<p><span style="color: #000000;">នៅក្នុងកំណែអាប់ឌេត iOS 9.3 public beta 1.1 យើងអាចសង្កេតឃើញនូវកូដមួយដែលមានខ្លឹមសារ ថា "Headphones.have.%sinput.NO" និងនេះអាចចាត់ទុកថាជាភស្តុតាងមួយដែលបញ្ជាក់ពីការ Apple ចង់លុបបំបាត់ចោលនូវរន្ធដោតកាសប្រភេទ Jack 3.5mm នៅលើ iPhone ស៊េរីបន្ទាប់របស់ ខ្លួន។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/1/21/iphone-7-concept-without-headphone-jack-21-01-2016--09-12-05.jpg"><img src="/FileManager/Articles/mce/2016/1/21/iphone-7-concept-without-headphone-jack-21-01-2016--09-12-05.jpg" alt="" /></a></span></p>
<p style="text-align: center;"><em>ម៉ូដែល concept iPhone 7</em><span style="color: #000000;"><em><a class="thickbox" title="" href="/FileManager/Commons/2016/1/21/iphone-7-concept-without-headphone-jack-21-01-2016--09-12-05.jpg"></a></em><br /></span></p>
<p><span style="color: #000000;">ការដែលក្រុមហ៊ុនចង់លុបបំបាត់ចោលរន្ធដោតកាស Jack 3.5mm ចេញពីគំរូ iPhone 7 បានលេច ចេញនូវ ព័ត៌មានចចាមអារាមជាច្រើន កាលពីពេលកន្លងមកនេះ។ រួមជាមួយព័ត៌មានដែលថា ក្រុម ហ៊ុនចង់ផលិត iPhone 7 ស្តើងជាងមុន នោះរន្ធដោតកាស 3.5mm អាចនឹងត្រូវបានលុបបំបាត់ចោល ដើម្បីអាចធ្វើឲ្យដូចអ្វី បានកំណត់ទុកនោះ។ បច្ចុប្បន្ននៅលើទីផ្សារ មានកាសស្តាប់តន្រ្តីមួយចំនួន បានប្រើប្រាស់រន្ធដោតប្រភេទ lightning ដើម្បីទទួលនូវសញ្ញាឌីជីថល ទន្ទឹមនឹងនោះបណ្តាតំណភ្ជាប់ អត់ខ្សែ ពីមួយថ្ងៃទៅមួយថ្ងៃ កាន់តែទទួល បាននូវការពេញនិយមប្រើប្រាស់ជាងមុន។ ដូច្នេះការដែល នឹងបោះបង់ចោលនូវរន្ធដោតកាស 3.5mm នៅលើ iPhone ក៏មានហេតុផលសមទំនងដែរ។</span></p>
<p><span style="color: #000000;">ជាក់ស្តែងនេះគ្រាន់តែជាកូដសរសេរ ហើយអ្វីៗវាគ្រាន់តែជាការរំពឹងទុកប៉ុណ្ណោះ។ សកម្មភាពនេះ អាចគ្រាន់តែ បង្ហាញឲ្យឃើញថា ក្រុមហ៊ុនគ្រាន់តែកំពុងពិសោធឧបករណ៍ណាមួយនោះ ប្រើប្រាស់ iOS 9.3 ដែលមិនមាន រន្ធដោតកាស jack 3.5mm ហើយរឿងនេះមិនមែនមានន័យថា iPhone 7 នឹង ដូច្នេះដែរ។</span></p>
<p><span style="color: #000000;"><a class="thickbox" title="" href="/FileManager/Commons/2016/1/21/ios-9-3-no-headphone-577x1024-21-01-2016--09-13-16.png"><img src="/FileManager/Articles/mce/2016/1/21/ios-9-3-no-headphone-577x1024-21-01-2016--09-13-16.png" alt="" /></a><br /></span></p>
<p><span style="color: #000000;">គួរបញ្ជាក់ផងដែរ ក្រុមហ៊ុននៅមិនទាន់បញ្ចេញនូវព័ត៌មានផ្លូវការណាមួយ ចំពោះព័ត៌មានខាងលើនេះ ទេ។ សម្រាប់ចម្លើយវិញ មានតែរង់ចាំដល់ពេល iPhone ថ្មីបង្ហាញណែនាំខ្លួន ទើបអ្វីៗគ្រប់យ៉ាង លាតត្រដាងឲ្យដឹង ច្បាស់បាន៕</span></p>
<p><span style="color: #000000;"><a href="http://www.camnews.com.kh/News/Detail/17371/concept-dumbphone-of-iphone"><span style="color: #0000ff;"><em>- អានអត្ថបទ៖ [Concept] គំរូទូរស័ព្ទ iPhone មូលដ្ឋាន សាមញ្ញ ស្អាតប្លែក គួរឲ្យចាប់អារម្មណ៍ (មានវីដេអូ)</em></span></a></span></p>
<p> </p>
<p> </p>
<p style="text-align: right;">ប្រែសម្រួល៖ មង្គល<br /> ប្រភព៖<em> iphonehacks, tinhte</em></p>