<p>នាយករដ្ឋមន្ដ្រីកូរ៉េខាងត្បូង Chung Hong-won ទើបតែបានសុំលាលែងពីតំណែង និងទទួលខុស<br />ត្រូវចំពោះវិធីដោះស្រាយដ៏អន់ខ្សោយ របស់រដ្ឋាភិបាល ក្នុងករណីលិចសាឡាង Sewol បណ្ដាល<br />ឱ្យមនុស្សរាប់រយនាក់ ស្លាប់ និងបាត់ខ្លួន។</p>
<p style="text-align: center;"><a class="thickbox" title="" href="/FileManager/Commons/2014/4/27/southk--chung-hong-won-27-04-2014--09-40-25.jpg"><img src="/FileManager/Articles/mce/2014/4/27/southk--chung-hong-won-27-04-2014--09-40-25.jpg" alt="" /></a></p>
<p style="text-align: center;">នាយករដ្ឋមន្ដ្រីកូរ៉េខាងត្បូង លោក Chung Hong-won</p>
<p><br />“ប្រការដ៏ត្រឹមត្រូវ គឺខ្ញុំត្រូវតែទទួលខុសត្រូវ និងលាលែងពីតំណែង” នេះគឺជាសម្ដីរបស់នាយក<br />រដ្ឋមន្ដ្រីកូរ៉េខាងត្បូង លោក Chung Hong-won ដែលត្រូវបានដកស្រង់ដោយទំព័រ Yonhap ចុះ<br />ផ្សាយព្រឹកនេះ នៅក្នុងសន្និសិទកាសែតមួយ ក្រោយពីរយៈពេល ១១ថ្ងៃ បន្ទាប់ពីសាឡាង Sewol<br /> ត្រូវលិច។ នាយករដ្ឋមន្ដ្រីរូបនេះ ធ្លាប់ត្រូវបានគេស្រែកប្រឆាំង និងគប់ដបទឹក នៅពេលលោក មកសួរសុខទុក្ខសាច់ញាតិរបស់ជនរងគ្រោះ ក្រោយគ្រោះថ្នាក់ ១ថ្ងៃ។<br /><br />មនុស្សជាច្រើន មានការខឹងសម្បារយ៉ាងខ្លាំង ចំពោះសកម្មភាពជួយសង្គ្រោះដែលធ្វើឡើងដោយ<br />យឺតយ៉ាវ និងការកែប្រែរបាយការណ៍ជាបន្ដបន្ទាប់របស់រដ្ឋាភិបាល ក្នុងនោះ អាជ្ញាធរតំបន់ ក៏ធ្លាប់<br />បានប្រកាសថា អ្នកដំណើរទាំងអស់ សុទ្ធតែត្រូវបានជួយសង្គ្រោះ។</p>
<p style="text-align: center;"><a class="thickbox" title="" href="/FileManager/Commons/2014/4/27/southk--chung-hong-wonok-27-04-2014--09-45-39.jpg"><img src="/FileManager/Articles/mce/2014/4/27/southk--chung-hong-wonok-27-04-2014--09-45-39.jpg" alt="" width="486" height="293" /></a></p>
<p style="text-align: center;">លោក Chung Hong-won ធ្លាប់ទៅសួរសុខទុក្ឋសាច់ញាតិរបស់ជនរងគ្រោះ</p>
<p><br />សាឡាង Sewol ដែលដឹកភ្ញៀវ (ភាគច្រើនគឺសិស្ស និងគ្រូបង្រៀន) ជាង ៣០០នាក់ (មន្ដ្រីជំនាញ<br />ថា ចំនួនមនុស្សនៅលើសាឡាង អាចឡើងដល់ ជិត ៥០០នាក់) បានជួបគ្រោះថ្នាក់ ក្នុងពេលឆ្ពោះ<br />ទៅទិសខាងត្បូង ដោយចេញពីកំពង់ផែ Incheon ទៅកាន់កោះ Jeju ដើម្បីលំហែកាយ។ មកដល់<br />ពេលនេះ សាកសព ១៨៧នាក់ ត្រូវបានរកឃើញ ក្រៅពីនេះ គឺនៅបាត់ខ្លួននៅឡើយ។</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ theguardian<br /><br /></p>