<div class="article-content">
<p><strong>ភ្នំពេញ ៖</strong> អ្នកបើករថយន្ដប្រភេទស្ព័រ ពណ៌ស ១គ្រឿង បានបង្កគ្រោះថ្នាក់ចរាចរបុករះរថយន្ដចំនួន<br /> ២ គ្រឿង និងបើកប្រុង បុកអ្នកកាសែត ដែលកំពុងឈរថតរូបនៅ ពីមុខរថយន្ដរបស់ខ្លួន ព្រមទាំង<br />ប្រជាពល រដ្ឋ ដែលកំពុងធ្វើដំណើរតាមម៉ូតូធ្វើឱ្យម្នាក់ៗ ភ័យព្រលឹងចុងសក់ ហើយផ្ដួលម៉ូតូចោល<br /> រត់គេចខ្លួនទៀត ផង ដោយសារតែខ្លាច គ្រោះថ្នាក់ដល់អាយុជីវិតរបស់ខ្លួន ។</p>
<p>គ្រោះថ្នាក់ចរាចរបុករះរថយន្ដ និងមាន បំណងបុកប្រជាពលរដ្ឋ ដែលកំពុងធ្វើដំណើរ តាមម៉ូតូព្រម<br />ទាំងអ្នក កាសែតខាងលើនេះ បង្កឡើងដោយអ្នកបើករថយន្ដស្ព័រ ពណ៌ស ១គ្រឿង ពាក់ស្លាកលេខ<br />ភ្នំពេញ 2Y-2233 ពោរពេញដោយគ្រឿងស្រវឹងក្នុងខ្លួន អម ដំណើរដោយនារីម្នាក់ ដែលគេអះអាង<br />ថា ជាស្រីស្នេហ៍របស់ខ្លួន ។</p>
<p>គ្រោះថ្នាក់ចរាចរ ផ្ដើមចេញដោយគ្រឿង ស្រវឹងហើយគំរាមសមត្ថកិច្ចទាំងនគរបាល និងអាវុធហត្ថ<br /> ពេលចុះទៅជួយអន្ដរាគមន៍ នៅកន្លែងកើតហេតុនោះ បានកើតឡើង កាលពីវេលាម៉ោងប្រមាណ <br />១០យប់ថ្ងៃទី ០៤ ខែសីហា ឆ្នាំ២០១៣ ស្ថិតនៅមុខអតីត រោងកុនគីរីរម្យ តាមបណ្ដោយផ្លូវព្រះសី<br />ហនុ ក្នុងសង្កាត់បឹងកេងកងទី២ ខណ្ឌចំការមន ហើយគ្រោះថ្នាក់ចរាចរនេះត្រូវបានប្រជាពលរដ្ឋ<br />ជាច្រើននាក់រិះគន់ចំៗ នូវទង្វើ ដ៏ថោកទាប របស់អ្នកបើករថយន្ដ ដែលគេមិនស្គាល់អត្ដសញ្ញាណ <br />ប៉ុន្ដែ ជាកូនអ្នកមានទ្រព្យសម្បត្ដិ និង មានអំណាចម្នាក់ ដោយបានប្រើអំណាចរបស់ខ្លួន និងលុយ<br />កាក់ទៅគំរាមសមត្ថកិច្ច ដែលមកជួយអន្ដរាគមន៍ទៀតផង ។</p>
<p>យោងតាមសេចក្ដីរាយការណ៍ពីសាក្សី ដែលបានចោមរោមមើលគ្រោះថ្នាក់ចរាចរខាងលើនេះ បាន<br />ឱ្យដឹងថា នៅវេលាម៉ោងកើតហេតុខាងលើ អ្នកបើករថយន្ដរូបនេះ រួមជាមួយស្រីស្នេហ៍របស់ខ្លួនប្រ<br />ហែលទើប ចេញពីក្លឹបរាំលេងកំសាន្ដ បានបើករថយន្ដ តាមបណ្ដោយផ្លូវព្រះសីហនុ ក្នុងល្បឿន<br />យ៉ាងលឿន រេពេញផ្លូវ លុះដល់ចំណុចកើត ហេតុ បានជ្រុលទៅបុករថយន្ដកាមរីបាឡែន ១គ្រឿង<br /> ពាក់ស្លាកលេខភ្នំពេញ 2U-2255 ដែលកំពុងធ្វើដំណើរ តាមបណ្ដោយផ្លូវព្រះ សីហនុ ក្នុងទិសដៅ<br />ពីលិចទៅកើត ។សាក្សី បានបន្ដថា ភ្លាមៗនោះអ្នកបើករថយន្ដដែល ពោរពេញដោយអាការៈស្រវឹង<br /> បានថយ រថយន្ដយ៉ាងលឿនក៏ជ្រុលទៅបុករថយន្ដលុច្សស៊ីស RX300 ពណ៌ខ្មៅ ពាក់ស្លាកលេខ <br />ភ្នំពេញ 2S-4918 បណ្ដាលឱ្យរថយន្ដរងគ្រោះទាំង ២គ្រឿងរងការខូចខាតយ៉ាងធ្ងន់ធ្ងរ ។ <br /><br />ក្រោយពីបង្កគ្រោះថ្នាក់ខាងលើនេះអ្នកបើករថយន្ដដែលអាងសិទ្ធិអំណាចរបស់ខ្លួននោះ មិនបាន<br />ឈប់រថយន្ដដោះស្រាយភ្លាមៗឡើយ ក៏បើករថយន្ដរត់ចេញពីកន្លែង កើតហេតុ ប៉ុន្ដែ ប្រមាណ៣០<br />នាទី ក្រោយមកគេបានឃើញជនបង្កគ្រោះថ្នាក់ចរាចរនេះ និងស្រីស្នេហ៍របស់ខ្លួនបានបើករថយន្ដ<br />ត្រឡប់មកដល់កន្លែងកើតហេតុវិញ ។</p>
