<p>ស្នាដៃរូបចម្លាក់ទាំងឡាយ ស្ដីអំពីមនុស្សធាត់ជ្រុល បានបង្កប់នូវខ្លឹមសារអប់រំ នឹងខ្លឹមសារអថ៌កំបាំងផ្សេងទៀត ដែលយើងគួរយកមកពិចារណា។<br /><br />វិចិត្រករ ជនជាតិចិនម្នាក់ ឈ្មោះ Mu Boyan បាននាំមកនូវបណ្ដារូបចម្លាក់ធំៗ ស្ដែងឡើងអំពីទិដ្ឋភាពបែបកំប្លែងរបស់មនុស្សធាត់ បញ្ចេញកាយវិការផ្សេងៗពីគ្នា ប្រកបដោយភាពរស់រវើក ចូលរួមព្រឹត្តិការណ៍តាំងពិពរណ៍មួយ។ <br /><br />ដូច្នេះ តើរូបចម្លាក់ទាំងអស់នេះ បាននាំមកនូវសារអ្វីខ្លះ ជូនដល់សាធារណជន ? តើភាពធាត់គឺជាអម្រែកធ្ងន់មួយរបស់សង្គម ឬវាគ្រាន់តែជាសិទ្ធិរបស់មនុស្សម្នាក់?<br /><br />សូមទស្សនារូបភាព និងព័ត៌មានខ្លះៗ ស្ដីអំពីសុខភាព ទាក់ទិននឹងមនុស្សធាត់ ៖</p>
<p style="text-align: center;"><a class="thickbox" title="" href="/FileManager/Commons/2013/9/24/big2-24-09-2013--15-16-16.jpg"><img src="/FileManager/Articles/mce/2013/9/24/big2-24-09-2013--15-16-16.jpg" alt="" /></a></p>
<p>អង្ការសុខភាពពិភពលោក បានផ្ដល់អត្ថន័យចំពោះភាពធាត់ថា ជាស្ថានភាពប្រមូលខ្លាញ់ច្រើនហួស និងមិនមានលក្ខណៈធម្មតា នៅលើផ្នែកមួយ ឬនៅទូទាំងរាងកាយ។</p>
<p style="text-align: center;"><a class="thickbox" title="" href="/FileManager/Commons/2013/9/24/big3-24-09-2013--15-16-54.jpg"><img src="/FileManager/Articles/mce/2013/9/24/big3-24-09-2013--15-16-54.jpg" alt="" /></a></p>
<p>អ្នកធាត់លើសទម្ងន់ ក្រៅពីផលវិបាកក្នុងការធ្វើចលនា ផ្លាស់ទី ពួកគេក៏ត្រូវប្រឈមនឹងជម្ងឺមួយចំនួន ដែលអាចគំរាមដល់អាយុជីវិត ដូចជាសម្ពាធឈាមខ្ពស់ដែលអាចនាំទៅរកជម្ងឺស្ទះសសៃឈាម ជម្ងឺទឹកនោមផ្អែម និងជម្ងែដ៏កាចសាហាវ គឺមហារីក។ល។</p>
<p style="text-align: center;"><a class="thickbox" title="" href="/FileManager/Commons/2013/9/24/big4-24-09-2013--15-17-55.jpg"><img src="/FileManager/Articles/mce/2013/9/24/big4-24-09-2013--15-17-55.jpg" alt="" /></a></p>
<p>នៅក្នុងបណ្ដាប្រទេសកំពុងអភិវឌ្ឍ ដូចកម្ពុជាជាដើម មនុស្សធាត់ហួស គឺកើតមានទន្ទឹមនឹងមនុស្សខ្វះជីវិតជាតិបំប៉ន ប៉ុន្ដែមនុស្សធាត់ហួស មានច្រើននៅតែក្នុងតំបន់ទីក្រុង ចំណែកមនុស្សស្គមខ្វះជីវជាតិ មានច្រើននៅជនបទ។</p>
<p style="text-align: center;"><a class="thickbox" title="" href="/FileManager/Commons/2013/9/24/big6-24-09-2013--15-18-57.jpg"><img src="/FileManager/Articles/mce/2013/9/24/big6-24-09-2013--15-18-57.jpg" alt="" /></a></p>
<p>អ្នកមានជម្ងឺធាត់ហួសពេក រហូតដល់ពិបាកក្នុងការគ្រប់គ្រងខ្លួនឯងបាន ប្រសិនមិនបង្កការលំបាកដល់សង្គម ក៏អាចជះឥទ្ធិពលមិនល្អ ឬជាអម្រែកមួយរបស់ក្រុមគ្រួសារពួកគេ។</p>
<p style="text-align: center;"><a class="thickbox" title="" href="/FileManager/Commons/2013/9/24/big7-24-09-2013--15-19-44.jpg"><img src="/FileManager/Articles/mce/2013/9/24/big7-24-09-2013--15-19-44.jpg" alt="" /></a></p>
<p>ដូច្នេះ ដើម្បីធ្វើឱ្យខ្លួនអាចចៀសវាងបាននូវជម្ងឺធាត់ អ្នកគួរតែសិក្សាស្វែងយល់ឱ្យបានស៊ីជម្រៅ អំពីមូលហេតុដែលនាំឱ្យរាងកាយលើសទម្ងន់ និងអនុវត្តតាមការណែនាំរបស់គ្រូពេទ្យ។</p>
<p style="text-align: right;"><br /><br />ដោយ ៖ តារា<br />ប្រភព ៖ Juxtapoz Magazine/k14<br /><br /></p>