<p>ប្រេស៊ីល ៖ ដោយយោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស<br />ស្កាយ ដែលទើបតែបានចេញផ្សាយកាលពីប៉ុន្មានមុននេះ អោយដឹងថា ស្រ្តីជាភរិយាម្នាក់<br />ត្រូវបានរកអោយឃើញថា ពិតជាមានសំណាងហួស ខណៈពេលដែលនាងត្រូវបានបាញ់<br />ស្នចូលទៅក្នុងមាត់ ដោយអចេតនា ពីសំណាក់ស្វាមីរបស់ខ្លួន។</p>
<p>លើសពីនេះ បើយោងតាមសម្តីមន្រ្តីផ្លូវការមកពីទីក្រុង Rio de Janeiro បានគូសបញ្ជាក់<br />អោយដឹងថា ករណីគ្រោះថ្នាក់ចៃដន្យ ដោយអចេនានេះ បានកើតឡើង ខណៈពេលដែល<br />ស្វាមីជនរងគ្រោះ បាននឹងកំពុងសម្អាតស្នមួយនេះស្រាប់តែវារាកៃនិងបាញ់ចំមាត់ភរិយា<br />របស់ខ្លួន ធ្លាយដល់បំពង់កតែម្តង។</p>
<p><a class="thickbox" title="" href="/FileManager/Commons/2013/5/9/9188855-1-1-942x530-09-05-2013--09-05-41.jpg"><img src="/FileManager/Articles/mce/2013/5/9/9188855-1-1-942x530-09-05-2013--09-05-41.jpg" alt="" width="434" height="243" /></a></p>
<p>ភ្លាមៗនោះ ស្រ្តីជាភរិយា វ័យ ២៨ ឆ្នាំ ឈ្មោះ Elisangela Borborema Rosa ត្រូវបាន<br />បញ្ជូនទៅកាន់មន្ទីរពេទ្យ ដើម្បីធ្វើការសង្គ្រោះបន្ទាន់ បន្ទាប់ពីមានការវះកាត់ពីសំណាក់<br />ក្រុមវេជ្ជបណ្ឌិត ស្រី្តជាភរិយារូបនោះ ត្រូវបានអះអាងថា បានរួចផុតពីគ្រោះថ្នាក់ ស្រប<br />ពេលដែល ក្រុមវេជ្ជបណ្ឌិតបានលើកឡើងថា បើសិនណាស្ននោះ មានជម្រៅជ្រៅជាង<br />នេះតែ ១ សង់ទីម៉ែត្រទៀតនោះ ស្ រ្តីរូបនេះពិតជាមិនមានឧកាសក្នុងការរស់រានមាន<br />ជីវិតនោះទេ នាងពិតជាសំណាងហួស។</p>
<p>យ៉ាងណាមិញ ប្រភពសារព័ត៌មានដដែលបន្ថែមថា អ្វីៗទាំងអស់ បានចង្អុលបង្ហាញថាវា<br />គឺជាគ្រោះថ្នាក់ចៃដន្យ តែទោះជាយ៉ាងណា ករណីនេះស្ថិតនៅក្រោមការតាមដានស៊ើប<br />អង្កេតនៅឡើយ ដោយពួកយើងមិនសង្ឃឹមថា ករណីនេះគឺជា អំពើមនុស្សឃាតនោះទេ<br /> ស្របពេលក្រុមការងារយើងខ្ញុំ ក៏កំពុងរង់ចាំចោទសួរជាសំនួរដល់ជនរងគ្រោះ ដើម្បី<br />ទទួលបានព័ត៌មានលម្អិត បន្ទាប់ពីនាងបានដឹងខ្លួន៕</p>
<p style="text-align: right;">ដោយ ៖ ពិសិដ្ឋ<br />ប្រភព ៖ ស្កាយ</p>