្ថុទាំងអស់របស់ សហរដ្ឋអាមេរិក ធ្វើចរាចរនៅក្រៅសហរដ្ឋអាមេរិក»</strong>។</span></p>
<p><span style="color: #000000;">សេចក្តីប្រកាសក៏បានបញ្ជាក់ទៀតថា «ដើម្បីធានាថាអ្នកប្រើប្រាស់និងក្រុមហ៊ុននៅជុំវិញពិភពលោកដឹងវិធីសំគាល់ប្រាក់ដុល្លារពិតប្រាកដ ហើយរាយការណ៍ពីប្រាក់ដុល្លារដែលសង្ស័យថាក្លែងក្លាយ កម្មវិធីអប់រំស្តីពីរូប៉ិយវត្ថុសហរដ្ឋអាមេរិក របស់ក្រុមប្រឹក្សាភិបាលសហព័ន្ធ ស្តីពីរូបិយវត្ថុបំរុងធ្វើការចុះអប់រំជាអន្តរជាតិ។ ចំពោះព័ត៌មានបន្ថែមស្តីពីកម្មវិធីអប់រំស្តីពីរូប៉ិយវត្ថុ សហរដ្ឋអាមេរិកសូមចូលមើលគេហទំព័រ<a href="https://uscurrency.gov/"><span style="color: #000000;">https://uscurrency.gov/</span></a>»។</span></p>
<p><span style="color: #000000;">សម្រាប់អ្នកសារព័ត៌មានដែលមានបំណងចូលរួមនៅក្នុងពិធីបទបង្ហាញនេះនេះ ត្រូវចុះឈ្មោះជាមួយផ្នែកកិច្ចការសាធារណៈរបស់ស្ថានទូត អាមេរិកតាមទូរស័ព្ទលេខ ០២៣ ៧២៨ ២៥៨ ឬផ្ញើអ៊ីម៉េលមក <a href="mailto:Chreav@state.gov"><span style="color: #000000;">Chreav@state.gov</span></a> ត្រឹមថ្ងៃចន្ទទី ៩ ខែឧសភាវេលាម៉ោង ១០ព្រឹក៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/5/doll-05-05-2016--13-21-06.png"><img src="/FileManager/Articles/mce/2016/5/5/doll-05-05-2016--13-21-06.png" alt="" /></a></span></p>
<p><br /><a class="thickbox" title="" href="/FileManager/Commons/2016/5/5/sfds-05-05-2016--13-21-19.png"><img src="/FileManager/Articles/mce/2016/5/5/sfds-05-05-2016--13-21-19.png" alt="" /></a><span style="color: #000000;"><a class="thickbox" title="" href="/FileManager/Commons/2016/5/5/doll-05-05-2016--13-21-06.png"></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>