<p><span style="color: #000000;">(អាមេរិក)៖ បំណែក យន្តហោះមួយ ដែលរកឃើញនៅលើឆ្នេរនៃប្រទេស Mozambique ដែលព្រំដែន ដ៏វែងឆ្ងាយជាប់នឹងសមុទ្រឥណ្ឌា កាលពីចុងសប្ដាហ៍មុន «ទំនង» ជាបំណែករបស់យន្តហោះដឹកអ្នកដំណើររបស់ម៉ាឡេស៊ី MH370 ដែលបាត់ជិតពីរឆ្នាំ នេះបើយោងតាមការចេញផ្សាយរបស់ CNN នៅប៉ុន្មាននាទីមុននេះ។</span></p>
<p><span style="color: #000000;"><a class="thickbox" title="" href="/FileManager/Commons/2016/3/3/10-03-03-2016--09-13-11.jpg"><img src="/FileManager/Articles/mce/2016/3/3/10-03-03-2016--09-13-11.jpg" alt="" /></a><br /></span></p>
<p><span style="color: #000000;"> មន្ត្រីជំនាញអាមេរិក បានប្រាប់សារព័ត៌មាន CNN នៅមុននេះថា បំណែកថ្មី ដែលទើបតែប្រទះឃើញនោះ ទំនងជារបស់យន្តហោះ ដឹកអ្នកដំណើររបស់ម៉ាឡេស៊ី MH370 ដែលបានបាត់កាលពីថ្ងៃទី០៨ ខែមីនា ឆ្នាំ២០១៤ ជាមួយនឹងមនុស្ស ២៣៩នាក់។</span></p>
<p><span style="color: #000000;"> របាយការណ៍ដោយគ្មានភស្ដុតាងនេះ ត្រូវបានអាជ្ញាធរម៉ាឡេស៊ី ច្រានចោល និងបាននិយាយថា វាជាការសន្និដ្ឋានទាំង «ប្រថុយប្រថាន» ខណៈដែលការស៊ើបអង្កេតមិនទាន់បញ្ចប់។</span></p>
<p><span style="color: #000000;"><a class="thickbox" title="" href="/FileManager/Commons/2016/3/3/10b-03-03-2016--09-13-55.jpg"><img src="/FileManager/Articles/mce/2016/3/3/10b-03-03-2016--09-13-55.jpg" alt="" /></a><br /></span></p>
<p><span style="color: #000000;"> កាលពីពាក់កណ្ដាលខែមករា កន្លងទៅនេះ ក៏មានការប្រទះឃើញបំណែកយន្តហោះមួយនៅក្នុងប្រទេសថៃ ដោយអ្នកនេសាទម្នាក់ និងត្រូវបានគេសន្និដ្ឋានថា ជារបស់យន្តហោះ MH370 ប៉ុន្តែក្រោយពីធ្វើការស៊ើបអង្កេតចប់ ទើបដឹងថា បំណែកនោះមិនមែនជារបស់ MH370 ទេ។</span></p>
<p><span style="color: #000000;"> គួរបញ្ជាក់ផងដែរថា ដំណឹងទាក់ទងនឹង MH370 ដែលទទួលបានចុងក្រោយបំផុតគឺនៅខែកក្កដា ឆ្នាំ២០១៥ មានអ្នកនេសាទនៅកោះ Reunion បានប្រទះឃើញស្លាបយន្តហោះមួយ ហើយក្រោយពីធ្វើការស៊ើបអង្កេតចប់ នាយករដ្ឋមន្ត្រីម៉ាឡេស៊ី លោក Najib Razak បានបញ្ជាក់ថា ស្លាបយន្តហោះដែលរកឃើញនៅលើកោះ Reunion គឺជារបស់យន្តហោះ MH370 យ៉ាងពិតប្រាកដ៕</span></p>
<p><span style="color: #000000;"><a class="thickbox" title="" href="/FileManager/Commons/2016/3/3/10d-03-03-2016--09-13-20.jpg"><img src="/FileManager/Articles/mce/2016/3/3/10d-03-03-2016--09-13-20.jpg" alt="" /></a></span></p>
<p><a class="thickbox" title="" href="/FileManager/Commons/2016/3/3/10a-03-03-2016--09-13-42.jpg"><img src="/FileManager/Articles/mce/2016/3/3/10a-03-03-2016--09-13-42.jpg" alt="" /></a></p>
<p><a class="thickbox" title="" href="/FileManager/Commons/2016/3/3/10c-03-03-2016--09-13-28.jpg"><img src="/FileManager/Articles/mce/2016/3/3/10c-03-03-2016--09-13-28.jpg" alt="" /></a><a class="thickbox" title="" href="/FileManager/Commons/2016/3/3/10-03-03-2016--09-13-11.jpg"></a></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី និង ស៊ីអិនអិន</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>