<p><span style="color: #000000;"><strong>ភ្នំពេញ ថ្ងៃទី២៥ ខែសីហា ឆ្នាំ២០២០</strong> - <strong>ដាប់ប៊ែលយូប៊ី ហ្វាយនែន</strong> បានដំឡើងឆ័ត្រធំៗនៅតាមភ្លើងស្តុប និងតាមដងផ្លូវសំខាន់ៗមួយចំនួនក្នុងរាជធានីភ្នំពេញ ដើម្បីចូលរួមចំណែកអភិវឌ្ឍសហគមន៍ និងជួយសម្រួលដល់អ្នកធ្វើដំណើរទៅមក។ ឆ័ត្រធំនេះមានទំហំ ៣ ម៉ែត្រ ធ្វើឡើង យ៉ាងរឹងមាំ ដែលអាចផ្តល់ជាម្លប់នារដូវក្តៅ និងជារបាំងទឹកភ្លៀងនារដូវវស្សា។ អ្នកធ្វើដំណើរទាំងអស់នឹងប្រទះឃើញឆ័ត្ររបស់ <strong>ដាប់ប៊ែលយូប៊ី ហ្វាយនែន</strong> នៅតាមដងផ្លូវមាត់ទន្លេ និងផ្លូវធំៗមួយចំនួនទៀតក្នុងទីក្រុងភ្នំពេញ ខណៈពេលដែលពួកគេកំពុងរង់ចាំភ្លើងស្តុបដើម្បីឆ្លងផ្លូវ។</span></p>
<p><span style="color: #000000;"><br /><a class="thickbox" title="" href="/FileManager/Commons/2020/8/27/photo2020-08-2616-59-29-27-08-2020--14-39-05.jpg"><img src="/FileManager/Articles/mce/2020/8/27/photo2020-08-2616-59-29-27-08-2020--14-39-05.jpg" alt="" /></a><br /></span></p>
<p><span style="color: #000000;"> <span style="font-size: 12px;">លោក </span><strong style="font-size: 12px;">គីម ស៊ុនឃ្យូ</strong><span style="font-size: 12px;"> អគ្គនាយកប្រតិបត្តិ របស់ </span><strong style="font-size: 12px;">ដាប់ប៊ែលយូប៊ី ហ្វាយនែន</strong><span style="font-size: 12px;"> បានមានប្រសាសន៍ថា </span><em style="font-size: 12px;">“ការដំឡើង</em><em style="font-size: 12px;">ឆ័ត្រ</em><em style="font-size: 12px;">ធំៗ នៅតាមដងផ្លូវនានាក្នុងរាជធានីភ្នំពេញនេះ គឺជាសកម្មភាពសង្គមមួយរបស់ <strong>ដាប់ប៊ែលយូប៊ី ហ្វាយនែន</strong> ក្នុងការរួមចំណែកដល់សហគមន៍កម្ពុជា និងជួយលើកទឹកចិត្តអ្នកធ្វើដំណើរថ្មើរជើង ឱ្យកាត់បន្ថយការប្រើប្រាស់យានយន្តលើដងផ្លូវ និងរួមគ្នាកាត់បន្ថយបរិយាកាសកខ្វក់ក្នុងទីក្រុង។ យើងខ្ញុំ សូមថ្លែងអំណរគុណយ៉ាងជ្រាលជ្រៅចំពោះ <strong>សាលារាជធានីភ្នំពេញ</strong> ដែលបានផ្តល់ការគាំទ្រ និងផ្តល់ការប្រឹក្សាបន្ថែមដើម្បីធ្វើឲ្យការ</em><em style="font-size: 12px;">ដំ</em><em style="font-size: 12px;">ឡើងឆ័ត្រទទួលបានជោគជ័យ និងមានភាពរលូន។</em><span style="font-size: 12px;"> </span></span></p>
<p><br /><a class="thickbox" title="" href="/FileManager/Commons/2020/8/27/photo2020-08-2616-59-30-2-27-08-2020--14-39-17.jpg"><img src="/FileManager/Articles/mce/2020/8/27/photo2020-08-2616-59-30-2-27-08-2020--14-39-17.jpg" alt="" /></a></p>
