<p><span style="color: #000000;"><strong>(ភ្នំពេញ)៖</strong> មុខសញ្ញាប្លន់ប្រដាប់អាវុធម្នាក់ តែងតែល្បួងនារីខារ៉ាអូខេ ទៅដេកផ្ទះសំណាក់ ហើយភ្ជង់ប្លន់យកគ្រឿងអលង្ការ និងសម្ភារៈ មានតម្លៃនោះ ត្រូវបានកម្លាំងនគរបាលខណ្ឌ៧មករា តាមបង្ក្រាប និងចាប់ខ្លួនបានហើយ ក្រោយពីជននេះទើបតែលួងនារីរងគ្រោះម្នាក់ ទៅប្លន់កាលពីប៉ុន្មានថ្ងៃមុននេះ។</span></p>
<p><span style="color: #000000;">ភ្នាក់ងារ Fresh News បានរាយការណ៍ថា មុនឈានដល់ការឃាត់ខ្លួននេះ គឺនៅវេលាម៉ោង១៖៥០នាទី យប់រំលងអាធ្រាត្រ ថ្ងៃទី១៧ ខែធ្នូ ឆ្នាំ២០១៥នេះ ជនសង្ស័យបានល្បូងយកនារីរងគ្រោះ ទៅដេកនៅផ្ទះសំណាក់ហើយ ធ្វើសកម្មភាពយកកាំភ្លើងប្លន់ទៅលើរូបនាង ហើយនាងបានប្រទះឃើញ ដោយចៃដន្យនៅចំណុចភោជនីយដ្ឋាន «ហ្សង់វីហ្សេរ » ស្ថិតក្នុងសង្កាត់បឹងកេងកងទី១ ខណ្ឌចំការមន ក៏រាយការណ៍ទៅសមត្ថកិច្ចចុះអន្តរាគមន៍ ឃាត់ខ្លួនបានភ្លាមៗ ដោយដកហូតម៉ូតូ Duke មួយគ្រឿង និងកាំភ្លើងខ្លីមិនស្គាល់ម៉ាក មួយដើម។</span></p>
<p><span style="color: #000000;">ជនសង្ស័យមិនត្រូវបានសមត្ថកិច្ចបញ្ចេញ អត្តសញ្ញាណឡើយ ដោយបច្ចុប្បន្នជនរូបនេះ និងវត្ថុតាង ត្រូវបានបញ្ចូនខ្លួនទៅកាន់អធិការដ្ឋាន នគរបាលខណ្ឌ៧មករា ដើម្បីត្រៀមកសាងសំណុំរឿង ចាត់ការទៅតាមផ្លូវច្បាប់។</span></p>
<p><span style="color: #000000;">សូមបញ្ជាក់ផងដែរថា នារីរងគ្រោះឈ្មោះ ស៊ុន សេរីសោភា អាយុ២៣ឆ្នាំ មុខរបរបម្រើការនៅហាង Karaoke ។ នារីរងគ្រោះបានរំលឹកថា កាលពីយប់ថ្ងៃទី១២ ខែធ្នូ ឆ្នាំ២០១៥ ជនសង្ស័យបានបបួលនាងទៅគេងផ្ទះសំណាក់ តែបែរជាមិនទៅផ្ទះសំណាក់ បែរឌុបនាងយកទៅប្លន់តែម្តង គឺនៅសង្កាត់ព្រែកតាសេក ខណ្ឌជ្រោយចង្វា ។</span></p>
<p><span style="color: #000000;">នាងបានបន្តទៀតថាសម្ភារៈ ដែលបាត់បង់រួមមានលុយ ខ្សែករ ចិញ្ចៀន នាឡិការ និងទូរសព្ទ័ដៃមួយគ្រឿង។ ជនល្មើសមានឈ្មោះ ចៀន ថារ៉ូថេត អាយុ៣១ឆ្នាំ មុខរបរមិនពិតប្រាកដ ហើយបច្ចុប្បន្ន ស្ថិតក្រោមការសួរនាំ នៅអធិការដ្ឋាននគរបាល ខណ្ឌ៧មករា ដើម្បីកសាងសំណុំរឿង បញ្ជូនទៅកាន់តុលាការ៕</span></p>
<p><a class="thickbox" title="" href="/FileManager/Commons/2015/12/17/12-17-2015-11-11-37-am-17-12-2015--11-18-22.png"><img src="/FileManager/Articles/mce/2015/12/17/12-17-2015-11-11-37-am-17-12-2015--11-18-22.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ហ្រ្វេសញ៉ូវអាស៊ី</span></p>