<p><span style="color: #000000;">LG ទើបតែបានធ្វើការបង្ហាញណែនាំស៊េរីស្មាតហ្វូនត្រកូល K ថ្មីរបស់ក្រុមហ៊ុន ដែលត្រូវបានចាត់ទុកថា ជា ស្មាតហ្វូនមានតម្លៃសមរម្យ ជាមួយនឹងការរចនាម៉ូតថ្មី។ គំរូស្មាតហ្វូនដំបូងនៃត្រកូល K នេះមាន ឈ្មោះថា K10 និង K7។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/1/5/1482887-05-01-2016--20-50-30.jpg"><img src="/FileManager/Articles/mce/2016/1/5/1482887-05-01-2016--20-50-30.jpg" alt="" /></a></span></p>
<p style="text-align: center;"><em>K10</em><span style="color: #000000;"><em><a class="thickbox" title="" href="/FileManager/Commons/2016/1/5/1482887-05-01-2016--20-50-30.jpg"></a></em><br /></span></p>
<p><span style="color: #000000;">យោងតាមគេហទំព័រ GSMarena ស្មាតហ្វូន K10 មានអេក្រង់ទំហំ 5.3 inch បង្ហាញភាពច្បាស់កំរិត HD មានថាមពលថ្ម 2300 mAh, ប្រើប្រព័ន្ធប្រតិបត្តិការ Android 5.1 Lollipop និងមានបីពណ៌គឺ ពណ៌ស ពណ៌មាស និងពណ៌ខៀវស្រអាប់។ សម្រាប់ព័ត៌មានលក្ខណៈសម្បត្តិនៅសល់ផ្សេងទៀត នឹងមាន លក្ខណៈខុស គ្នាអាស្រ័យទៅតាមទីផ្សារប្រទេសនីមួយៗ ជាមួយនឹងម៉ូដែលគាំទ្រ LTE ឬមានតែ 3G។</span></p>
<p><span style="color: #000000;">ម៉ូដែល LTE របស់ LG K10 នឹងមានកាមេរ៉ាក្រោយទំហំ 13MP ក្នុងពេលដែលម៉ូដែល 3G មានកាមេរ៉ា ទំហំតែ 8MP។ ចំណែកកាមេរ៉ាមុខវិញ ម៉ូដែល LTE មានទំហំ 8MP ម៉ូដែល 3G មានទំហំ 5MP។ ចំណែក RAM ក៏មានជម្រើសដែរគឺចាប់ពី 1GB, 1.5GB ឬ 2GB ក្នុងដែលពេលអង្គផ្ទុកទិន្នន័យគឺ 8GB ឬ 16GB។</span></p>
<p><span style="color: #000000;">សម្រាប់ Chip ដំណើការវិញ ក៏មានបួនជម្រើសផ្សេងគ្នាដែរ ក្នុងនោះម៉ូដែល LTE របស់ K10 មាន Chip ដំណើរការ Quad Core 1.2 GHz ឬ 1.3 GHz ឬក៏ Octa Core 1.14 GHz។ សម្រាប់ម៉ូដែល 3G របស់ ស្មាតហ្វូននេះ នឹងមាន Chip ដំណើការ Quad Core 1.3 GHz។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/1/5/1482884-05-01-2016--20-51-09.jpg"><img src="/FileManager/Articles/mce/2016/1/5/1482884-05-01-2016--20-51-09.jpg" alt="" /></a></span></p>
<p style="text-align: center;"><em>K7</em><span style="color: #000000;"><em><a class="thickbox" title="" href="/FileManager/Commons/2016/1/5/1482884-05-01-2016--20-51-09.jpg"></a></em><br /></span></p>
<p><span style="color: #000000;">និយាយពីស្មាតហ្វូន LG K7 វិញ វានឹងមានអេក្រង់ទំហំ 5 inch បង្ហាញភាពច្បាស់កំរិត 854x480 pixel, ថាមពលថ្ម 2125 mAh, កាមេរ៉ាមុខ 5 MP និងប្រព័ន្ធប្រតិបត្តិការ Android 5.1 Lollipop។ បណ្តាលក្ខណៈ សម្បត្តិផ្សេងទៀត ក៏ខុសគ្នាទៅតាមទីផ្សារប្រទេសនីមួយៗរវាងម៉ូដែល LTE ឬ 3G ដូចទៅនឹងស្មាតហ្វូន K10 ដែរ។</span></p>
<p><span style="color: #000000;">ម៉ូដែល LTE របស់ K7 នឹងបំពាក់ Chip Quad Core 1.1 GHz ក្នុងពេលម៉ូដែល 3G ប្រើប្រាស់ Chip Quad Core 1.3 GHz។ កាមេរ៉ាក្រោយមានទំហំ 8MP ឬ 5MP ទៅតាមទីផ្សារនីមួយៗ ហើយ RAM អាច 1.5GB ឬ 1GB ចំណែកអង្គផ្ទុកទិន្នន័យគឺ 8GB ឬ 16GB។ ម៉ូដែល LTE របស់ K7 មានតែមួយពណ៌ទេ គឺពណ៌ប្រផេះ ក្នុងនោះ ម៉ូដែល 3G មានបីពណ៌គឺ ពណ៌ស ពណ៌ខ្មៅ និងពណ៌មាស។</span></p>
<p><span style="color: #000000;">ស្មាតហ្វូនថ្មីនៃត្រកូល K របស់ LG សុទ្ធតែមានការរចនាម៉ូតរូបរាងថ្មី ជាមួយនឹងការរចនាម៉ូតរាងកោងៗ ផ្ទៃខាងមុខភ្លឺរលោង ផ្តោតទៅលើអតិថិជនជាយុវវ័យ។ ស្មាតហ្វូនថ្មីទាំងពីរម៉ូដែលនេះ មានអេក្រង់កោង 2.5D និងត្រូវបានបង្ហាញណែនាំនៅក្នុងព្រឹត្តិការណ៍ CES 2016។ សម្រាប់តម្លៃលក់ និងថ្ងៃចេញដាក់ លក់ជាក់ស្តែង នៅមិនបានបង្ហើបឲ្យដឹងនៅឡើយទេ៕</span></p>
<p> </p>
<p style="text-align: right;">ប្រែសម្រួល៖ មង្គល<br /> ប្រភព៖ <em>GSMArena, Vreview</em></p>