<p><span style="color: #000000;"><strong>(ភ្នំពេញ)៖</strong> សម្តេច ហ៊ុន សែន នាយករដ្ឋមន្រ្តីនៃកម្ពុជា បានមានបញ្ជាក់នៅលើ Facebook Page នៅថ្ងៃនេះ ដោយអំពាវនាវឲ្យអាជ្ញាធរ និងប្រជាពលរដ្ឋ ប្រុងប្រយ័ត្នខ្ពស់ ចំពោះការសុំកូនខ្មែរ ទៅចិញ្ចឹមក្រៅប្រទេស លើករណីជួញដូរសរីរាង្គ។ ការបញ្ជាក់ពីសំណាក់របស់សម្តេចតេជោ បានធ្វើឡើង បន្ទាប់ពីគណៈរដ្ឋមន្រ្តី បានប្រកាសពីការអនុម័តច្បាប់ ស្តីពីការគ្រប់គ្រងលើការបរិច្ចាគ ការផ្សាំកោសិកា ជាលិកា និងសរីរាង្គមនុស្ស នៅព្រឹកថ្ងៃទី២៧ ខែឧសភា ឆ្នាំ២០១៦នេះ។</span></p>
<p><span style="color: #000000;">សម្តេចតេជោ ហ៊ុន សែន បានបញ្ជាក់ក្នុង Comment ជាមួយប្រជាពលរដ្ឋ នៅ Facebook Page ដោយមានខ្លឹមសារថា <strong>«ចំពោះការបរិច្ចាគ សរីរាង្គដូចជាការ ប្តូរក្រលៀនដើម្បីសង្រ្គោះជីវិតមនុស្សជាដើម គឺប្រទេសយើងក៏មានអ្នកឯកទេសធ្វើបានដែរ ប៉ុន្តែត្រូវធ្វើឲ្យបាន ត្រឹមត្រូវតាមច្បាប់ប្រទេស ដោយមានការស្ម័គ្រចិត្ត។ ទន្ទឹមនឹងនេះយើង ក៏ត្រូវប្រុងប្រយ័ត្នចំពោះការសុំកូនខ្មែរទៅក្រៅប្រទេស ដែលអាចមានករណីខ្លះគឺយកទៅប្តូរសរីរាង្គអ្វីមួយ ដែលជាការជួញដូរកេងប្រវ័ញ្ចលើកុមារ ដូច្នេះសូមអាជ្ញធរសមត្ថកិច្ច និងប្រជាពលរដ្ឋប្រុងប្រយ័ត្នបំផុត</strong>»។</span></p>
<p><span style="color: #000000;">គួរបញ្ជាក់ថា សេចក្ដីព្រាងច្បាប់ស្ដីពីការគ្រប់គ្រងលើការបរិច្ចាក ការផ្សាំកោសិកា ជាលិកា និងសរីរាង្គមនុស្ស ត្រូវបានអង្គប្រជុំគណៈរដ្ឋមន្ត្រី អនុម័ត ទាំងស្រុងដោយគ្មានការកែប្រែឡើយ នៅក្នុងកិច្ចប្រជុំគណៈរដ្ឋមន្រ្តី ក្រោមអធិបតីភាព សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅព្រឹកថ្ងៃសុក្រ ទី២៧ ខែឧសភា ឆ្នាំ២០១៦នេះ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13307296_1607553019559063_8390423944299803505_n.jpg?oh=68f180ee5e2a990b3ea8e4b80c33361d&oe=57C85C9B" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>