<p>បើយោងតាមសាក្សី នៅពេលជនបង្ករូបនេះ បានធ្វើដំណើរមកដល់កន្លែងកើតហេតុវិញ រូបគេបាន<br />ស្ដីឱ្យ និងគំរាមសមត្ថកិច្ចទាំងអាវុធហត្ថ និងនគរបាលដោយសួរថា តើមកធ្វើអ្វីនៅកន្លែងកើតហេតុ<br />នេះ។ ក្រោយពីប្រើពាក្យសំដី និងអាប្បកិរិយាព្រហើនបែបនេះរួចជនបង្កបានឡើងទៅក្នុងរថយន្ដ <br />ហើយបើកចេញពីកន្លែងកើតហេតុយ៉ាងលឿនប្រមាណ ២០០ម៉ែត្រក៏បានឈប់។ពេលនោះដោយ<br />សារតែព័ត៌មាន បានឮទៅដល់ថ្នាក់លើក៏បានបញ្ជាឱ្យសមត្ថកិច្ចនៅកន្លែងកើតហេតុដេញឃាត់រថ<br />យន្ដ ប៉ុន្ដែ ពេលទៅដល់កន្លែងដែលរូបគេឈប់រថយន្ដនោះ រូបគេក៏បានស្ដីឱ្យសមត្ថកិច្ចបន្ថែមទៀត។</p>
<p>ប្រភពព័ត៌មានពីសាក្សី បានបន្ដថា ទំនង ជាម្ចាស់រថយន្ដជាកូនអ្នកធំទើបសមត្ថកិច្ច មិនបានឃាត់ខ្លួន<br /> និងសួរនាំឡើយ ពោលបានអនុញ្ញាតឱ្យរូបគេបើករថយន្ដចេញពីទី នោះដោយសុវត្ថិភាពតែម្ដង។ យ៉ាង<br />ណាក៏ ដោយ ក្រោយមានករណីនេះកើតឡើង និងមិនសុខចិត្ដពីសំណាក់ម្ចាស់រថយន្ដរងគ្រោះទាំង២<br />គ្រឿង គេឃើញមានតំណាងរបស់អ្នកបើករថយន្ដបង្កចេញមុខមកដោះស្រាយ និងធ្វើការសម្រប<br />សម្រួលនៅកន្លែងកើតហេតុនោះ ដើម្បីបញ្ចប់រឿងតែម្ដង ដោយមិនចាំបាច់រំខានដល់សមត្ថកិច្ចមូល<br />ដ្ឋាន ឬមួយនគរបាលចរាចរជើងគោកស្ទូចយករថយន្ដទៅដោះស្រាយបន្ដឡើយ ។ </p>
<p>ប្រជាពលរដ្ឋដែលចោមរោមមើលទិដ្ឋភាពគ្រោះថ្នាក់ចរាចរនេះបានរិះគន់នឹងភាពកំសោយ ពីចំណាត់<br />ការ របស់សមត្ថកិច្ចដែលចុះទៅជួយអន្ដរាគមន៍នៅកន្លែងកើតហេតុថា មិនមានហ៊ានឃាត់ខ្លួនម្ចាស់<br />រថយន្ដបង្ក ហើយថែមទាំងអនុញ្ញាតឱ្យជននេះមើលងាយនិង គំរាមកំហែងមកលើសមត្ថកិច្ចទៀតផង<br />ដូច្នេះរឿងរ៉ាវនេះគួរត្រូវបានស្នងការនគរបាល រាជធានីភ្នំពេញ លោកឧត្ដមសេនីយ៍ឯក ជួន សុវណ្ណ<br /> និងមេបញ្ជាការអាវុធហត្ថ រាជធានីភ្នំពេញលោកឧត្ដមសេនីយ៍ យ៉ា គឹមអ៊ី ធ្វើការស្រាវជ្រាវ និងពិនិត្យ<br />ឡើងវិញ បើពុំដូច្នោះទេជនបង្កខាងលើនៅពេលលើកក្រោយនឹងកាន់តែធ្វើខ្លាំងជាងនេះ ពីព្រោះសំ<br />អាងថា សមត្ថកិច្ចដែលទៅដោះស្រាយភ្លាមៗនៅកន្លែងកើតហេតុនោះមានឋានៈតូចជាងខ្លួន និងមាន<br />លុយតិចជាងខ្លួន ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0091.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0092.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0093.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0094.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0095.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>