<p><span style="color: #000000;"><strong>(ក្រុងរីយ៉ូ)៖</strong> ក្នុងនាមជាម្ចាស់ផ្ទះព្រឹត្តិការណ៍កីឡា Rio Olympic Games 2016 ក្រុមអត្តពលិកប្រេស៊ីល ទើបតែឈ្នះមេដាយសរុបបាន ១១គ្រឿងនៅឡើយ គ្រាដែលអាមេរិក បន្តនាំមុខដាច់ដដែល មុនការប្រកួតនឹងបញ្ចប់នៅថ្ងៃទី២១ សីហាខាងមុខនេះហើយ។</span></p>
<p><span style="color: #000000;">យោងតាមគេហទំព័រ Rio 2016 បានបង្ហាញថា ប្រេស៊ីល បានកំពុងតែឈរនៅលេខ១៧ បណ្តោះអាសន្ន ក្នុងចំណោម ៧៩ប្រទេសដែលឈ្នះមេដាយនៅ Rio 2016 លើកទី៣១នេះ ដោយប្រេស៊ីល ឈ្នះមេដាយមាស បាន៣គ្រឿង ប្រាក់៤គ្រឿង និងសំរឹទ្ធបាន៤គ្រឿងដែរ។</span></p>
<p><span style="color: #000000;">ទន្ទឹមគ្នានោះ អាមេរិកនៅតែបន្តនាំមុខកំពូលតារាងដាច់ដដែល ដោយឈ្នះមេដាយសរុបរហូតដល់ ៩២គ្រឿង ក្នុងនោះមេដាយមាស៣០ ប្រាក់៣២ និងសំរឹទ្ធ៣២គ្រឿង ខណៈដែលអង់គ្លេស បន្តឈរនៅលេខ២ដដែល គិតត្រឹមថ្ងៃទី១៨ សីហានេះ។</span></p>
<p><span style="color: #000000;">សម្រាប់ព្រឹត្តិការណ៍ Rio Olympic Games 2016 ដែលបានចាប់ផ្តើមប្រកួតនៅថ្ងៃទី០៥ និងបញ្ចប់ទៅវិញថ្ងៃទី២១ ខែសីហា ឆ្នាំ២០១៦ ខាងមុខនេះហើយ ជាមួយកម្ពុជា នៅពុំទាន់ឈ្នះមេដាយ ១គ្រឿងនៅឡើយទេ ក្នុងចំណោមអត្តពលិក ៤រូបដែលបានបញ្ចប់ការប្រកួតហើយនោះ៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-18-09-57-27-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-18-09-57-28-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-18-09-57-28-2.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>