<p><span style="color: #000000;">ព័ត៌មានកីឡា៖ ខ្សែបម្រើក្លឹប Chalsea កីឡាករ Eden Hazard បានថ្លែងប្រាប់ដោយផ្ទាល់ ចំពោះការយល់ច្រឡំ ជាច្រើនទៅលើមិត្ដភាពរវាង គាត់នឹង ថ្នាក់ដឹកនាំក្លឹប គឺលោក Mourinho ខណៈដែល ការគិតនេះ ដូចជាមានការចាប់អារម្មខ្លាំងក្នុងសង្គម កីឡាបាល់ទាត់ ។ Eden Hazard បានប្រែប្រួលទម្រង់លេង ស្ទើរតែមិនអាចជឿ ចាប់តាំងពីរដូវកាលថ្មីបានចាប់ផ្ដើម ហើយដំណឹងជាច្រើនទៀត ក៏បានអះអាងថា រវាងកីឡាករនឹង ថ្នាក់ដឹកនាំ គឺលោក Jose Mourinho គឺមានបញ្ហា។ </span></p>
<p><span style="color: #000000;">Eden Hazard បានថ្លែងដោយផ្ទាល់ថា » ខ្ញុំបានឮរឿងរ៉ាវជាច្រើន ទាក់ទងនឹងមិត្ដភាពរវាងខ្ញុំនឹងលោក Mourinho ប៉ុន្ដែនោះគឺមិនពិតទេ ដែលទំនាក់ទំនងខ្ញុំនឹងគាត់មានបញ្ហា។ ខ្ញុំនៅតែមានទំនាក់ទំនងល្អជាមួយគាត់ ព្រោះគាត់គឺជាគ្រូបង្វឹកល្អបំផុតសម្រាប់ខ្ញុំ ។ ពួកយើងសង្ឃឹមថា យើងអាចនឹងទទួលបានជ័យជំនះនៅថ្ងៃណាមួយ ជាមួយគ្នា បើទោះបីជាមិនអាចក្នុងរដូវកាលនេះ ក៏សង្ឃឹមទុកសម្រាប់រដូវកាលក្រោយផងដែរ។ ខ្ញុំមានគម្រោងប្ដួរទម្រង់លេងថ្មី ដោយស្នើឲ្យគាត់ដាក់ខ្ញុំក្នុងតួនាទីលេងរៀងទី ១០ វិញម្ដង»។ </span></p>
<p><span style="color: #000000;">រយៈពេលថ្មីៗនេះ ស្របពេលដែលក្លឹប Chelsea កំពុងតែដុនដាបខ្លាំង ដំណឹងក៏កាន់តែកើតមាន រហូត ដល់ថ្នាក់ថា ក្លឹបមាន គម្រោងលក់កីឡាករខ្សែបម្រើវ័យ ក្មេងនេះទៅ ក្លឹប Real Madrid ទៀត ផង។ ប៉ុន្ដែបើយោងតាមការថ្លែងរបស់កីឡាករផ្ទាល់ក៏បានបញ្ជាក់ផងដែរថា កីឡាករនឹងមិនចាកចេញពីក្លឹប មួយនេះ ទេ។ </span></p>
<p><span style="color: #000000;"><a class="thickbox" title="" href="/FileManager/Commons/2015/11/23/11-23-2015-11-54-54-am-23-11-2015--12-01-37.png"><span style="color: #000000;"><img src="/FileManager/Articles/mce/2015/11/23/11-23-2015-11-54-54-am-23-11-2015--12-01-37.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ fourfourtwo</span></p>