<p><span style="color: #000000;"><strong>(គូឡាឡាំពួរ)៖</strong> សាលារៀនទាំងអស់នៅក្នុងស្រុក Perlis, Jerantut និង Temerloh ក្នុងរដ្ឋ Pahang ប្រទេសម៉ាឡេស៊ី ចំនួន ២៥៩កន្លែង ត្រូវបានអាជ្ញាធរបញ្ជាឲ្យបិទទ្វារជាបណ្តោះអាសន្ន ព្រោះតែរលកកម្តៅ El Nino នាពេលនេះ ហាក់នៅតែអាក្រក់ខ្លាំងឡើង ដែលវាអាចអូសបន្លាយ រយៈពេលប៉ុន្មានសប្តាហ៍ទៅមុខទៀត។ នេះបើតាមការមុននេះបន្តិចដោយសារព័ត៌មាន Channel News Asia នៅព្រឹកថ្ងៃចន្ទ ទី១១ ខែមេសា ឆ្នាំ ២០១៦។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/11/09a-11-04-2016--14-01-56.jpg"><img src="/FileManager/Articles/mce/2016/4/11/09a-11-04-2016--14-01-56.jpg" alt="" /></a><br /></span></p>
<p><span style="color: #000000;">ក្រសួងអប់រំម៉ាឡេស៊ី បានចេញសេចក្តីថ្លែងការណ៍មួយតាំងពីថ្ងៃអាទិត្យមកម្ល៉េះ អំពីការបិទសាលារៀន ទាំងអស់ខាងលើនេះជាបណ្តោះអាសន្ន ដើម្បីការពារដល់សុខុមាលភាពរបស់លោកគ្រូអ្នកគ្រូ ក៏ដូចជាសិស្សានុសិស្សគ្រប់កម្រិតសិក្សា ចំនួន៩៧,៥៣៣នាក់។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/11/09-11-04-2016--14-02-04.jpg"><img src="/FileManager/Articles/mce/2016/4/11/09-11-04-2016--14-02-04.jpg" alt="" /></a><br /></span></p>
<p><span style="color: #000000;">គួរបញ្ជាក់ផងដែរថា តំបន់មួយចំនួននៃរដ្ឋ Pahang សីតុណ្ហភាពបានកើនឡើងខ្ពស់បំផុត ៣៧អង្សាសេ អស់រយៈពេល ៧២ម៉ោងកន្លងមកហើយ ដែលវាកំពុងបង្កជាគ្រោះរាំងស្ងួតកាន់តែខ្លាំង ប៉ុន្តែគេនៅពុំ ទាន់ទទួលបានរបាយការណ៍ណាមួយពីមនុស្សរងគ្រោះដល់អាយុជីវិត ដូចនៅប្រទេសឥណ្ឌានោះទេ៕</span></p>
<p><br /><br /></p>
<p style="text-align: right;"><span style="color: #000000;">ប្រភព ៖ CNA/អាស៊ីវ័ន</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>