<p><span style="color: #000000;"><strong>(បរទេស)៖</strong> រូបភាពមួយសន្លឹក ដែលត្រូវបានបង្ហោះរយៈពេលមួយថ្ងៃក្នុងទំព័រ Facebook ផ្លូវការរបស់កំពូលតារាបាល់ទាត់ពិភពលោក បាននិងកំពុងទទួល រងការរិះគន់ និងជេរប្រទេចយ៉ាងចាសដៃពីសំណាក់ពុទ្ធសាសនិកជននានាទូទាំងពិភពលោក ដោយវាបង្ហាញពីកាយវិកា ថតរូប <strong>«យកជើងម្ចាងគងលើជាយ រូបសំណាកព្រះកេសព្រះពុទ្ធអង្គ»</strong>។</span></p>
<p><span style="color: #000000;">រូបភាពខាងលើនេះត្រូវបានបង្ហោះនៅថ្ងៃទី២០ ខែតុលា ហើយរហូតមកដល់ម៉ោង៣៖៣០នាទីរសៀល ថ្ងៃសុក្រ ទី២១ ខែតុលានេះ វាបានទទួលការចុច Like ជាង ១.២លាននាក់, ចែករំលែកជិត ៤០នាក់, និង អ្នកបញ្ចេញមតិយោបល់ជាង ៦០ពាន់នាក់ ដោយចំនួនទាំងនេះនឹងបន្តកើនឡើងបន្ថែមទៀត ដោយសារតែទំព័រហ្វេសបុកដ៏ល្បី របស់កីឡាករបាល់ទាត់លំដាប់កំពូលលើលោកនេះមានអ្នកតាមដាន ជាច្រើនពាន់លាននាក់។</span></p>
<p><span style="color: #000000;">Facebook របស់កីឡា Cristiano Ronaldo មានអ្នក Like រហូតដល់ទៅជាង១១៧លាននាក់ និងជាប់លេខ០១ លើពិភពលោក ដោយមិនរាប់បញ្ចូលទំព័រហ្វេសបុក។</span></p>
<p><span style="color: #000000;">តាមការដកស្រង់មតិរបស់អ្នកលេងបណ្តាញសង្គមហ្វេសបុកមួយចំនួន ទៅលើរូបថតមិនសមគួររបស់ Cristiano Ronaldo ជនជាតិព័រទុយហ្គាល់ ដែលបានជួយឲ្យ ជាតិសាសន៍ខ្លួនឯងឈ្នះបាល់ទាត់ Euro 2016 នោះបានធ្វើការរិះគន់ដូច្នេះថា <strong>«វាជាទង្វើដែលមិនបង្ហាញការគោរពទាល់តែសោះ! តើគាត់អាចដាក់ជើងលើ រូបសំណាកព្រះពុទ្ធ បានយ៉ាងដូចម្តេច? ខ្ញុំមិនដែលគិតថាគាត់ (Ronaldo) អាចធ្វើរឿងដ៏ឆ្កួតលីលាបែបនេះទេ។ សូមប្រាប់លោកថា លោកបានបាត់បង់ អ្នកគាំទ្ររបស់លោកស្ទើរតែទាំងអស់ហើយ ដោយសារតែទង្វើបែបនេះ»</strong>។</span></p>
<p><span style="color: #000000;">ដោយឡែកមតិដ៏គួរឲ្យចាប់អារម្មណ៍ផ្សេងទៀត ក្រៅតែពីការជេរប្រទេចនោះគឺ «ទោះបីជាលោក កាន់សាសនាអ្វីក៏ដោយក៏លោកគួរតែគោរពសាសនាដ៏ទៃផង ទោះជាសាសនា គ្រិស្ត អ៊ីស្លាម ឬហិណ្ឌូក៏ដោយ ព្រោះអ្នកគាំទ្ររបស់លោកគឺមានគ្រប់សាសនាទាំងអស់។ អ្នកជាតារាបាល់ទាត់ល្បី សូមកុំធ្វើបែបនេះ ព្រោះរូបថតរបស់អ្នក បានចាក់បេះដូងពុទ្ធសាសនិកជនគ្រប់គ្នាណាស់»។</span></p>
<p><span style="color: #000000;">គួរបញ្ជាក់ថា ទោះបីជាមានការរិះគន់ និងជេរប្រទេចស្ទើរតែ ១០០% នៅក្នុងរូបថតខាងលើនេះក៏ដោយ ក៏ម្ចាស់ផេក (Ronaldo) មិនបានលុបចេញនោះដែរ ដោយនៅលើរូបនោះលោកបានសរសេរពាក្យថា Good Morning (អរុណសួស្តី) ហើយក៏មិនបានបញ្ជាក់ថាវាត្រូវបានថតនៅទីណានោះដែរ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/10/21/01f-21-10-2016--16-10-49.jpg"><img src="/FileManager/Articles/mce/2016/10/21/01f-21-10-2016--16-10-49.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>