<p><span style="color: #000000;"><strong>(ភ្នំពេញ)៖</strong> មេក្លោងចាប់ជំរិតទារប្រាក់ ពីថៅកែរកស៊ីទិញ-លក់ដី នៅភ្នំពេញ និងបក្ខពួក ត្រូវបានកម្លាំងនគរបាលការិយាល័យ ព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ សហការជាមួយនគរបាលការិយាល័យ ព្រហ្មទណ្ឌកំរិតស្រាល ខេត្តឧត្តរមានជ័យ និងនគរបាលអន្តោប្រវេសន៍ ច្រកអូរស្មាច់ជាប់ព្រំដែនប្រទេសថៃ បានបើកប្រតិបត្តិការ បង្ក្រាបបានជាបន្តបន្ទាប់ ហើយយកមកបង្ហាញមុខ នៅព្រឹកថ្ងៃទី២៤ ខែកុម្ភៈ ឆ្នាំ២០១៦នេះ មុនបញ្ជួនខ្លួនទៅកាន់តុលាការ។</span></p>
<p><span style="color: #000000;">លោក ប៊ុន សត្យា នាយការិយាល័យព្រហ្មទណ្ឌកំរិតស្រាល រាជធានីភ្នំពេញ បានបញ្ជាក់ថា ករណីចាប់ជំរិតនេះបានកើតឡើង តាំងពីរសៀលថ្ងៃទី១៣ ខែមករា ឆ្នាំ២០១៦មកម្ល៉េះ ស្ថិតនៅភូមិស្រែជំរៅ សង្កាត់ចោមចៅ ខណ្ឌពោធិសែនជ័យ ដែលមាន ជនរងគ្រោះឈ្មោះ ជា ណារិន អាយុ៥៧ឆ្នាំ មុខរបរអ្នករកស៊ីទិញ-លក់ដី។</span></p>
<p><span style="color: #000000;">ដោយឡែកជនសង្ស័យទាំង២នាក់ ដែលត្រូវបានកម្លាំងរបស់លោកក្រោមការបញ្ជាផ្ទាល់ពីលោកឧត្តមសេនីយ៍ ជួន សុវណ្ណ ស្នងការនគរបាលរាជធានីភ្នំពេញ និងក្រោមការម្របសម្រួលពីលោក មាស ច័ន្ទពិសិដ្ឋ ព្រះរាជអាជ្ញារង បង្ក្រាបបាននោះ រួមមានទី១ឈ្មោះ នូ ចាន់លី ហៅទូច អាយុ២៨ឆ្នាំ ជាមេក្លោង លើការរៀបចំគំរោងការផ្តល់រថយន្ត និងសម្រាប់ធ្វើសកម្មភាព និងទី២ឈ្មោះ សូរ ចំរើន អាយុ៣២ឆ្នាំ ត្រូវបានចាប់ខ្លួន នៅថ្ងៃទី២១ ខែកុម្ភ: ឆ្នាំ២០១៦ ស្ថិតនៅច្រកទ្វារអូរស្មាច់ ដោយដកហូតកាំភ្លើងខ្លីមួយដើមម៉ាកK59 និងរថយន្ត Camry ពណ៍ស្លែ សេរីឆ្នាំ៩៣មួយគ្រឿង ដែលជិះធ្វើសកម្មភាព។</span></p>
<p><span style="color: #000000;">លោក ប៊ុន សត្យា បានបញ្ជាក់ថា នៅវេលាម៉ោង ៣រសៀលថ្ងៃទី១៣ ខែមករា ឆ្នាំ២០១៦ ជនសង្ស័យទាំង២នាក់បានទាក់ទង ទៅជនរងគ្រោះ ដោយណាត់ជួបគ្នាធ្វើជារកទិញដី ចំណុចកើតហេតុ ស្រាប់តែពេលនោះ ជនសង្ស័យទាំង២នាក់ បានដកកាំភ្លើងភ្ជង់ ហើយអូសចូលរថយន្ត ដោយប្រាប់ជនរងគ្រោះប្រគល់លុយ៦០០០ដុល្លារ។</span></p>
<p><span style="color: #000000;">ដោយខ្លាចជនសង្ស័យទាំង២នាក់ បាញ់សម្លាប់ចោលនោះ ស្រ្តីរងគ្រោះបានទូរស័ព្ទហៅកូនស្រី ឲ្យយកលុយចំនួន៦០០០ដុល្លារ មកប្រគល់ជូនពួកវា ហើយក្រោយបានលុយ ជនសង្ស័យក៏គេចខ្លួន រហូតត្រូវបានបង្ក្រាបតែម្តង៕</span></p>
<div class="fb-video fb_iframe_widget fb_iframe_widget_fluid_desktop" style="width: 100%;" data-allowfullscreen="1" data-href="/214423065556870/videos/vb.214423065556870/233332160332627/?type=3"></div>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xft1/t31.0-8/12771865_233331923665984_4036729353702091601_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xpt1/t31.0-8/12779006_233333676999142_549718600561675158_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xfa1/t31.0-8/12764864_233333673665809_6183456915164850327_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xla1/t31.0-8/12783822_233331930332650_3047104730550291466_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpa1/t31.0-8/1498099_233331920332651_2990932180232137045_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xta1/t31.0-8/12371260_233331960332647_4594576035797163178_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xlp1/t31.0-8/12783794_233331963665980_6303714915740720446_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpf1/t31.0-8/12771642_233334636999046_6285257544389514949_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>