<p><span style="color: #000000;"> <strong style="font-size: 12px;">ដាប់ប៊ែលយូប៊ី ហ្វាយនែន</strong><span style="font-size: 12px;"> តែងតែយកចិត្តទុកដាក់ចូលរួមចំណែកលើកស្ទួយសុខុមាលភាពសហគមន៍ តាមរយៈសកម្មភាពទំនួលខុសត្រូវសង្គម (CSR) នានារបស់ខ្លួន។ នាពេលថ្មីៗនេះ</span><strong style="font-size: 12px;">ដាប់ប៊ែលយូប៊ី ហ្វាយនែន</strong><span style="font-size: 12px;"> បានរៀបចំកម្មវិធីបរិច្ចាគឈាមដល់មជ្ឍមណ្ឌលជាតិផ្តល់ឈាមនៃកម្ពុជា ការចូលរួមយុទ្ធនាការប្រឆាំងជម្ងឺឆ្លង COVID-១៩ និងការបរិច្ចាគសៀវភៅជូនដល់សាលារៀននៅតាមទីជនបទនានា។ ការដំឡើងឆ័ត្រតាមដងផ្លូវ គឺជាសកម្មភាពសង្គមដ៏សំខាន់មួយផងដែរ ហើយយើងនឹងបន្តដំឡើងឆ័ត្រធំៗបែបនេះបន្ថែមទៀតនៅតាមទីតាំងដទៃទៀតក្នុងរាជធានីភ្នំពេញ ក្នុងន័យជួយសម្រួលសុខុមាលភាពសហគមន៍។</span></span></p>
<p><br /><a class="thickbox" title="" href="/FileManager/Commons/2020/8/27/photo2020-08-2616-59-30-3-27-08-2020--14-39-29.jpg"><img src="/FileManager/Articles/mce/2020/8/27/photo2020-08-2616-59-30-3-27-08-2020--14-39-29.jpg" alt="" /></a></p>
<p><span style="color: #000000;"> <strong style="font-size: 12px;">ដាប់ប៊ែលយូប៊ី ហ្វាយនែន</strong><span style="font-size: 12px;"> គឺជាគ្រឹះស្ថានមីក្រូហិរញ្ញវត្ថុ ទទួលប្រាក់បញ្ញើសន្សំ ឈានមុខគេនៅក្នុងប្រទេសកម្ពុជា ដែលមានបណ្តាញប្រតិបត្តិការតាមរយៈ ១៣៦ សាខាទូទាំងប្រទេស។ </span><strong style="font-size: 12px;">ដាប់ប៊ែលយូប៊ី ហ្វាយនែន</strong><span style="font-size: 12px;"> ជាបុត្រសម្ព័ន្ធ </span><strong style="font-size: 12px;">ធនាគារអ៊ូរី</strong><span style="font-size: 12px;"> ដែលជាធនាគារឈានមុខគេមួយនៅប្រទេសកូរ៉េខាងត្បូង។ ដាប់ប៊ែលយូប៊ី ហ្វាយនែន បាននឹងកំពុងបម្រើសេវាហិរញ្ញវត្ថុជូនដល់ សហគមន៍កម្ពុជាអស់រយៈពេលជាង ២០ឆ្នាំ ជាមួយនឹង ផលិតផល និងសេវាហិរញ្ញវត្ថុ ដ៏សម្បូរបែប មានដូចជា ប្រាក់បញ្ញើ-សន្សំ ប្រាក់កម្ចី ផ្ទេរប្រាក់ក្នុងស្រុកនិងក្រៅស្រុក សេវាធនាគារចល័ត ការទូទាត់វិក្កយបត្រ និងអេធីអឹម។ គិតត្រឹមខែកក្កដា ឆ្នាំ២០២០ ដាប់ប៊ែលយូប៊ី ហ្វាយនែន មានទ្រព្យសកម្មសរុបចំនួន ៦២៨.១៩ លានដុល្លារអាមេរិក ផលប័ត្រឥណនទានសរុបចំនួន ៥២៥.១៦ លានដុល្លារអាមេរិក និងសមតុល្យប្រាក់បញ្ញើ-សន្សំសរុបចំនួន ៩៥.៥០ លានដុល្លារអាមេរិក៕</span></span></p>
<p><br /><a class="thickbox" title="" href="/FileManager/Commons/2020/8/27/photo2020-08-2616-59-30-27-08-2020--14-39-40.jpg"><img src="/FileManager/Articles/mce/2020/8/27/photo2020-08-2616-59-30-27-08-2020--14-39-40.jpg" alt="" /></a></p>
<p> </p>